چلتے چلتے ہم ایک خالی پلاٹ تک پہنچے پھر قدم وہیں جم گئے۔وہ چند نوجوان تھے، خوش دل، خوش خیال اور خوش جمال، نیم دائرے کی شکل میں کھڑے ان نوجوانوں کے ہاتھ ایک دوسرے کے ہاتھوں میں تھے اور وہ حرکت میں تھے، ان کے لچکیلے جسم،بازو اور ٹانگیں۔ ترنگ میں آکر جب وہ اپنے بازو جھلاتے تو شوق دید سے آنکھیں جھپکنا بھول جاتیں،ہاتھوں کا رخ زمین کی طرف ہوتا تو وہ انگریزی کا (V)بن جاتا، آسمان کی

فواد چوہدری کہتے ہیں، ریاستی ادارے انھیں انصاف دلائیں یا الزام لگانے والے الزام کو ثابت کریں، ایسا اگر نہیں ہو گا تو پھر وہی ہوا جو مبشر لقمان کے ساتھ ہوا یا اس سے قبل سمیع ابرہیم کے ساتھ ہوا۔ گزشتہ چار پانچ برس کے دوران میں یہ ملک جن تجربات سے گزرا ہے، اس کے سبب فواد چوہدری نے بہت سی محبت اور بہت سی مخالفت کمائی ہے، اس بنا پر اس واقعے پر تالی بجانے والے بھی

کوئٹہ کا ایک سفر کبھی نہیں بھولتا، ریل گاڑی اسٹیشن پر پہنچی تو مسافروں نے اس پر ہجوم کیا۔ اُ ن زمانوں میں اوّل ٹرین پر سوار ہونا پھر اس میں جگہ بنانا جان جوکھوں کا کام تھا۔ خوش قسمتی سے جنھیں جگہ مل جاتی، وہ آنے والوں کا راستہ بند کر دیتے۔ گاڑی کے اندر جہاں بیٹھنے کی جگہ ہوتی، لوگ باگ ایک دوسرے پر چڑھے دکھائی دیتے۔ کوئی جگہ بنانے کی کوشش کرتا تو پہلے سے بیٹھے ہوئے

ابا جی نے ایک روز اعلان کیا: ”آج سے گھر کا سودا سلف عبدالصمد بنگالی کے ہاں سے آئے گا“۔ وہ عجب زمانہ تھا۔ ہمارے بزرگ بات بات پر جذباتی ہوجاتے، مشرقی پاکستان کے ذکر پر آنسو بہاتے اور اُس دیار سے کسی کے آنے کی خبر ملتی تو اس کی راہ میں پلکیں بچھا دیتے۔ بھٹو صاحب کے اقتدار کا سورج نصف النہار پر تھا، بھارت کی قید سے رہا ئی کے بعد بہاریوں اور محب وطن بنگالیوں کی

لوگ جو بھی کہیں کالجوں اور یونیورسٹیوں میں بہار دو بار آتی۔ ایک اس وقت جب انتخابات ہوا کرتے اور دوسرے نئے تعلیمی سال آغاز پر داخلوں کے موقع پر۔ ان دونوں مواقع کی یادیں دلوں میں تتلیاں بن کر اڑتی ہیں۔ داخلوں کے موقع پر نئے طلبہ اپنی تعلیمی پیش رفت میں سرشاری، میرٹ کے باعث داخلہ ملنے یا نہ ملنے کی فکر مندی کے باوجود اور اپنی خوبصورتی اور وجاہت کے اظہار کے لیے بہترین جامہ زیبی کا

یہ اختلاف بیزاری کا زمانہ ہے۔ آپ نے جیسے ہی اپنی رائے کا اظہار کیا یا کوئی سوال ہی اٹھا کیا، سنگ زنی شروع ہو گئی۔ اس رجحان کا تازہ تجربہ ایک دیرینہ رفیقِ کار حمیداللہ عابد کو ہوا ہے۔ حمیداللہ عابد نہایت پڑھے لکھے، محنتی اور لائق صحافی ہیں چونکہ پڑھنے لکھنے کی عادت ہے اور لکیر کے فقیر بھی نہیں ہیں، اس لیے صرف اثبات اور تائید کے خواہشمندوں کے ساتھ ان کی کم ہی بنتی ہے لہٰذا

