میرے ابا جی ”صوفی صغیر حسین صاحب“ بتاتے ہیں کہ ”بیٹا جس دن ہمارے پیرومرشد ہمارے گھر پہلی بار تشریف لائے اس دن تیری عمر پانچ دن تھی۔ ہم بہت غریب لوگ تھے۔ ہماری کچی جھونپڑی ہوتی تھی ریت کے ایک سرکاری ٹیلے پر بنا چاردیواری کے ہمارا کچا گھر تھا۔ چاروں طرف ریگستان تھا۔ پانی بجلی نام کی کسی چیز سے ہم واقف بھی نہ تھے۔ مجھے باوا جی حضرت الحاج خواجہ صوفی پیر فقیر عبدالرحمان شاہ صاحب کا

میں اپنے دوست پُھلی سے ملنے گیا۔ پھلی مجھے کہنے لگا ”باباجی“ ”بازارمیں امرود بہت اچھے ہیں آج کیا خیال ہے امرود ہوجائیں“ میں نے موبائل سکرین پہ ٹائم دیکھا۔ بچوں کو چھٹی ہونے میں آدھا گھنٹہ باقی تھا۔ میں نے پنجابی میں کہا۔ منگوا لو جناب۔ اس نے اپنے نوکر کو بھیج کر امرود منگوالیے۔ ہم امرود کھارہے تھے جب پھلی نے امرود کو دندی کاٹتے ہوئے کہا ”باباجی دھیان سے امرود کا کیڑا ہیضے کا سبب بن سکتا

میرا دوست تملی ہمیشہ میرے ساتھ ناراض رہتا ہے۔ مجھے کہتا ہے باباجی أپ کا کچھ نہیں ہوسکتا۔ پچھلے چار سال سے أپ کے ہاتھ میں یہی گھسا پٹا پرانے دور کا موبائل دیکھ کر میں سوچتا ہوں أج کے جدید دور میں أپ زندہ کیسے ہو۔ جہاں جاتے ہو جہاں بیٹھتے ہو سب سے پہلا کام موبائل چارجنگ۔ باباجی دنیا بدل گئی مگر أپ کا موبائل نہ بدل سکا۔ میں نے ہنستے ہوئے کہا یار تملی جب عہد کر

چھیرا پنجاب پولیس میں سپاہی تھا لیکن کم تنخواہ اوراخراجات زیادہ ہونے کی وجہ سے پارٹ ٹائم آٹورکشہ چلایا کرتا تھا۔ جب سے اس کی شادی ہوئی ضروریات زندگی روز بروز کسی پیٹو کے پیٹ کی طرح بڑھتے ہی جارہے تھے۔ ان ضروریات کو پورا کرنے کے لیے آٹھ گھنٹے سرکاری ڈیوٹی کے ساتھ دس گھنٹے رکشہ میں گزارتا۔ چھیرا اس قدر شریف سادہ اور نیک انسان تھا کہ جس دن اس کی سہاگ رات تھی زوجیت کے بہت سارے

جب تک نہ جلیں دیپ شہیدوں کے لہو سے کہتے ہیں کہ جنت میں چراغاں نہیں ہوتا۔ پیار ی زوجہ محترمہ ”پاگھی“ میں آ ج آپ سے اپنے دل کی بات کہنے جا رہا ہوں مگر وعدہ کرو آپ میری وصیت پڑھ  کے نہ تو پریشان ہوں گی اور نہ ہی دکھی، میرے وطن عزیز کو بہت ساری پریشانیوں کا سامنا ہے کرپشن غداری اور سب سے بڑ ہ کر دہشت گردی کی لعنت نے میرے اس ہزاروں قربانیوں سے

میں روٹین ڈیوٹی کے لیے تیاری کر رہا تھا جب ڈیوٹی محرر کی کال أئی۔ وہ کہہ رہا تھا بابا جی ڈیوٹی پہ مت أنا صبح أپ دھرنا ڈیوٹی کے لیے جا رہے ہیں۔ میں نے یونیفارم اتارا اور اپنی ادھوری کتاب "اقبال کامل” جو کافی دن سے تھوڑی تھوڑی پڑھ رہاتھا اور پوری نہیں ہو رہی تھی مکمل پڑھنے کرنے کے سفر پہ چل نکلا۔ اگلے روز تقریباً دس بجے دن ہم اپنا ضرورت کا چھوٹا موٹا سامان اور

