میرا ماننا ہے کہ حکمرانوں کو ہمیشہ تنقید کی نظر سے نہیں دیکھنا چاہیے۔ کچھ ان کی خواہشات بھی ہوتی ہیں کبھی انہیں بھی آرام کی ضرورت ہوتی ہے۔ موجودہ کورونا وائرس سے نمٹنے میں جس طرح ہمارے حکمرانوں نے جاں فشانی سے کام کیا ہے اور اپنے آرام کا خیال نہیں رکھا اس کی مثال حالیہ تاریخ میں مشکل سے ہی ملے گی۔ لہذا کچھ آرام کے لیے فرصت ضروری تھی اس لیے ہمارے حکمران نے جھل مگسی کا رخ کیا جہاں آج کل بہار کا موسم ہے اور شکار بھی مل جاتا ہے۔

سمجھ نہیں آتا کہ صوبائی حکومت کیا کر رہی ہے اور کیا کرنا چاہتی ہے کرونا وائرس کے ڈر سے پاک ایران باڈر پر رکھے ہوئے لوگوں کو صوبائی دارالحکومت کے اہم ترین علاقے حاجی کیمپ مغربی پاس کوئٹہ میں منتقل کرنے کا فیصلہ کیا ہے۔ کوئٹہ کے محل و وقوع سے باخبر لوگ جام کمال کو بہتر بتا سکتے ہیں کہ اسی علاقے میں بلوچستان سے ملک بھر خصوصا کراچی، پشاور اور لاہور جانے والی بسوں کے اڈے واقع

ہر شخص کو کوئی نہ کوئی خوف لاحق رہتا ہے۔ کسی کو اونچائی سے ڈر لگتا ہے۔ تو کوئی بادلوں کی گرج چمک سے خوف محسوس کرتا ہے۔ کسی کو تنگ جگہوں سے خوف آتا ہے۔ تو کوئی سانپ اور چھپکلی سے ڈرتا ہے۔ بعض لوگوں کو اندھیرے سے خوف آتا ہے۔ تو کوئی موت سے ڈرتا ہے۔ حالانکہ موت ایک اٹل حقیقت ہے جس نے ہو کر رہنا ہے۔ سائیکالوجسٹ کہتے ہیں کہ خوف کی وجہ سے انسان کا

صوبے میں گزشتہ 18 ماہ سے شفافیت کا راگ سننے کو ملتا ہے اس راگ کی حقیت اکثر خود حکومتی اقدامات اور دفتری حکم نامے بے نقاب کرتے ہوئے نظر آتے ہیں اتوار کے دن صوبائی حکومت نے بند سول سکریٹریٹ کھول کرایک اعلی حکومتی بیوروکریٹ کے قریبی رشتہ دار جو کہ سکریڑی ہیں اور یوں گھمنڈ اور غرور کا شکار ہیں کہ بلوچستانی کہ عوامی منتخب نمائندوں سے بھی ملنا گوارا نہیں کرتے ہیں کے دوست اور ایک ایسے

میرا جب بھی کافی پینے کے ساتھ فلسفیانہ گفتگو سننے کو دل کرتا ہے تو اپنی دونوں خواہشات پوری کرنے کے لئے میں ان کے پاس پہنچ جاتا ہوں وہ کہنے کو تو بڑے افسر ہیں لیکن ان کی باتیں سننے کے بعد وہ افسر مخالف لابی کے صف اول کا سپورٹر لگتا ہے۔ وہ پوچھتے ہیں کہ اچھے افسران کا قصور کیا ہے؟ یہاں کے انتظامی معاملات کی باگ ڈور کس کے ہاتھ میں ہے دادرسی کہاں ہوتی ہیں

جب سوسائٹی میں کسی بھی طبقے کی غالب اکثریت کسی مقصد کی خاطر بالادست اور قبضہ گیر طبقے کے خلاف ڈٹ جائے تو میں اسے تحریک ہی کہوں گا۔ ہر تحریک کے پیچھے ایک مقصد یا نظریہ ہوتا ہے۔ ترقی پسند تحریک لینن اور مارکس کے نظریات سے متاثر ہوکر شروع کی گئی۔ اسی طرح تحریک پاکستان کا مقصد برصغیر میں مسلمانوں کے لیے ایک علیحدہ مملکت کا قیام تھا۔ اب بلوچستان میں بھی اچھے اور سینئر افسروں نے خاموش