ایک عزیز دوست نے سوال کیا کہ علی قاسمی کو جانتے ہو؟ ذرا توقف کے بعد وضاحت کی کہ وہی علی عثمان قاسمی جو عطا الحق قاسمی کے فرزند ہیں۔ اسی ہلے میں انھوں نے اطلاع دی کہ یہ نوجوان بھی ترقی پسندوں کے مظاہرے میں پائے گئے، لال قمیص پہن کر، یقینا لال لال لہرائے گا جیسے نعرے بھی لگائے ہوں گے۔ ممکن ہے، وہ ابھی کچھ مزید بھی کہتے لیکن میں نے سوال کردیا کہ پھر؟ ”پھر کیا؟

سیاسی تحریکوں کی اثر انگیزی کے بارے میں ایک سوال پرجمیعت علمائے اسلام کے سیکرٹری جنرل مولانا عبد الغفور حیدری نے عجب بات کہی۔ فرماتے ہیں جب تحریک نظام مصطفیٰ صلی اللہ علیہ وسلم چلی، وہ بچے تھے، اس لیے نہیں جانتے کہ اس تحریک کا مزاج اور افتاد کیا رہی ہے۔ ہماری تاریخ میں تحریکوں کی ماں کا درجہ تو بلاشبہ تحریک پاکستان کو حاصل ہے لیکن 1977 ء کی تحریک کی اہمیت بھی بنیادی ہے۔ کسی نظریاتی وجہ

دھرنے کے بحرِ بے کراں میں توجہ کے قابل صرف ایک مولانا فضل الرحمن ہی نہیں، اس ملک کے 72 برس بھی ہیں جن کی کوکھ سے دھرنے اور بحران پے درپے نکلتے ہیں اور تاریخ کا رزق بن کر کسی نئے بحران کی راہ ہمور کر جاتے ہیں۔ ایک نونہال نے گلہ کیا کہ ہماری قسمت ہی خراب ہے جب سے ہوش سنبھالا ہے،سوائے انتشار کے کچھ نہیں دیکھا۔ بس، اسی شکوے کی کمان سے یاد نے الٹی زقند

پروفیسر شریف المجاہد اور ان کے شاگرد رشید پروفیسر زکریا ساجد بڑے زیرک لوگ ہیں۔ ان بزرگوں نے جامعہ کراچی میں شعبہ ابلاغ عامہ قائم کیا تو اس کے ساتھ ہی کچھ اصول بھی طے کیے۔ پہلا اور بنیادی اصول یہ تھا کہ اساتذہ ہوں یا طلبہ، شعبے کے تمام تر وابستگان اپنی توانائیاں شعبے کی تعمیر و ترقی پر صرف کریں گے اوران کے درمیان اختلاف کی نوعیت محض علمی ہوگی شخصی یا ذاتی نہیں۔ ایک اصول یہ بھی

چند برس ہوتے ہیں، ہمارے طلعت حسین نے ایک سوال اٹھایا۔ سوال یہ تھا کہ یہ ہمارے ٹیلی ویژن چینل برطانیہ کے شاہی خاندان پر اتنا فدا کیوں ہوئے جاتے ہیں؟ اصل میں ہوا یوں کہ شہزادہ ولیم اور شہزادی کیٹ مڈلٹن رشتہ ازدواج میں منسلک ہو گئے۔ برطانوی عوام کے لیے تو یہ موقع خاص تھا ہی ہمارے ٹیلی ویژن نے ہمارے لیے بھی اسے خاص بنا دیا۔ شادی کی تقریبات دکھانے کے لیے گھنٹوں نشریات جاری رکھی گئیں۔