میرے دوست نواز کی والدہ اچانک بیمار ہو گٸیں۔ وہ سات سمندر پار بیٹھا لمحہ لمحہ اپنی امی کی صحت کے بارے پوچھ رہا تھا۔ امی کو شوگر جوڑوں میں درد بلڈ پریشر اور نہ جانے کس کس بیماری نے جکڑ رکھا تھا ۔ عمر کا بھی تقاضا تھا صحت سنبھلنے پر ہی نہیں آ رہی تھی ۔ میرا دوست نواز پریشان تھا۔ دسمبر میں پاکستان آنےکا شیڈول طے تھا۔ جس ملک میں نواز بزنس کرتا تھا، وہاں دسمبر میں

اب میری أنکھوں کی الرجی بالکل ٹھیک ہو چکی تھی۔ عرصہ تین ماہ سے میں دن میں تین بار ایک خاص صابن سے منہ دھو کر فاٸی فیکس گولیاں اور کیوٹیویٹ کریم استعمال کررہا تھا۔ ویسے تو الرجی اسپیشلسٹ نے چھ ماہ مسلسل دواٸی استعمال کرنے کو کہا تھا مگر میں اب قدرے بہتر محسوس کررہا تھا اس لیے اب میں کبھی دواٸی کھا لیتا اور کبھی سستی کرجایا کرتا تھا۔ ڈاکٹر نے کہا تھا کہ اگر میں نے کورس

پانچ ستمبر دوہزار انیس بروز جمعرات پانچ محرم الحرام۔ ہمیں حکم ملا کہ اس بار محرم ڈیوٹی کے لیے ہمیں ساہیوال جانا ہے۔ میں نے بھی باقی ساتھیوں کی طرح اپنا چھوٹا موٹا ضرورت کا سامان پیک کرلیا۔ دن تین بجے ہم سرکاری بسوں پر سوار پولیس ٹریننگ کالج لاہور سے محرم ڈیوٹی کے لیے ضلع ساہیوال کی طرف روانہ ہوئے۔ لگ بھگ اڑھائی گھنٹے کا مسلسل سفر طے کرنے کے بعد ہم ڈسٹرکٹ پولیس لائن ساہیوال کے روزنامچہ پر

میں اکثر سوچا کرتا تھا کہ یار یہ جسم فروش عورتیں کس مٹی کی بنی ہوتی ہیں۔ چند سو روپوں کی خاطر کہیں بھی کسی بھی مرد کے سامنے کپڑے اتار پھینکتی ہیں۔ پوری پوری رات غیرانجان مردوں کے ساتھ ہنسی خوشی گزار دیتی ہیں۔ ایک وقت میں کئی کئی مردوں کے اندر کا درندہ رام کردیتی ہیں۔ جب کوئی معاشرے کا ناسور اپنی غلاظت ان کے بدن میں انڈیل رہا ہوتا ہے ان عورتوں کے دل میں کیا چل

بطور معاشرہ ہم اخلاقی طور پر گراوٹ کا شکار ہیں، کسی ادارے یا فرد کو کوسنے کی بجائے ہمیں اپنی اخلاقی اقدار کو اجاگر کرنے کے ساتھ ساتھ خود بھی اپنانا ہو گا۔ ہر فرد کو اپنا محاسبہ کرنا ہو گا۔ کسی کے برے رویے پر ہم خوب شور و غل کرتے ہیں جبکہ وھی با تیں ہماری روز مرہ زندگی کا حصہ ہوتی ہیں۔ بعض دفعہ کچھ خامیاں ہماری ذات کا حصہ ہوتی ہیں مگر ہم اپنی خامیوں کو سدھارنے کی بجائے دوسروں کو ٹھیک کرنے کے ٹھیکیدار بن بیٹھتے ہیں۔

خدا کا خوف کریں جو بندہ اے ٹی ایم مشین توڑ سکتا ہے۔ جسے یہ بھی معلوم ہے کہ اے ٹی ایم میں کیمرہ کہاں لگا ہوتا ہے۔ کیمرے کو منہ چڑا سکتا ہے۔ مشین کے توڑنے کے بعد جو یہ بھی جانتا ہے کہ مشین میں کارڈ کہاں پڑا ہے اور ہاتھ ڈال کر کارڈ نکال سکتا ہے۔ گونگا ہونے کا ڈرامہ کرسکتا ہے وہ پاگل یا فاترالعقل کیسے ہو سکتا ہے۔ اور دوسری بات پولیس حراست میں اس