آج کل میڈیا کا دور ہے۔ گو کہ اردو میں میڈیا کو ذرائع ابلاغ کہا جاتا ہے۔ لیکن میڈیا کا لفظ اتنا مستعمل ہے کہ ذرائع ابلاغ کہتے ہوئے کچھ عجیب سا لگتا ہے۔ بلکہ سننے اور پڑھنے والے بھی میڈیا کے لفظ سے زیادہ مانوس ہیں۔ اب تو لگتا میڈیا کا لفظ اردو لغت میں شامل کر لیا گیا ہے۔ آج سے تین دہائی قبل تک اخبارات، رسائل، کتابیں اور ریڈیو ہی میڈیا کے موثر ذرائع تھے۔ پھر ٹی

بلوچستان کے ہر گاؤں میں خبر پھیلی ہے کہ کاغذوں کے بجائے بلوچستان اب سوشل میڈیا میں خوبصورت نظر آرہا ہے۔ ڈیڑھ سال کا عرصہ ہوا ہے کہ بلوچستانی مرد و زن بہترین بلوچستان کی تلاش میں سرگرداں کاغذ و قلم کی دنیا سے ہجرت کرنے پر مجبور ہیں اور سوشل میڈیا پر نظریں جمائے بیٹھے ہیں کیونکہ یہاں حکومت سوشل میڈیا کی ہے آپ کو ہر نئی چیز اور حکومتی اعلان اور اقدامات سوشل میڈیا پر ملتا ہے اس

کسی بھی ملک کو چلانے کے لیے ایک مضبوط اور ایماندار بیوروکریسی کی اہمیت سے انکار ممکن نہیں۔ اگر بیوروکریسی مستعد ہوگی اور اپنے کام سے مخلص ہو گی تو حکومت کی نیک نامی ہوتی ہے اور عوام مطمئن رہتے ہیں۔ بیوروکریسی کی مثال کسی بھی بلڈنگ میں سٹیل فریم کی مانند ہوتی ہے جتنا سٹیل فریم مضبوط ہو گا بلڈنگ اتنی ہی مضبوط ہو گی۔ بد قسمتی سے بلوچستان میں بیوروکریسی کا سٹیل فریم انتہائی کمزور اور ذنگ آلودہ

گھٹن کا یہ عالم ہے کہ آپ کسی سماجی نا انصافی کے خلاف قلم اُٹھاتے ہیں تو سو بار سوچتے ہیں کہ کہیں کچرہ اٹھانے کا ذمہ دار شخص کسی با اثر حلقے کا دوست تو نہیں کہ کل اپ کو تحریر سے بحالت مجبوری راہ فرار اختیار تو نہ کرنا پڑے گی۔ تب ایسی حالت میں آپ کے لئے کسی بھی مسئلے پر لکھنا مشکل ہو جاتا ہے۔ بلوچستان کے حالات سے نابلد لوگ شاید نہیں جانتے ہیں کہ

بلوچستان میں ہماری اشرافیہ اور حکومت ہمیشہ میرٹ کا لاگ الاپتی نظر آتی ہے۔ لیکن جس طرح میرٹ کے لفظ کی عزت کا جنازہ اس دور میں نکلا ہے اور یہ لفظ جس طرح بدنام ہوا ہے۔ اس کی مثال گزشتہ ادوار میں ملنی مشکل ہے۔ پہلے اگر نا انصافی ہوتی تھی تو نظر آتی تھی اس کے خلاف واویلا ہوتا تھا۔ کورٹ نوٹس لے لیتی اور کچھ نا کچھ انصاف مل جاتا تھا۔ اور اگر نا ملتا تو احتسابی

