اس شہر میں اترنا اور تنہا اترنا ایڈوینچر تھا، شوق، یا جستجو۔ ضرورت تھی کہ سیاحت؟ کچھ بھی تھا میں اس منزل سے گزر گئی تھی۔ جہاز کی کھڑکی سے نیچے نظر آتی وادی نما شہر اسلام آباد پر نظر ڈالتے نہ کوئی خوشی تھی نہ غم۔ پلکیں بھیگی تھیں اور دل میں خدشات کی تیز ندی بہہ رہی تھی۔ ایک انجان شہر کی انجان گلیوں میں، انجانے لوگوں کے بیچ مگر بس یہی احساس تھا کہ میری شناخت کے

میں دوبئی میں ہی تھی تو وہاں سے دوستوں کو میسج کر رہی تھی کہ مجھے 23 مارچ کی پریڈ دیکھنی ہے اور بچوں کو دکھانی ہے۔ پاسز کا پتا کریں۔ احباب کہہ رہے تھے دیر ہو گئی اب نہیں مل سکتے۔ میں چاہتی تھی میرے بچے وہ سب دیکھیں محسوس کریں جس کی ان کی زندگی میں کمی ہے۔ اس بات کی تفصیلات سے پہلے مجھے اس کا پس منظر بتانے دیں۔ ساری اسکولنگ، کالج یونیورسٹی ملی نغمے اور

جب سے عورت مارچ ہو رہا ہے میں اس کے خلاف لکھ رہی ہوں۔ میں نے عورت مارچ کے بارے میں ہمیشہ میڈیا اور سوشل میڈیا سے جانا، اور ٹی وی مناظروں سے جہاں دونوں پارٹیاں، مخالفت اور حق میں ایک دوسرے کو کھینچ کر انتہائی لیول پر لے جاتی ہیں اور دونوں کے نظریات کا حشر نشر کر دیتی ہیں۔ اس لئے میری رائے مکمل طور پر فیمنسٹ ہونے کے باوجود ان کے طریقے کے خلاف رہی ہے۔ اس

تبدیلی کے دیوانوں کے ساتھ بھی وہی ہوا جو ایک نسل پہلے روٹی کپڑا اور مکان والوں کے ساتھ ہوا تھا۔ نہ روٹی ملی نہ کپڑا نہ مکان، بس نسلوں کی غلامی مل گئی۔ ایسے ہی ہماری نسل نے دیکھا تھا ایک نئے پاکستان کا خواب، نئی رتوں، نئے لوگوں کا خواب۔ مگر کیا کیجیے کہ پاکستان میں جو چیز سب سے مہنگی بکتی ہے وہ خواب ہی ہیں، بھوکے کو راٹی کے خواب، ترسے کو محبت کے خواب، پردیسی

ان کی ڈگریاں کینسل کریں اور مریضوں کی جان لینے والوں کو سزائے موت دیں! پاکستانی قوم کے پاس ہسپتالوں اور ڈاکٹروں کی پہلے ہی شدید کمی ہے، یہاں مسیحاؤں کی کمی ہے، غنڈوں اور بدمعاشوں سے تو یہ زمین بھری پڑی ہے۔ اور اس قوم کی بدقسمتی میں، ان کے خوف میں، عدم تحفظ میں مزید اضافہ کرنے والوں کو سزائیں دیں! وزیر اعظم کی کرسی جو قانون کے مطابق سب سے اونچی ہے، آرمی چیف جن کو دنیا

عین اس روز جب پاکستان کرتار پور راہداری منصوبے کا افتتاح کرنے جا رہا تھا انڈین اعلی عدلیہ کی طرف سے بابری مسجد کی جگہ ہندوؤں کے حوالے کرنے کا فیصلہ یقینی طور پر ایک سیکولر عدل پسند عدلیہ کا فیصلہ نہیں بلکہ انڈین حکومت اور دفاعی اداروں کی طرف سے ایک مشترکہ فیصلہ ہے جس پر وہاں کی عدلیہ نے بہت تابعداری سے نہ صرف من وعن عمل کیا ہے بلکہ ان کی سیاسی جماعتوں سمیت انٹرنیشل میڈیا نے

