صحافت، جو ریاست کا چوتھا ستون کہلاتا ہے آج لڑکھڑا رہا ہے۔ یہ کھوکھلا ہوچکا۔ شکست و ریخت کا شکار ہے۔ خود سہاروں کا متلاشی ہے کہ اب نہ تو وہ صحافی رہے، جن کا عزم آہنی تھا، جو جبر کے خلاف آواز اٹھاتے ، سر بلند کیے زنداں جاتے، پیٹھ پر کوڑے کھاتے، بھوک ہڑتالیں کرتے، اور نہ ہی وہ صحافتی تنظمیں، جن میں اتحاد تھا، جو اصولوں کی پاس داری کو مقدم جانتی تھیں۔ صحافت کوآج اندر اور

جس سے آپ کچھ سیکھتے ہیں، وہ آپ کی ذات کا حصہ بن جاتا ہے اور آدمی اپنی ذات سے کبھی جدا نہیں ہوتا۔ وہ سات سو انٹرویوز، جو میں نے اپنے پیشہ ورانہ سفر میں کیے، وہ کالمز اور صحافتی کہانیاں جو میں لکھتا رہا، وہ فکشن نگاری، جسے میں اپنا اصل حوالہ سمجھتا ہوں، اُن سب کے پس پردہ ایک قوت کار فرما رہی۔ ایک شخصیت، جس سے اتنی یادیں جڑی ہیں کہ ایک کتاب بن جائے اور

ہم امجد صابری کے گھر سے چند قدم دور تھے۔ امجد صابری جسے چند برس بعد بے دردی سے قتل کیا جانا تھا۔ مگر ہماری منزل امجد صابری کا مکان نہیں تھا۔ ہم اس صبح صابری برادرز کے اٹوٹ انگ، فرید صابری کے چھوٹے بھائی مقبول صابری کے انٹرویو کی غرض سے نکلے تھے۔ دن کچھ ایسا گرم نہ تھا، مگر سورج اب دھیرے دھیرے اوپر آرہا تھا۔ حدت بڑھ رہی تھی، اور لیاقت آبادکی تنگ، قدیم گلیاں جاگنے لگی

” کپتان کا اصل نشانہ ٹرمپ ہے!“ جس روز مجو قسائی نے یہ دعویٰ داغا، گوشت کا ناغہ تھا، اور عوام اس سوچ میں غلطاں تھے کہ بھنڈی پکائیں یا دال۔ مجو کی بات سن کر ہم ہنس دیے۔ اور سلیم کے ٹھیے سے پکوڑے اٹھا کر کھاتے رہے، جن میں حسب سابق نمک تیز اور تیل زیادہ تھا۔ مجو نے اپنا قریشیوں والا سر ہلایا، اور کہا؛ امریکی وزیر خارجہ بھارت روانگی کے وقت سخت دباؤ میں تھے، بلڈ

جناب عمران خان، عوام کو اس سے قطعی غرض نہیں کہ وزیراعظم کتنی بچت کر رہا ہے۔ انھیں اس کی بھی پروا نہیں کہ زرداری اور نوازشریف کے اکاؤنٹس میں کتنی رقم پڑی ہے۔ انھیں فکر ہے لوڈشیڈنگ کی، پانی کی قلت اور گیس کی عدم فراہمی کی، بے روزگاری کی۔ آپ لاکھ سادگی اپنائیں، وزیراعظم ہاؤس کی گاڑیاں نیلام کر دیں، سارے ملازمین کو فارغ کر دیں، مہمانوں کی پانی سے تواضع کریں، گورنر ہاؤس کو زچہ بچہ سینٹر

عزت مآب عمران خان صاحب، قبلہ، خواہش توتھی کہ آپ کو وزیر اعظم کہہ کر مخاطب کروں، مگر مناسب جانا کہ اس معصومانہ خواہش کو آپ کی حلف برداری کی تقریب تک ٹال دیا جائے۔ یوں بھی راقم الحروف سمیت کئی گمنام لکھاری اِس ”تاریخ ساز‘‘ لمحے کی پہلے ہی پیش گوئی کر چکے تھے، جن کے بھروسے آپ کے چاہنے والے عرصے سے آپ کو وزیر اعظم عمران خان ہی کہہ کر پکار رہے ہیں۔ آپ کی مصروفیات کا