میڈیا پر آرچری کا راگ الاپنے والے تیرانداز وزیراعلی بلوچستان سے انتظامی معاملات میں اس قسم کی نشانہ بازی کیوں نہیں ہورہی جیسی ایک سپاہی کی میدان جنگ میں ہوتی ہے۔ صوبے کے انتظامی معاملات میں ان کا ہر نشانہ چوک کا شکار ہو رہا ہے یا شاید وہ بندوق دوسرے کے کندھے پر رکھ کر استعمال کر رہے ہیں۔ گذشتہ ایک سال سے بلوچستان کی عوام کے کان یہ سن سن کر پک گئے ہیں کہ صوبے میں حکومتی

آج کے ترقی یافتہ بلوچستان (بقول حکمران) میں تعلیم کے ساتھ جو سلوک اس کے کرتا دھرتا ہم قوم نشینوں نے روا رکھا ہے۔ اسے آپ تاتاریوں کی غارت گری سے تشبیہ دے سکتے ہیں۔ جس طرح تاتاری جب کسی ملک پر حملہ کرتے تھے تو وہ اس ملک کی ہر چیز کو اس طرح تہہ تیغ کر دیتے تھے کہ وہ علاقہ برسوں غربت اور بربادی کی اتھاہ گہرائیوں میں ڈوب جاتا تھا۔ لگتا یہ ہے۔ کہ بلوچستان کے

تعصب دراصل ایک رویے کا نام ہے۔ جسے جانبدارانہ رویہ بھی کہا جاتا ہے۔ اگر مہذب معاشرے میں آپ کسی کو متعصب کہہ دیں تو گویا آپ نے اسے گالی دے دی۔ متعصبانہ رویے سے ہی معاشروں میں شدت پسندی جنم لیتی ہے۔ جس کی وجہ سے بگاڑ پیدا ہوتا ہے۔ اور بعض موقعوں پر لوگ جانبدارانہ رویے کی وجہ سے اپنے حقوق حاصل کرنے کے لئے ہر قسم کی جدوجہد کو جائز سمجھنا شروع کر دیتے ہیں۔ میں نے

میرا ماننا ہے کہ میں کوئی بہت پڑھا لکھا شخص نہیں ہوں۔ نہ ہی مجھے اچھے تعلیمی اداروں میں تعلیم حاصل کرنے کا موقع ملا ہے۔ لیکن ایک بات کی ہمیشہ کوشش کی ہے کہ علم و دانش والے شخصیات کی صحبت کا ثمر اور ان سے جو کچھ حاصل ہو وہ آپ تک سادہ الفاظ میں پہنچا سکوں۔ میری اس قلمی جدوجہد کے پیچھے کچھ حاضر ریٹائرڈ بیوروکریٹکس، یونیورسٹی اور کالج کے اساتذہ، سوشل ورکرز کے تجربات اور مشاہدات

اردو کا محاورہ ہے۔ بندر کی بلا طویلے کے سر۔ اللہ بھلا کرے وزیراعلی بلوچستان کا جن کی نظام میں موجودگی کا ثمر ہے کہ مجھے اس محاورے کی سمجھ آئی۔ یہ داستان ہے ایسے صوبے کی ہے جو کہ گندم کی خریداری کے لئے گزشتہ کئی دہائیوں سے بینکوں سے قرضہ لے کر گندم تو ختم کرچکا ہے لیکن۔ 5 ارب روپے اس مد میں نہ صرف مقروض ہے بلکہ ہر تین ماہ بعد 18 کروڑ روپے اس پر

میں مختلف دفاتر کا چکر لگا کر تھک چکا تھا۔ سوچا تھکاوٹ کو دور کرنے کے لیے چائے کی چسکی لی جائے۔ سیکرٹیریٹ کی کنٹین کے باہر چائے پینے کے لیے بیٹھ گیا۔ میری نظر اپنی دائیں جانب بیٹھے ”بگٹی واسکٹ“ پہنے ایک نوجوان پر گئی۔ بگٹی واسکٹ اور لباس کی اپنی پہچان ہے جو پہننے والے کو سب سے منفرد بناتا ہے۔ اس نوجوان کے چہرے پر نمایاں پریشانی کو بھانپ کر سوچا ذرا اس کی دلجوئی کی جائے۔