سفید دھبوں والی لمبی کالی ٹانگوں کے ساتھ وہ میری آستین پر بیٹھا تھا اور کمرے کی سفید ٹیوب لائٹ روشنی میں اپنی قاتل بدصورتی کھل کر آشکار کر رہا تھا۔ میری ایک دم گھبراہٹ سے وہ اڑا اور پھر سے میرے ہی کپڑوں پر آ بیٹھا۔ اس بار میں نے اپنی پوری طاقت سے اس کا نشانہ لگایا اور زندگی میں پہلا شکار میں نے جس مچھر کا کیا وہ ڈینگی کا پلا پلایا بڑے سائز کا مچھر تھا۔

جن کی زمین پر شدید تر محنت کے بعد بھی درخت سانس نہیں بھر پاتا! جن کی مٹی سے سر پھوڑ کر بھی رنگ تو دور سبزہ تک جنم نہیں لے پاتا! ان سے پوچھیں اس پھولوں سے لدی سرزمین کی قیمت کیا ہے؟ جو سرحد سرحد ایک ہریالی کی تلاش میں پھرتے ہیں, ہوا اور سائے کی تلاش میں مہنگی مہنگی مشینوں سے دھرتی کو بھر لیتے ہیں ان سے پوچھیں کہ اس ہریالی کی قیمت کیا ہو گی؟

مہینے کے شروع کے دن ہیں اور ورکنگ ڈے، منگل۔ مگر ابوظہبی کی ایک عرب آبادی والے علاقے کی سپر مارکیٹ ایسے بھری ہے عوام سے کہ جیسے جمعہ بازار لگا ہو یا مفت مال بانٹا جا رہا ہو۔ ایک ایک ہاتھ میں کئی کئی ٹرالیاں، لدی پھدی، لائن میں لگی، راستہ روکے کھڑیں، تھیلوں کے تھیلے، کریٹ کے کریٹ! ہاں! مگر خریدار سب اماراتی ہیں۔ ہم جیسے باہر سے روزگار کی تلاش میں آنے والے تو اپنی ایک ایک ٹرالی لئے بیچ میں پھنسے شرما رہے ہیں، گھبرا رہے ہیں کہ ان میں ہماری باری جانے کب آئے۔ کچھ کچھ حسد سے، کچھ کچھ افسوس سے، کچھ حسرت سے دل میں اک آہ ابھرتی ہے ”ہائے، ہم یتیم مسکین پاکستانی! “

دو ہزار بارہ یا تیرہ کا ذمانہ تھا جب میرے دونوں بچے ننھے منے خرگوشوں جیسے تھے۔ ہنستے مسکراتے ماں کے ہاتھ کے سجے سنورے ہر وقت فوٹو بنوانے کے لئے تیار۔ ہمارا کوالٹی ٹائم اکثر بچوں کی فوٹوگرافی کی نظر ہو جاتا۔ ان کی مسکراہٹوں، خوبصورت حرکتوں کی تصویر کشی میرا مرغوب مشغلہ تھا۔ ایک ایک نشست میں سو پچاس تصاویر بناتی اور سب کی سب فیس بک میں بھر دیتی۔ جب تک کہ کچھ آرٹیکلز اور رپورٹس میری نظر سے نہ گزریں۔ یہ زینب اور قصور کے بچوں سے بہت پہلے کی بات ہے۔وہ کالمز اور رپورٹس پیرنٹنگ کے انٹرنیشنل میگزینز میں چھپے تھے اور یہ نہ پاکستان کی کہانی تھی نہ یو اے ای کی۔ یہ امریکہ اور برطانیہ کی کہانیاں تھیں۔ ان جدید دنیا کی امریکی انگریز ماؤں کی کہانیاں جن کے چھ سات سالہ بچے سکولوں کے سامنے سے اٹھائے گئے، ان کے ریپ کیے گئے، جسموں کو بیدردی سے کاٹا گیا اور مار کر کہیں پھینک دیا گیا۔