ہارون میرا دوست تھا۔ ہم اکثر صبح کے وقت نہر کنارے سیر کرنے جایا کرتے تھے۔ سیر کی غرض سے نہر تک پہنچنے میں ہمیں روزانہ غریب محلے کے قبرستان سے گزر کر نہر پر جانا پڑتا تھا۔ دربار والی مسجد میں نماز فجر ادا کرنے کے بعد ہم خراماں خراماں نہر کی طرف چل نکلتے۔ یہ ایک سینکڑوں سال پرانا قبرستان تھا۔ اکثر قبریں بارشوں کے پانی سے بیٹھ چکی تھیں۔ کچھ قبریں ایسی تھیں جن میں جھاڑیاں، کیکر کے درخت، عق کے پودے اور جنگلی گھاس اگ چکی تھی۔

اس کا نام سہیل ملک تھا۔ ہم پولیس میں اکٹھے ہی بھرتی ہوئے تھے۔ سہیل کا قد چھ فٹ اور چار انچ تھا۔ چوڑا سینہ لمبے لمبے بازو کھردرے ہاتھ، اس کے پاؤں اس قدر بڑے تھے کہ بارہ نمبر کا جوتا بڑی مشکل سے اس کے پیروں میں پورا آتا۔ دوران ٹریننگ سہیلا بطور پریڈ کمانڈر پوری نفری کی نمائندگی کرتا رہا۔ جب وہ پریڈ میں بطور گائیڈ کھڑا ہوتا تو باقی لڑکے اس کے ساتھ کھڑے ایسے لگتے جیسے زرافے کے ساتھ خرگوش۔ جب ہم ٹریننگ کر کے واپس لاہور آگئے تو ایک دن یونیورسٹی لاہور کے طالب علموں نے ہڑتال کر دی جو کافی دن جاری رہی۔

کاش میں تجھے کہہ سکتا خیر مبارک۔ انھوں نے غربت کی تیز آندھیوں کے تھپیڑوں کا ملکر مقابلہ کیا تھا جب ایک کی سائیکل پنکچر ہوجاتی تو دوسرا بھی اپنی سائیکل سے اتر جایا کرتا تھا اور پنکچر ہوجانے والی سائیکل کو دونوں باری باری مل کر کھینچا کرتے تھے دینو اور خدا بخش سائیکلوں پہ ٹین کے خالی ڈبوں میں سبزی لادھ کر قریب قریب کے گاؤں دیہات بستیوں میں بیچنے جایا کرتے تھے۔ بستی میں دینو اور خدابخش

ایک بادشاہ کے دربار میں ایک سوالی نے سوال کیا۔ بادشاہ نے خوب مال و دولت سے سوالی کو نوازا۔ سوالی نے خوش ہوکر بادشاہ کو دعا دی۔ بادشاہ سلامت میری دعا ہے أپ ہزاروں سال جیئیں۔ بادشاہ ایک حقیقت پسند انسان تھا۔ بادشاہ کو سوالی کی دعا سن کر جو سوالی نے بادشاہ کے لیے کی بہت غصہ أیا۔ بادشاہ نے کہا اے کم بخت بدبخت انسان میں نے تجھ پر رحم کیا ترس کھایا تجھے مال و دولت

ایلیٹ ٹریننگ سکول کے سامنے جہاں آج کل عباس پولیس لائن ہے وہاں بٹالین نمبر ایک کی گارد ہو ا کرتی تھی۔ اس گارد پہ ٹینٹ میں مقیم ہم چھ لوگ تھے۔ ایک نلکا، ایک ٹائر کا بنا ہوا ٹب، ٹب میں پڑا ڈیڑھ لیٹر کی پیپسی کی بوتل کاٹ کر بنایا گیا نہانے والا مگ۔ ایک کتا چار بندوقیں تین سرکاری صندوق ایک چار کلو گیس ولا سلنڈر، چار پانچ پلیٹیں، تین کپ، ایک سلور کا تسلہ اور ایک پلاسٹک کا جگ تین شیشے کے گلاس ایک پھٹی پرانی جائے نماز یہ اشیاء اس گارد کا کل اثاثہ تھے۔

وہ میرے ایک قریبی دوست عباس کے جاننے والوں کی حویلی تھی۔ چوڑ چپٹ، کسی گاؤں میں بڑے زمیندار کے ڈیرے جیسی۔ کھلا صحن، صحن میں مرغیوں، کبوتروں، کے کچے ڈربے، ایک طرف بڑے خطرناک منہ والا دم کٹا ہیبت ناک راہل ٹپکاتا گلٹری کتا بندھا تھا۔ جو ہر آنے والے کو بھونک کر خوش آمدید کہتا۔ ایک میری پسند کی اور بڑے مزے کی بات یہ تھی کہ صحن میں نیم کا ایک پرانا پیڑ تھا جسے یہ حویلی بناتے وقت بالکل نہیں چھیڑا گیا تھا۔ اس نیم کے پیڑ کے نیچے مٹی کے کیڑی مار پانی اور باجرے سے بھرے پڑے تھے۔ چڑیاں کوئے لالیاں (گرسل) باجرہ کھا رہے تھے اور پانی کے برتنوں میں پر پھیلائے اٹکھیلیاں کر رہے تھے۔