کرپشن ایک ایسا رویہ یا طرز عمل ہے جس کا اظہار ہمیں قدیم انسانی معاشروں میں بھی ملتا ہے۔ جس طرح اس کی مختلف قسمیں ہیں اسی طرح اس کی تعریف بھی مختلف سکالرز نے مختلف کی ہے۔ مثلا کارل فریڈرچ ( Carl Fredrich ) اس کو بیان کرتے ہوئے کہتا ہے کہ ”جو بھی عوام کے مال سے ذاتی فائدہ اٹھائے اسے کرپشن کہا جائے گا۔“ جب کے وان کلیورن ( Van kklvaren ) اسے ”عوام کا استحصال“ کہتا

بلوچستان کے عوام تین نسلوں سے حکمرانی کرنے والے جام خاندان کے چشم وچراغ جام سوئم سے ان کے اولین وعدوں اور آئین کی پاسداری کی ہنوز منتظر ہے۔ پڑھے لکھے وزیراعلیٰ کا ویژن کچھ یوں ہے کہ قوموں کی تعمیر و ترقی میں بنیادی کردار ادا کرنے والے محکمہ تعلیم جس کا سالانہ بجٹ 75 ارب روپے اور محکمہ صحت جس کا بجٹ سالانہ 22 ارب 38 کروڑ 30 ہزار 98 روپے ہے کے قلمدان اپنے پاس رکھنے کی

میں مانتا ہوں کہ امریکن صدر ڈونلڈ ٹرمپ کے ٹویٹر ہینڈل سے متاثر فعال وزیراعلیٰ بلوچستان نے گزشتہ ایک سال سے ٹویٹر ہینڈل کو اتنا فعال رکھا ہوا ہے کہ ان کی میڈیا ٹیم وزیراعلی کی کارکردگی سے باخبر رہنے کے لئے ان کے اکاونٹ کو دیکھ کر حکومتی کارکردگی کی خبر جاری کرتی ہے۔ بوسیدہ کاغذی نظام سے نکل کر حکومت جدید سوشل میڈیا پر چل رہی ہے۔ کم خواندہ وزراء نے حکومتی اقدامات اور فیصلوں سے باخبر رہنے کے لئے دوسروں کی مدد سے ٹویٹر اکاونٹ بنا کر چلانے کے لئے منشی رکھ لئے ہیں تاکہ حکومتی فیصلے گھر بیٹھے معلوم ہوں۔

قدرتی وسائل سے مالا مال صوبہ بلوچستان جس کے عوام کو احساس محرومی نے اس قدر شدت سے جکڑ رکھا ہے کہ اس جکڑن سے سیاسی شخصیات تک کی ذہنی نشوونما بھی متاثر ہوئی ہے۔ یہاں کے مسائل اور ان کے حل کے بارے میں رکاوٹوں کی بات کی جائے تو ان کی نظر میں ناقابل علاج اگر کوئی مسئلہ ہے تو وہ احساس محرومی ہے۔ بلوچستان کی سیاسی قیادت کو سوچ و فکر سے محروم ہونے کو اگر احساس

بلوچستان میں تعلیم کو برائے فروخت بنا دیا گیا ہے۔ جس کی بنیادی وجہ نظام میں چیک اینڈ بیلنس کا فقدان رہا ہے۔ جس کی وجہ سے ہر شخص کا ذاتی حیثیت میں اپنے سرکاری دفتر اور ادارے کا اچھے اور برے کے فیصلے از خود کرنا ہے۔ پیسے دو، پوسٹنگ کے بعد کچھ بھی کرو، آپ کا کوئی بال بیکا نہیں کرسکتا۔ یوں لگتا ہے کہ یہاں پر کسی کو نہ خوف خدا ہے نہ خوف نظام ہے، نہ