تھکے ہارے خان صاحب پسینے سے بھری قمیض اور دھونی کی طرح چلتے ہوئے سانسوں کے ساتھ مسجد میں جا کر سجدے میں گر گئے اور دھاڑیں مار مار رونے لگےاے میرے اللہ !میں کام کر کر کے تھک گیا،میں نے راتوں کی نیند اور دن کا چین حرام کر لیا تیری اس مملکت کو ٹھیک کرنے میں،میں نے اپنی ساری شہرت اور نیک نامی چولہے میں جھونک دی اس لئے کہ تیری دی اس نعمت جیسی مملکت خدادا میں امن،انصاف،ایمانداری،صداقت اور لیاقت کو فروغ دے سکوں! میں نے ساری دنیا کی مخالفت اور دشمنی مول لی تا کہ اپنے ملک کے بے بس لوگوں کو اختیارات،طاقت ،علم اور شعور دے سکوں مگر دیکھ آج میرا کیا حال ہو چکا۔میری ساری نیک نییتی،نیک نامی اور ایمانداری کو اس ملک کے لوگوں نے ،میرے دشمنوں اور دوستوں جیسے دشمنوں نے خاک میں ملا دیا۔اب کیا کروں میرے مالک!”

میڈیا کی آزادی کا ابتدائی زمانہ تھا۔ کچھ نئے نئے چینل اس نئی نئی آزادی کے ترانے گا رہے تھے اور پرائم ٹائم کا وقت ڈراموں کی بجائے مذاکروں کی نذر ہونے لگا تھا۔ میڈیا کی آزادی کی اہمیت پر کراچی میں ایک سیمنار ہوا اور بہت سے دوسرے بڑے ناموں کے ساتھ اس میں حامد میر اور انور مقصود صاحبان نے بھی خطاب کیا۔ اس سیمنار میں اپنے موقف اور بیان کو حامد میر صاحب نے اگلے دن کے اپنے آرٹیکل میں بیان کیا۔ ان کا سارا آرٹیکل مجھے قائل کرتا رہا، سچ کی ترویج، لوگوں تک حقائق کی ترسیل، انسانی شعور اور بالیدگی سمیت ہر بات ان کی بھر پور تھی۔ مگر اپنے آرٹیکل کے آخر میں انہوں نے اپنے مخالف موقف رکھنے والے انور مقصود کی صرف ایک بات لکھ دی جس نے ان کے سارے دلائل کو ایک ہی لائن میں چاروں شانے چت کر ڈالا!

”جس ملک کی اٹھانوے فی صد آبادی ان پڑھ ہو وہاں آزاد میڈیا نہیں ہونا چاہیے۔ “

یہ آرٹیکل اور یہ موقف تب پڑھا اور آج پورا آرٹیکل بھول چکی ہوں مگر یہ ایک لائن آج بھی میرے دماغ میں روشن اور زندہ ہے۔ اور کوئی پندرہ بیس سال کی مسافت کے بعد انور مقصود صاحب کی وہ بات روز روشن کی طرح حقیقت نظر آتی ہے۔

چند دن پہلے لگ رہا تھا کہ ہم رشوت دیتے بال بال بچ گئے ہیں آج لگا کہ نہیں ہم تو مرتے مرتے بال بال بچے ہیں۔ وہ جو ذرا سا تھا وہ دراصل بہت کچھ اور بھی ہو سکتا تھا۔ ہوا اس بار یہ تھا کہ اس بار ٹکٹس کے مسائل میں الجھ کر ہمیں ملتان ائیرپورٹ پر اترنا پڑا اور اس بہانے ملتان یاترا کا بھی نادر موقع ملا۔ ملتان انٹرنیشنل ائیرپورٹ پر اترنے سے لے کر واپس

زندگی اس وقت اک بیکار شے لگتی ہے جب انسان مٹی کی کھدی قبر کے سرہانے کھڑے ہو کر دیکھے۔ مگر اس وقت تو کمال ہی بیکار لگتی ہے جب انسان ہوائی جہاز کی پیسنجر سیٹ پر بیٹھ کر چمکتے دمکتے شیشے جیسے ملک میں جائے، بڑی اونچی اونچی گاڑیوں میں پھرے، کارپڈڈ سڑکوں پر سفر کرنے کا عادی ہو جائے، دنیا کے مہنگے ترین کپڑے، خوبصورت ترین گھر، اجلے روشن علاقے مگر جب واپس جائے تو ایک تابوت میں بند ہو کر کارگو کے جہاز پر سامان کے ساتھ ڈھو کر، ”فلاں فلاں کی انسانی باقیات“ کی شہہ سرخی کے ساتھ۔