وہ گھر سے بھاگ گیا تھا۔ اس کے والد صاحب نے فیس بک پہ اشتہار لگایا کہ میرا بیٹا شاہزیب گھر سے غائب ہے۔ میرے دوست احباب اسے ڈھونڈنے میں میری مدد کریں۔ شاہزیب کے والد کا شمار میرے بہترین دوستوں میں ہوتا ہے۔ اشتہار دیکھ کر میں بہت حیران ہوا۔ چودہ پندرہ سال کا کھلتے گلابوں جیسا پیارا سا نوعمر شاہزیب جس نے ابھی ابھی میٹرک کا امتحان دیا تھا اور امتحان میں انتہائی قابل ستائش کارکردگی دکھا کر سب کو حیران کر دیا تھا۔گھر سے کیسے بھاگ سکتا ہے۔ وہ تو بہت سلجھا ہوا اور نیک سیرت لڑکا تھا۔ پھر یہ کیا ہوا۔ فیس بک پہ شاہزیب کی گمشدگی کی خبر میرے لیے ایک بہت بری خبر تھی۔ میرے دل میں عجیب عجیب وسوسے سر نکالنے لگے۔ کسی نے شاہزیب کو اغواہ کر لیا۔ مگر کوئی اس کو اغواہ کیسے کرے گا۔ وہ تو ایک متوسط گھرانے کا چشم و چراغ تھا اور ا س کے والد کی کسی سے کوئی دشمنی بھی نہ تھی اس کے والد انتہائی نیک نمازی اور اپنے کام سے کام رکھنے والے انسان تھے۔

میں موبائل بیلنس حاصل کرنے کے لیے محلے کی دکان پہ پہنچا تو ایک پینتیس چھتیس سالہ خاتون کچھ سودا سلف لے رہی تھی اور چھ سات سال کا بچہ اس کی قمیض کا دامن کھینچ کھینچ کر کہہ رہا تھا ”امی بسکٹ لے کر دیں۔ “ میں بھی انتظار میں کھڑا ہو گیا کہ دکاندار فارغ ہوتا ہے تو موبائل لوڈ کرواتا ہوں۔ یہ کیا دو کلو أٹا، بیس روپے کا گھی، پانچ روپے کا چائے کی پتی کا پیکٹ، دس روپے کی چینی، پانچ روپے کا اچار۔ افف یہ پسینہ مجھے گرمی اور روزے کی وجہ سے أرہا ہے یا کوئی اور وجہ ہے؟

خاوند۔ السلا م وعلیکم بیوی۔ و علیکم السلام آج صبح صبح فون خیریت ڈیوٹی نہیں جانا؟ خاوند۔ ڈیوٹی جانا ہے۔ جب مس کال کرو گی تو کال کے لیے وقت تو نکالنا پڑے گا۔ مس کال کیوں کی؟ بیوی۔ میں نے مس کال کی؟ نہیں نہیں سر، میں تو کچن میں ہو ں۔ خاوند۔ یار اس وقت ڈیوٹی جانے کی جلدی ہوتی ہے۔ شام کو تفصیل سے بات کر لیا کرو۔ بیو ی۔ جناب میں کچن میں ناشتہ بنا رہی

جبروت بالکل ہی بیٹیوں جیسا لڑکا تھا انتہائی شرمیلا گلابی گلابی آنکھیں پتلے پتلے ہونٹ لچھے دار ہچکولے کھاتی گفتگو۔ باتیں کرتا تو ہونٹوں کے ساتھ اس کے کاغذی نتھنے بھی جنبش کرتے۔ جب وہ بے خیالی میں کبھی ہنستا تو اس کے ارد گر د ہواؤں کے دوش پر ایک عجیب سی کھنکھناہٹ پیدا ہوجاتی۔ چلتے ہوئے زمین پہ اس نازک انداز سے قدم رکھتا گویا زمین کے بدن پر چھالے ہوں۔ اگر کبھی بے خیالی میں انگڑائی لیتا تو اس کے ہم جماعت شرارتی لڑکے ششدر ہو کر رہ جاتے۔