بلوچستان سے غربت افلاس و احساس محرومی کے خاتمے کا اگرچہ بہترین نسخہ تعلیم کا فروغ ہے لیکن گاؤں کے یونانی طبیب ایسے بطور علاج نسخے تحریر کرنے سے گھبراتے ہیں۔ کیونکہ چالاک طبیب سمجھتا ہے کہ اگر وہ مریض کی صحیح تشخیص کرے گا تو کل گاؤں کا صحت مند نوجوان اس کے مقابلے میں ڈاکٹر بن کر ان کو آبا و اجداد سے ورثے میں ملی طب کی دکان ہمیشہ ہمیشہ کے لئے بند کرنے اور دوسرے روزگار

پاکستان کے 44 فیصد رقبے، اور صرف 7 فیصد آبادی کے ساتھ تیل، گیس، تانبے اور سونے جیسے قدرتی وسائل سے مالا مال ہونے کے باوجود ملک کے سب سے غریب اور پسماندہ علاقوں میں شمار ہونے والے صوبہ بلوچستان کے بارے میں وفاقی وزیر اطلاعات فواد چوہدری کا یہ کہنا ہے کہ گزشتہ دس سال میں 15 سو ارب روپے بلوچستان کی ترقی کے لئے فراہم کیے گئے مگر ابھی بھی بلوچستان کی صورتحال ابتر ہے اور یہ رقوم

تاریخ کا مشاہدہ کرنے سے کہیں نظر نہیں آرہا کہ کسی قوم نے مرغیوں پر بیٹھ کر فتوحات حاصل کی ہوں۔ تاہم اس میں کوئی شک و شبہ نہیں کہ مرغی اور انڈے کچن کے ضروری اجزاء ہیں۔ پاکستان کے دیہی علاقوں میں عورتیں مرغیاں پالتی ہیں۔ ان کا گوشت اور انڈے فروخت کرتی ہیں مگر مجموعی معیشت میں ان کی اہمیت نہیں ہے۔ پتہ نہیں وزیر اعظم عمرا ن خان کو کیا سوجھی اور کس معیشت دان نے سمجھا یا کہ مرغی اور انڈے کی روایتی صنعت کو ترقی دینے سے ملک میں معاشی انقلاب آجائے گا۔

یا پھر ان کو یہ سوچ ڈاکٹر اکبر حریفال سے ملی ہے جو وہ بطور سکریڑی لائیوسٹاک بلوچستان تھے۔ وہ بھی کچھ ایسے آئیڈیاز کے قائل تھے۔ 44 کروڑ روپے صوبائی حکومت سے طلب کر لئے کہ وہ انڈوں کے ذریعے صنعتی انقلاب لائیں گے۔ لیکن 3 ارب 78 کروڑ روپے سالانہ تنخواہوں کی مد میں ادا کرنیوالے 6830 ملازمین کے محمے لائیو اسٹاک ڈیپارٹمنٹ کی از سر نو نظر ثانی و تشکیل تو نہ کرسکے اور بطور سیکریڑی 2018 میں انگریز کے متعارف کردہ کیمل مین یعنی اونٹ چرانے والے کو بھی بھرتی کردیا اگرچہ اس کی اب ضرورت ہی نہیں پڑتی۔

احساس محرومی میں گھرے ہوئے بلوچستان نے، یہاں سمندر کے ساتھ سرکاری ماسٹر کو بھی محرومیوں میں لپیٹ دیا ہے۔ استاد سمجھتا ہے کہ یہ طویل محرومی اس کے بروقت سرکاری سکول جانے سے ختم نہیں ہوگی، وہ سکول میں رہے یا نہ رہے، سکول اور صوبے کی حالت بدلنے والی نہیں ہے۔ پنجاب نے اس کو ان پڑھ رکھا ہے وہ مٹی کا فرزند ہے، اتنا تو حق بنتا ہے کہ وہ سکول سے غیر حاضر ہو۔ وہ کون سی تنخواہ پنجاب سے لیتا ہے۔ تنخواہ اور وزیر دونوں بلوچستانی ہیں۔ وہ پنجاب سے بدلہ اپنے سکول میں غیر حاضری کی صورت میں لینے پر تلا ہوا ہے۔