 سندھی کہاوت ہے جب تم کبھی لنگڑوں کے گاؤں میں جاؤ تو لنگڑانا شروع کر دو ورنہ لنگڑے تمھاری ٹانگ توڑ ڈالیں گے۔ سمجھ دار لوگ ایسے مشوروں کو نظر انداز نہیں کیا کرتے البتہ دیوانوں کی بات الگ ہے۔ ان دیوانوں میں ایک اقبالؒ بھی تھے جنھوں نے غلاموں کے دیس میں آزادی کی بات کی اور اتنے زور دار طریقے سے کی کہ صدیوں کے پسے اور کچلے ہوئے خاک بسر لوگ انگڑائی لے کر اٹھ کھڑے ہوئے

ہماری سیاست کے دو جڑواں بچے تھے، چند برس ہوتے ہیں، ان میں سے ایک سیا سی کشمکش کی نذر ہو کر ہمیشہ کی نیند سو گیا اور اب ایک اپنی زندگی کی شاید سب سے مشکل اور پیچیدہ آزمائش سے نبرد آزما ہے۔ جان سے گزر جانے والی بے نظیر بھٹو تھیں جب کہ پیچھے رہ جانے والے مولانا فضل الرحمان ہیں جو تخت یا تختہ کرنے پر تلے دکھائی دیتے ہیں۔ پاکستانی سیاست کی ان دو شخصیات کی

 پروفیسر، ڈاکٹر اور شیخ الاسلام کے مناصب ابھی تک انھوں نے نہیں سنبھالے تھے لہٰذا صرف علامہ کہلاتے تھے۔ ٹیلی ویژن پر رنگ آ چکے لیکن رنگ بازی کے آنے میں ابھی دیر تھی۔ شاید یہی سبب ہوگا کہ فہم القرآن جیسے پروگرام بہت مقبول تھے جن میں اس دیس کے سنجیدہ علما اور بزرگ نمودار ہوتے اور حکمتِ قرآن پر دانش کے موتی بکھیرتے۔ علامہ طاہر القادری کی رونمائی بھی پہلے پہل اسی پلیٹ فارم سے ہوئی، اسی پروگرام

بی ایم کٹی کے ذکر پر اوّل دل میں ایک گدگدی سی ہوتی ہے، اس کے بعد یادوں کی پٹاری کھل جاتی ہے۔  یہ زمانہ طالب علمی کی بات ہے۔  کراچی یونیورسٹی میں ایک صاحب ہواکرتے تھے، یوسف مستی خان، گورے چٹے، موٹے تازے اور تھوڑے سے پراسرار، بی ایم کٹی کا جب بھی ذکر ہوتا، نہ جانے کیوں اُن کا سراپا نظر میں گھوم جاتا۔ برسوں بعد جب بی ایم کٹی کی تصویر دیکھی تو احساس ہوا کہ بعضے

اٹھا ساقیا پردہ اس راز سے
لڑا دے ممولے کو شہباز سے

اقبال ؒ کا یہ شعر ایک جہانِ معنی اپنے اندر سموئے ہوئے ہے لیکن پاکستان اور بھارت کے درمیان جب مبارزت آرائی ہوئی توقوم نے اسی فکر سے توانائی لے کر تاریخ رقم کردی۔ 65 ء کا معرکہ ہو یا دیگر مواقع، پاکستانی اہلِ قلم نے بھی اقبالؒ کی اس تابندہ روایت کی پیروی کی۔ واقعہ یہ ہے کہ یہ اہل فکر اور اہل قلم ہی ہوتے ہیں جو آزمائش کے مواقع پر قوموں کے جسم و جا ں میں جذبے کی روح بیدار کر کے معجزوں کی راہ ہموار کردیتے ہیں۔

وہ جھاگ اڑاتا، شور مچاتا اور بل کھاتا دریائے کھرمنگ تھا جس کے کنارے کھڑی جیپ میں ہم بیٹھے تو وہ ازخود رواں ہوگئی یوں کارگل کے مسافروں کا منزل پر پہنچنے کے بجائے دریا میں ڈوبنے کا امکان پیدا ہوگیا۔ دبلا پتلا ڈرائیور چیتے کی طرح چھلانگ لگا کر ہینڈ بریک لگانے میں کامیاب نہ ہوتا تو شہادت یقینی تھی۔ ابھی ہم اس حادثے سے جان بر نہیں ہوئے تھے کہ دشمن کی طرف سے گولہ باری شروع ہوگئی