تب اس کارگو کو سنبھالنے والوں ڈھونے والوں کو محسوس ہوتا ہے کہ ان کی زندگی کتنے بڑے گھاٹے کا سودا رہی ہے۔ زندگی کتنا بڑا دھوکا ثابت ہوتی ہے جب اس کے منہ سے نقاب الٹا جاتا ہے۔ کسی بھی وجہ سے، سہانے مستقبل کی خاطر یا ڈراؤنے حال سے ڈر کر پردیس اور پردیسی زندگی کی سختیاں تو ہم دن رات دیکھتے اور سمجھتے رہتے ہیں مگر اس کی انتہا کا اندازہ تب ہوتا ہے جب آپ کا کوئی قریبی بیمار پڑ جائے یا رحلت فرما جائے۔ زندگی تب ایک بار پھر چیخ چیخ کر دہائی دیتی ہے کہ یہ تھی وہ لش پش والی چمکدار زندگی جس کا مصنوعی لبادہ ہم سالوں چہرے پر ماسک کی طرح لپیٹے خود کو اور دوسروں کو آسائشیں دکھاتے اور ستائشیں سمیٹتے رہے۔

بہت ہی پرانی بات ہے کہ ”ملک کی پچاس فی صد سے زائد عورت کی تعداد کو مضبوط کیے بغیر کوئی ریاست ترقی نہیں کر سکتی“۔ نئی بات یہ ہے کہ ”مضبوط عورت کے بغیر آپ کی فیملی محفوظ نہیں ہو سکتی“۔ محفوظ بچوں کے لئے ایک مضبوط ماں بہت ضروری ہے۔ ہمارے ملک کی عورت کی اکثریت اپنے سوشل میڈیا اکاؤنٹس پر اپنے بچوں کی تصاویر لگاتی ہیں اور اپنی چھپاتی ہیں۔ کتنی کثیر تعداد خود دروازے کے پیچھے

سونے کے لئے لیٹتی ہوں تو ہزاروں چھوٹی بڑی گاڑیاں سر کے اوپر سے بھاگنے لگتی ہیں۔ ڈراونے ٹرالر، موٹے موٹے ڈرم مکسر، لوڈرزاور خوفناک ڈراؤنی آنکھوں والی اونچی اونچی کرینیں، گاڑی کے بیک ویو مرر سے غرانے لگتے ہیں اور جو گھنٹہ ڈیڑھ گھنٹہ مجھے سستانے کو ملتا ہے میں اس میں ساری ٹریفک کے بیچ میں پھنسی اپنی چھوٹی سی گاڑی کسی کھائی میں، کسی لینڈ سلائیڈنگ کی نکڑ پر یا کسی گہری کھائی کی پگڈنڈی پر چلانے کی کوشش کرتی رہتی ہوں۔

یہ میرے کوئی ڈراؤنے خواب نہیں بلکہ ڈرائیونگ ٹرینگ کلاس کے بعد آنے والے وہ ہچکولے ہیں جو اگلے کئی گھنٹوں تک جاگتے میں یا سستاتے مجھے جھٹکے دیتے رہتے ہیں خصوصاً تب جب میں کم سے کم دو تین گھنٹے کی نیند کے بعد خود کو تازہ دم نہ کر سکوں۔ اس کی وجہ وہ ڈرائیونگ کی ٹرینگ کلاس ہے جو مجھے مسلسل دو گھنٹے کے لئے شہر کی مصروف ترین موٹر ویز پر بڑی بڑی لینڈ کروزرز، رینج روور، پیٹرول اور شہر کی بدترین ٹریفک والے انڈسٹریل ایریا میں دنیا کے بھاری بھاری دیوہیکل ٹرالرز کے بیچ چلانی پڑتی ہے۔ اور یہ ڈرائیونگ ٹرینگ کلاس جو مجھے ایک کار لائسنس لینے کے لئے درکار ہے، کوئی خالہ جی کا باڑہ نہیں، اس کی ایک خطرناک کہانی ہے۔