اس شور سے،الزامات کی سیاست سے، جھوٹے دعووں، وعدوں سے کچھ دیر کے لیے دور چلے چلتے ہیں۔ پانچ سو قبل مسیح کے ہندوستان میں، رام چندر جی کے دور میں۔ کہتے ہیں، رام چندر جی اپنے پیروکاروں کو اکثر ایک کہانی سنایا کرتے تھے۔ ساحل پر چہل قدمی کرنے والوں کی کہانی، جو ایک سہ پہر اس بحث میں الجھ جاتے ہیں کہ سمندر کتنا گہرا ہے۔ چہل قدمی کرنے والوں میں نامی گرامی ہستیاں شامل تھیں۔ حاکم، جنگجو،

آپ سے ایک سوال ہے: کیا اُن چیزوں کے لیے جنگ جائز ہے، جنھیں ہمیں چھو کر محسوس نہیں کرسکتے؟ یعنی بجائے زر، زن اور زمین کے کیا اہم افکار، نظریات، حب الوطنی جیسے غیرمرئی معاملات میں ایک دوسرے پر بندوق تان سکتے ہیں؟ گیبرئیل گارسیا مارکیز کے شاہ کار "تنہائی کے سو سال” کے مرکزی کردار کرنل ارلیانو بوئندا کو بھی زیست کے ایک اہم موڑ پر یہی سوال ستاتا تھا، مگر پھر وہ ایک نظریے ہی کے تعاقب

”ہم ڈٹ گئے ہیں، اٹھ کھڑے ہوئے ہیں، مغرب کو شکست ہونے کو ہے، امریکا نیست و نابود ہوجائے گا!“ ایسے دعوے ہم نے ماضی قریب میں سنے۔ اور ہم انھیں سنتے آئے ہیں، مذہبی عسکریت پسندوں (ہمارے چچا، ہمارے بھائیوں، ہمارے بیٹوں) کی جانب سے، پیش گوئیوں میں گردن تک دھنسے کالم نگاروں کی جانب سے، کبھی اداروں، کبھی ریاستوں کی جانب سے۔ بے شک وہ نعرے گڑے گئے تھے، ملکی اسٹیبشلمنٹ اور عالمی اسٹیبشلمنٹ کی جانب سے، خطے

صاحبو، پی ٹی آئی 12 مئی کو کراچی میں ایک ناکام جلسہ کرنے جارہی ہے۔ مستقبل بینی کی صلاحیتوں سے محرومی کے باوجود یہ وہ دعویٰ ہے، جو فقیر اعتماد سے کر سکتا ہے کہ یہ سورج کی طرح عیاں ہے۔اس کے لیے راکٹ سائنس کی ضرورت نہیں۔ ناکام جلسے کی پیش گوئی کے لیے آپ کو فقط ماضی میں جھانکنا ہوگا۔ 2013 کے بعد کے برسوں پر نگاہ جمائیں جب شہر قائد سے ساڑھے آٹھ لاکھ وو ٹ لینے

مترو، لسانی شناخت ایک حساس اور پرپیچ معاملہ۔ بالخصوص ہجرت کے بعد سندھ میں آ کر بسنے والوں کے لیے معاملہ عرصے سے سنگین اور غمگین ہے۔ یہ طبقہ باقیوں سے نالاں، باقی اِن سے متنفر۔ ”جاگ مہاجر جاگ “جیسے نعروں سے حالات مزید کٹھن اور کڑک ہوجاتے ہیں۔ ہمارے نزدیک اردو بولنے والوں کو تاریخ کا آئینہ دکھانے، فیس بک پر لتے لینے، لگے بندھے کلیے برتنے، نصیحتوں مشوروں سے یہ معاملہ سلجھ نہیں سکتا۔ کچھ روز ادھر فقیر