” بھئی ، یہ شخص تو لکھاڑ ہے لکھاڑ!“ صلاح الدین صاحب نے پڑھتے پڑھتے سر اُٹھایا اور مسکراتے ہوئے کہا۔ صلاح الدین صاحب اسلاف کی وہ یادگار تھے، شخصی صحافت جن سے منسوب ہوتی ہے۔ تکبیر بھی شخصی صحافت ہی کا ایک نمونہ تھا لیکن اس میں جمہوریت کے بھی کچھ جراثیم تھے۔ ہر ہفتے ایک گرینڈ میٹنگ ہوتی جس میں شعبہ ادارت کے تمام سینئر اور جونیئر مل بیٹھتے اور اگلے ہفتے کے شمارے کی منصوبہ بندی ہوتی۔

عرفان صدیقی صاحب کی دلچسپ گرفتاری اور رہائی سے پہلے ایک واقعہ اور بھی ہو گزرا ہے۔ ہمارا یار عزیز ارشاد محمود تحریک انصاف کو پیارا ہو گیا ہے۔ یہ بھی اچھا لگا کہ تحریک انصاف نے اِس نگینے کی قدر کی، اسے اپنی آزاد کشمیر شاخ کا سیکریٹری اطلاعات بنا دیا۔ ارشاد وضع دار آدمی ہے، ورنہ حقیقت تو یہ ہے کہ اس کی بے پناہ صلاحیتوں کے مقابلے میں یہ منصب فروتر ہے، اس جماعت کے اربابِ بست

یہ ایک عجب اتفاق ہے کہ ہم پاکستانیوں کی دنیا بھر کے لوگوں سے ملاقات ہوجاتی ہے لیکن مصریوں سے نہیں ہوتی، ہوتی بھی ہے تو کم کم ہوتی ہے۔  میرا تجربہ بھی اس سے مختلف نہیں لیکن محمد مرسی صدر منتخب ہوئے تو یہ خواہش جاگی کہ نہ صرف مصر کے اس بطل جلیل سے ملاقات ہونی چاہیے بلکہ بدلے ہوئے مصر پر ایک نظر بھی ڈالنی چاہیے لیکن حالات کا رخ کچھ ایسا رہا کہ مرسی کے دور

اہلِ کراچی ایک صبح اٹھے تو حیران رہ گئے، شہر کی تقریباً ہر دیوار پر ایک ہی تحریر جلوے بکھیر رہی تھی: ”قائدے تحریک، الطاف حسین“۔ کہیں کہیں لکھنے والے نے اس کلمے کی ترتیب بدل ڈالی اور لکھا: ”تحریکے قائد۔ “ تحریر سے لکھنے والے کی ذہنی سطح اور ذوق کا اندازہ خوب ہوتا تھا، برش پکڑنے کا سلیقہ اور نہ روشنائی کے استعمال کا قرینہ، کہیں قائد کے ”ق“ کی رال ٹپکنے لگتی اور کہیں تحریک کی ”ک“ بے وزن ہوجاتی۔ یہ چاکنگ میں نے دیکھی تو سوچا کہ جو لوگ اس قدر پھوہڑ ہوں، کیسی ہو گی ان کی تحریک اور کیا کرے گا ان کا قائد؟

ادریس بھائی سے کب اور کیسے شناسائی ہوئی؟ شاید ذہن پر بہت زور دے کے بھی یاد نہ آ سکے۔ اس لیے میں اس تعلق کو اپنی صحافتی عمر سے جوڑتا ہوں۔ ہماری نسل کے لوگوں نے جب قلم پکڑنا سیکھا، اس قلم رو میں ادریس بختیار کا سکہ رواں تھا، کچھ ایسا کہ بر عظیم ہند کے مسلمان شہنشاہوں کی یاد آتی ہے۔ ہمارے اس دیار کے بادشاہ اپنے زور بازو سے سلطنت بناتے، سخت محنت کر کے اس