تو پاکستان میں یہ رسم ٹھہری کہ مرد کے حصے کی گالی ہمیشہ عورت ہی کھائے گی۔ چاہے کسی مرد کا قتل ہو، کسی عورت کا ریپ ہو، کسی کے گھر ڈاکہ ڈکیتی ہو، یا کوئی ذاتی، سماجی اور سیاسی دشمنی ہو سزا کے لئے عورت کو ہی چنا جائے گا۔ الہٰی تو نے برصغیر کی عورت کو تاوان بنا کر کیوں پیدا کیا؟ وہ عورت چاہے ماڈرن ریحام خان ہو (ان کے موقف سے اختلاف کے باوجود) باوقار کلثوم

روضہ رسول سے اٹھ کر واپس ہوٹل کی طرف لوٹنا اک کڑا مرحلہ تھا مگر ستم یہ تھا کہ دن بھر کے سفر کی تھکاوٹ تھی ، تہجد کی نماز مسجد نبوی میں ادا کرنے کی شدید چاہت تھی تو اسی دوپہر عمرے کی روانگی بھی تھی ۔گھڑی دو گھڑی کا آرام نہ کرتے تو عمرہ کی افادیت تھکاوٹ کی نذر ہو جاتی۔ نبی کے در پر حاضری کے بعد رب کعبہ کے در پر حضوری میں بھی اتنی ہی

صبح جب سارا پاکستان اسمبلی کے اہم ترین اجلاس کے لئے ٹی وی کے سامنے بیٹھا لمحہ لمحہ کی کارروائی پر نظر ٹکائے ان اہم لمحات کا منتظر تھا جس کے خواب کم سے کم اکیسویں صدی کی نسل کی پلکوں پر اک عرصے سے پل رہے تھے تو نوجوت سنگھ سدھو کی پاکستان آمد نے بھی خاصی دیر خوب رونق لگائی۔دوست کے حق میں بیانات اور اس کی کامیابی کے لئے نیک خواہشات اور دعاؤں کے ساتھ سدھو کی

یہ اخذ کیا ہم نے جب الیکشن کے روز ملنے جلنے والے سب سمجھدار ،باشعور،اعلی تعلیم یافتہ،ہر خبر پر نظر رکھنے والے،ہر بحث میں حصہ لینے والے ،ہر نئی کتاب پڑھنے والے،بڑے بڑے ناموں اور کتابوں کے حوالے دینے والے سب احباب سے انکے ووٹ کی داستان سننا چاہی کہ ہم تو ٹھہرے پردیسی ہمارا حق تو ہمیں پچھلے پانچ سال میں بھی نہ مل سکا مگر وہ جو پڑھا لکھا ملک کا باشعور طبقہ پاکستان میں ہے وہ ہماری

”زندگی میں سب سے مشکل کام اعتراف ہوتا ہے، ، ہار جانے کا اعتراف، ناکامی کا اعتراف، نا اہلی کا اعتراف، ۔ محبت کا اعتراف!لوگ سمجھتے ہیں صرف ٹیڑھے میڑھے راستوں میں چلنا ٬اونچی نیچی گھاٹیوں کو پار کرنا٬ ڈوبنا اور ابھرنا ہی مشکل ترین امر ہے۔ لوگ نہیں جانتے کہ اپنی ذات کے ٹیڑھے میڑھے راستے دریافت کرنا سب سے مشکل امر ہے، اپنے غرور ہستی کی اونچی نیچی گھاٹیوں کو پار کرنا سب سے مشکل ایڈوینچر ہے، کسی

یہ اک ماں کی نہیں، اک باپ کی کہانی ہے ۔ اک سخت گیر باپ کی جس کی دفتر سے گھر کے گیٹ پر آمد ہم ساروں کو بھگا کر اپنے کمروں میں پہنچا دیتی، باجیاں دوپٹے اوڑھ لیتیں، بھائی تابعدار ہو کر کمروں میں کتابیں کھول کر بیٹھ جاتے۔ کوئی اجازت کوی فرمائیش کوئی ضرورت طلب کرنا اک مسلئیہ تھی کون کہے کیسے کہے۔ ڈانٹ پڑے یا نہیں والد صاحب کا خوف اور رعب اس قدر زیادہ تھا کہ