یونیورسٹی کا کیفے ٹیریا سورج سے اٹکھلیاں کرتی اس دوپہر میں کچی عمر کے نوجوانوں کی آوازوں سے گونج رہا تھا۔ نوجوان ٹولیوں کی شکل میں کیفے میں موجود صوفوں پر براجمان تھے۔ فضا میں سگریٹ کے دھویں کی مقدار بڑھتی جا رہی تھی۔ کیفے کے در و دیوار روز ہی یہ منظر دیکھتے تھے۔ آوارہ محبتوں کے عہد و پیمان اور سرگوشیوں میں کہے گئے محبت بھرے جملوں کی مہک ،قربتیں ،چاہتیں ،قہقہے ،آنسو،رنج و الم اور ہجر و

چند ماہ پہلے کی بات ہے جن دنوں چائنا میں کرونا وائرس مکمل طور پر اپنے پنجے گاڑ چکا تھا۔ میری ایک دوست مجھے کہنے لگی یار ہم مسلمانوں کو تو کرونا نہیں ہو سکتا۔ میں نے بھی اس لمحے اس کی تائید کی۔ ہم سب کا مشترکہ خیال تھا کہ چائینیز چونکہ چھپکلی اور نجانے کیا کیا الم غلم کھاتے رہتے ہیں۔ اسی لئے انہیں کرونا ہوا ہے۔ وقت گزرا پتا چلا کرونا چین میں وقت گزارنے کے بعد

اداسی کو پہلی بار محبت نے کینسر کے ایک وارڈ میں دیکھا تھا جہاں سرطان کا زہر بدن میں لئے بہت سے مسافر شفا کے منتظر تھے۔ اداسی بھی انہی مسافروں کی مختصر سی قطار میں اپنے حصے کا درد اٹھاے خاموشیوں کے ساتھ ہمکلام تھی۔ مسافروں کے سرطان زدہ بدن زندگی کی جنگ لڑتے لڑتے اب تھکنے لگے تھے۔ طبیب نجانے کتنی ہی مشیینوں کے اندر سے ان کے زہریلے وجود کو گزارتے لیکن درد کم نہیں ہوتا تھا۔

وہ پانچ اگست دو ہزار انیس کی ایک حبس زدہ دوپہر تھی۔ ایک ایسی دوپہر جب دنیا کے ایک حصے کو درد، اذیت اور آنسووں سے بھرا جا رہا تھا۔ انھیروں نے شہر بھر میں منادی کروا دی تھی کہ جہاں روشنیاں نظر آئیں انہیں فوری طور پر ضبط کر لیا جاے۔ قطار در قطار اندھیرے شہر میں بھیجے جا رہے تھے۔ روشنیوں کی رخصتی کا سفر جاری تھا۔ روتی، بلکتی اور سسکتی روشنیاں اب اندھیروں کی قید میں تھیں۔

کچھ دنوں پہلے معروف لکھاری آمنہ مفتی کا ایک انٹرویو دیکھنے کا اتفاق ہوا۔ ویسے تو آمنہ کی تمام تر گفتگو بہت دلچسپ اور سننے سے تعلق رکھتی تھی مگر ماڈل ٹاون کے حوالے سے جب آمنہ نے یہ کہا کہ برسوں سے ماڈل ٹاون ایسا ہی ہے۔ یہاں کے درخت ’پھول‘ پودے اور موسم اتنے ہی خوبصورت ہیں جتنے ہجرت کے وقت تھے۔ انہیں دیکھ کر مجھے یہی لگا کہ وہ بھی میری طرح ماڈل ٹاون کی محبت کی

اُسے بارشیں بہت پسند تھیں بلکہ نہیں پسند کا لفظ بہت معمولی ہے۔ اُسے تو بارشوں سے عشق تھا۔ کُن من کرتی ننھی ننھی بوندیں جب آسمان سے زمین پر اُترتی تھیں تو وہ بھی اُن کے ساتھ ہی بہتی چلی جاتی تھی۔ بارشیں گیت تھیں تو وہ اُن کی آواز تھی۔ بارشیں تال تھیں تو وہ اس تال پر محوِرقص تھی۔ بارشیں محبت تھیں تو وہ ایک محبوب جسے اپنی محبت کے ساتھ اپنے وجود کو امر کرنا تھا۔