فلسفہ تو یہی کہتا ہے کہ یہ سارے کا سارا کاروبار حیات نقل کے زور پر چل رہا ہے، اس کے باوجود امتحان میں نقل قابل قبول نہیں تو کیوں؟ ایران توران میں اس سوال کی کوئی اہمیت ہے اور نہ لوگوں کے پاس ایسی باتوں پر سوچنے کے لیے اب وقت ہے۔ سبب یہ ہے کہ دنیا اس طرح کے بہت سے سوال بہت پہلے حل کر کے آگے بڑھ چکی۔ اگر یہ سب ہو چکا اور دنیا اس

کشمیری تہذیب کو تین ادوار میں تقسیم کیا جاسکتا ہے، یعنی عہدِموسیقیت، رومانویت اور حقیقت پسندی، لیکن یہ باتیں پرانی ہوئیں، یہ متنوع تہذیب موجودہ عہد میں بھی ایک دور سے گزر رہی ہے جس کا کوئی عنوان ابھی تک تجویز نہیں کیا جاسکا۔ کشمیر کا عہدِ موسیقیت صرف موسیقی کے لیے معروف نہیں، کیوں کہ اُس عہد کے لوگوں کا ذوقِ جمال زندگی کے ہر شعبے سے جھلکتا ہے جسے دیکھ کرایسی ہی کیفیت پیدا ہوتی ہے جیسی کوئی

نعیم رشید تو ہمارے جگر کا ٹکڑا تھے ہی جیسنڈا آرڈن بھی راتوں رات ہمارے دلوں کی ملکہ بن گئیں۔ ان کی مدح میں جوشِ جذبات میں رندھی ہوئی ایسی ایسی گفت گو سننے کو ملی کہ جی خوش ہوگیا۔ معاشرے میں آج بھی ایسے لوگوں کی کمی نہیں جو رنگ، نسل اور مذہب کے امتیاز میں بعض اوقات حد سے گزر جاتے ہیں اور شرف انسانی کو پامال کردینے سے بھی نہیں چوکتے لیکن اسے مادام جیسنڈا آرڈن کی

کبھی کبھی ایسا ہوتا ہے کہ معاشرے کے بعض توانا اور انتہائی ناگزیر مظاہر دیکھتے ہی دیکھتے غیر متعلق ہوجاتے ہیں۔ ان معاشرتی عوامل کی بعض خوب صورت مثالیں میدانِ سیاست سے بآسانی دستیاب ہیں۔ تازہ ترین مثال جماعت اسلامی کی شکل میں سامنے آرہی ہے۔ گزشتہ چند روز کے دوران جماعت اسلامی کے تعلق سے دو اہم واقعات رونما ہوئے، اوّل، جماعت سے وابستہ ابتدائی نسل کی انتہائی اہم شخصیت یعنی چوہدری رحمت الٰہی انتقال کر گئے اور دوم،

اوّل اقبالؒ، ان کے بعد انتظار حسین۔ اقبالؒ نے تو فقط اتنا ہی کہا تھا ہاں دکھا دے اے تصور پھر وہ صبح وشام تو دوڑ چل پیچھے کی طرف اے گردش ایام تو انتظار حسین فرمانبردار نکلے، انھوں نے یہ بات سنی اور گردش ایام کو ایسا پیچھے کی طرف دوڑایا کہ دفتر کے دفتر لکھ ڈالے، بس یہی جرم تھا جس کے سبب وہ ماضی پرست ٹھہرائے گئے۔  ماضی اچھا ہو یا برا، اس کی خوبی یہ ہے

ایمپائر اسٹیٹ بلڈنگ میں ہم محض ارادے سے داخل ہوئے تھے کہ اس بلند وبالا عمارت کی چھت پر کھڑے ہو کر نیویارک کے نظارے سے دل شاد کریں گے مگر یہاں تو ہماری ملاقات چھریرے بدن اور لمبوترے چہرے والے سانولے سلونے نوجوان سے ہو گئی۔ یہ وکر م تھا۔ ایک بھارتی نوجوان۔ اسے ہمیں پاکستان میں انسانی حقوق کی بگڑتی ہوئی صورت حال پر بریفنگ دینا تھی۔ وکرم اور اِس کی پاکستانی معاون نے میز پر دستاویزات کے