فضیلت بیگم کا تعلق معاشرے کے اس طبقے سے ہے جن کی کتابِ زیست کے رنگین ہونے کا دارومدار ماہ رمضان میں زکوة لینے سے مشروط ہے۔ زکوة لینے کا بزنس برسوں سے ان کے خاندان کی پہچان ہے۔ ماہ صیام کی آمد سے پہلے ہی فضلیت بیگم خاندان کے دیگر افراد کے ساتھ مل کر باقاعدہ طور پر منصوبہ بندی کرتی ہیں کہ رمضان میں کن کن گھروں سے زکوة اکٹھی کرنی ہے۔ کون سی مساجد کے باہر بیٹھنا ہے اور کن ٹی وی چینلز کی سحروافطار کی ٹرانسمیشنز میں شرکت کرکے اپنا بینک بیلنس بڑھانا ہے۔

میرے گھر سے کچھ ہی فاصلے پر ماڈل ٹاٶن کا قبرستان ہے۔ چھے سال پہلے میرے لئے بھی یہ ایک عام سا قبرستان تھا۔ گو کہ اس قبرستان میں ہمارے خاندان کی بہت سی قبریں ہیں مگر ان قبروں پر سال میں ایک آدھ بار معمول کے انداز میں فاتحہ خوانی کرنے کے بعد میں گھر لوٹ جاتی تھی۔ یہ قبرستان مجھ سے باتیں نہیں کرتا تھا اور نہ ہی اس کے درودیوار میرے رازدان تھے۔ پھر یوں ہوا کہ اس شہرِ خاموشاں میں ایک نئے مکین کا اضافہ ہو گیا۔

کچھ کتابیں محض کتابیں نہیں ہوتیں یہ زندگی بچانے والے ہاتھ ہوتے ہیں۔ لائٹ ہاٶس کی مانند روشنی دکھانے والے مینار ہوتے ہیں یا پھر لائف بوٹس کہلانے والی وہ کشتیاں جن کا کام ہی ڈوبتے ہوے لوگوں کو کنارے پر لے جانا ہوتا ہے۔ صوفیہ کاشف کی کتاب گہر ہونے تک کا شمار بھی ایسی ہی کتابوں میں ہوتا ہے جو مایوسی کے اندھیروں میں روشنی کا کام کرتی ہیں۔ کتاب کا سرورق نہایت عمدہ ہے۔ کتاب کھول کر ابھی میں ایک متاثر کن پیش لفظ پڑھ کر فہرست کا جائزہ لے ہی رہی تھی کہ اچانک سے سڈنی شیلڈن میرا ہاتھ پکڑ کر مجھے اس دنیا میں لے جاتا ہے جہاں جگہ جگہ اس کے آنسو اور مسکراہٹیں بکھرئی ہوئی ہیں۔

کچھ مناظر ہماری روح کو مُسکراہٹ بخش دیتے ہیں، ہماری آنکھوں میں رنگ بھر دیتے ہیں اور ہمارے دلوں کو سکون سے نوازتے ہیں۔ ان سکون بھرے رنگوں اور مسکراہٹوں کے ساتھ ہم زندگی کے بدصورت لمحوں کو بھی ہنس کر گزار لیتے ہیں۔ کچھ ایسا ہی سکون میری روح میں بھی اُترا تھا جب لکھاریوں کی ایک تنظیم اپوا سے جُڑے چند لکھاریوں نے سفید رنگوں سے بھری ایک وادی میں اپنے قدموں کو اُترنے کی دعوت دی۔ جنوری

چند روز پہلے رضا عابدی کا ایک کالم پڑھا تھا جس میں انہوں نے لندن میں بڑھتی ہوئی چاقو سے ہونے والی وارداتوں پر خاصی تشویش کا اظہار کیا تھا۔ اب میں سوچ رہی ہوں کہ ہو سکتا ہے کچھ عرصے بعد ایسی ہی ایک تحریر کوئی ہمارے ملک کے حوالے سے بھی لکھے۔ شاہ حسین اور خدیجہ کیس تو آپ کو یاد ہی ہوگا جس میں شاہ حسین نے خدیجہ پر چاقو کے وار کیے تھے۔ ابھی چند ماہ

کچھ کتابیں محض کتابیں نہیں ہوتیں علامتیں ہوتی ہیں۔ دوستی، تعلقات اور محبت بھری یہ علامتیں دیکھنے میں بہت خوبصورت لگتی ہیں۔ ایسی ہی ایک علامت ان دنوں میرے سرہانے بیٹھی مجھ سے سرگوشیوں میں رازونیاز کرتی رہتی ہے۔ مجھ سے کہتی ہے کہ میں اسے کھول کر اس کی خوشبو کو سمیٹ لوں۔ محبت سے گُندھی ہوئی اس تخلیق کا نام میرا اعتبار رکھنا ہے۔ قرۃالعین سکندر کی یہ کتاب محض کتاب نہیں ہے۔ یہ اُس کے خواب ہیں اور ان خوابوں سے لپٹی کچھ خوشبویئں ہیں جو کہانیوں کی شکل میں اُس نے صفحہ قرطاس پر منتقل کر دی ہیں۔

چند دن پہلے کسی نے اپنی والدہ کے انتقال کے محض چند گھنٹوں بعد اُن کی موت کا اسٹیٹس لگایا تو ایک لمحے کو خیال آیا کہ اس شخص کا دل کتنا مضبوط ہے۔ بھلا کوئی اپنی ماں کو کھونے کے بعد فیس بُک استعمال کر سکتا ہے مگر پھر یہ سوچ کر میں نے اپنے دل کو تسلی دے دی کہ شاید یہ آج کل کے دور کا تقاضا ہے۔ کچھ دیر پہلے ہی کسی چینل پر اُس بدنصیب باپ کا انٹرویو چل رہا تھا جس کے پانچ چھوٹے بچے اور ایک بہن زہریلا کھانا کھانے سے موت کے منہ میں چلے گئے۔

میں جب بھی اُن بچوں کی تصاویر دیکھتی ہوں تو دل کٹ سا جاتا ہے۔ ضبط کے باوجود بھی میں آنکھوں میں آئی نمی کو روک نہیں پاتی۔ اپنے بچوں کو اپنے ہاتھوں سے دفنانے کے بعد اُس شخص کی حالت ٹھیک نہیں لگ رہی تھی مگر ریٹنگ بڑھانے کے لئے اُینکر اُس باپ کو کیمرے کے سامنے لے آیا، ایک بار پھر موت کہانی سُنی اور خوب داد سمیٹی۔ اُسے اس بات سے کیا غرض کہ وہ باپ اذیت کے کس مقام سے گزر رہا ہے۔ مجھے اُن رپورٹرز پر بہت رشک آتا ہے جو کسی جوان کے جنازئے پر بین ڈالتی ماں سے پوچھتے ہیں کہ آپ کیسا محسوس کر رہی ہیں۔

ہماری ایک ملنے والی آنٹی ہیں۔ ویسے تو اُن کی باغ و بہار شخصیت بہت سی خوبیوں سے آراستہ ہے مگر ایک خوبی ایسی ہے جس کے باعث وہ پورے خاندان میں ہردلعزیز ہیں۔ یہ آنٹی بھاوٗ تاوٗ کروانے میں ماہر ہیں۔ آپ ان کو اپنے ساتھ بازار لے جائیں اور انہیں ایک ٹاسک دے دیں کہ آپ نے ہزار روپے والی چیز سو روپے میں لانی ہے بس پھر آنٹی اپنا کام شروع کر دیں گی اب چاہے اُنہیں

ان دنوں شادیوں کا سیزن اپنے عروج پر ہے یوں لگتا ہے جیسے نئے شادی شدہ جوڑوں کی بہار آ گئی ہو۔ جیسے ہی ویک اینڈ اپنی آمد کا اعلان کرتا ہے ساتھ ہی شادی کا بگل ہمیں ہر طرف سنائی دینے لگتا ہے۔ شام ہوتے ہی سڑکوں پر قطار در قطار براتیں اپنی خوشبوئیں بکھیرنا شروع کر دیتی ہیں۔ بیوٹی پارلرز میں سے نکلتی دلہنیں علحدٰہ اپنے جلوے دکھا رہی ہوتی ہیں غرض شادی کا منظر ہر طرف رقص

چلو ایک لمحے کے لئے یہ تصور کر لیتے ہیں کہ نہ چاہتے ہوئے بھی وہ دن آن پہنچا ہے جس روز ہماری آنکھوں کو تمہیں دیکھے بغیر ہی پہاڑ جیسے لمحے کاٹنے پڑیں گے، تمہاری خوشبو کو محسوسکیے بغیر ہی ہمیں ایک طویل دن گزارنا ہو گا۔ رنگوں سے خالی ان لمحوں میں میری پہہلی نظر تمہارے آفس کی طرف جاتی ہے جہاں تمہاری کُرسی تمہارے وجود کے بغیر ادھوری اور بے جان پڑی ہے۔ تمہاری میز کی دائیں

مس رفعت کا شمار میری اُن چند قریبی ملنے والی خواتین میں ہوتا ہے جو تحریک انصاف کی بہت جنونی انداز میں حمایت کرتی ہیں۔ ہم دوستوں کے سامنے جب بھی کوئی عمران خان کے حوالے سے کسی بھی قسم کی منفی بات کرتا ہم اُسے مس رفعت کے پاس بھیج کر مطمعن ہو جاتے کہ وہ اب اُسے کسی نہ کسی طرح کپتان کی حمایت کے لئے قائل کر ہی لیں گی۔ کپتان کے وزیراعظم بننے کے بعد بھی