اس کے انگ انگ سے نسوانی زہر چھلک جاتا۔ اس کے مشاغل میں اپنی دونوں بڑی بہنوں کے ساتھ رسی پھلانگنا اڈا کھڈا کھیلنا گڑیا پٹولے بنانا اور امی کے ساتھ باتیں کرنے کے علاوہ ایکشن سے بھرپور کہانیاں پڑھنا بھی شامل تھا۔ وہ اکثر ایسی کہانیا ں پڑھتا جن میں کہانی کا ہیرو ناممکن کو ممکن کر دکھاتا ہو۔ جبروت ہمیشہ کچھ نہ کچھ حیران کن کرنے کے بارے میں سوچتا رہتا اور جب اپنی ہیرو بننے کی خواہش کا اظہار اپنے ہم جماتیوں سے کرتا تو وہ اس کا مذاق اڑاتے مختلف زنانہ نامو ں سے پکارتے شاید یہی وجہ تھی کہ وہ ہر کہانی میں صرف اور صرف ہیرو کے کارناموں تک ہی محدود رہتا۔

چاچا شیرا پچھلے دس سال سے پولیس لائن کے ریسٹ ہاوس میں ملازم تھا۔ پانچ جماعت پڑھا چاچا شیرا ایک سادہ اور نیک آدمی تھا۔ بس اس کا کام تھا ریسٹ ہاؤس کی دیکھ بھال صفائی ستھرائی اور پولیس ریسٹ ہاؤس میں ٹھہرنے والے افیسرز کی خدمت اور چائے کھانے کا بندوبست کرنا۔ عرصہ دس سال سے وہ یہ کام انتہائی محنت لگن اورخلوص نیت سے کرتا آرہا تھا اکثر مختلف اضلاع کے ڈی ایس پی رینک سے لے کر

سردی الوداعی اٹھکیلیاں کر رہی تھی کچھ گھانبڑ اور طبعاً سست ملازمان کے علاوہ باقی وردی پہن کر ڈیوٹی کرنے والے افسران و جوانوں نے دن کے اوقات کار ڈیوٹی میں سرکاری جرسیاں پہننا ترک کردیا تھا۔ بارشیں بھی ایک تسلسل سے جاری تھیں۔ پیڑ پودوں پہ نکلتی نئی نوخیز کونپلوں نے لال سوہانرہ نیشل پارک کی خوبصوررتی کو چار چاند لگا دیے تھے۔ پارک میں اگے انواع واقسام کے پھولدار پودوں نے نئی بیاہی دوشیزہ کے بھڑکیلے شوخ اور فینسی جوڑوں کے جیسی مختلف رنگوں کے پھولوں اور تازہ مہکتی چٹکتی کلیوں کی شالا اوڑھ لی تھی۔

سورج کی تپش میں سرد ہواؤں کی آمیزش نے صرف پرندوں تتلیوں بھنوروں کو ہی نہیں بلکہ انسانی جسموں کو بھی پوست کے نشے کی طرح اپنی لپیٹ میں لے رکھا تھا۔ لال سہانرا پارک میں بنائی گئی مصنوعی جھیل کے پانی پہ گھنے درختوں کی ٹہنیوں اور شاخوں سے چھن چھن کر پڑتی سورج کی کرنیں یوں محسوس ہورہی تھیں جیسے پانی کی سطح پہ کسی نے سلمے ستارے کے کام والی چادر بچھا دی ہو۔ انور جام شیریں کی بوتل جیسا سرخ کبڈی کے کھلاڑی جیسا توانا نوعمر اور مضبوط اعصاب کا مالک جوان تھا اس کا گورا چٹا رنگ سیاہ یونیفارم میں دیکھنے والوں کی آنکھوں کو خیرہ کر رہا تھا جو بھی نظر انور کے درخشندہ چہرے پہ اتفاقاً پڑتی دوبارہ پلٹ کے دیکھنا اس کی مجبوری بن جاتا۔

پولیس کے آڈیٹوریم میں ملازمان و افسران کی عیدملن پارٹی چل رہی تھی۔ بھانڈ گویے اور سازندے اپنے اپنے فن سے ماحول کو گرما رہے تھے تالیوں قہقہوں کی گونچ نے آڈیٹوریم کے ماحول کو پہاڑوں سے گرتے جھرنوں کی کھن کھن کی آواز کی طرح پر ترنم کر رکھا تھا۔ عید کی خوشی اور پھر اس خوشی کے موقع پر ڈی آئی جی صاحب کی طرف سے دیے گئے اعشایے سے تمام پولیس افسران بہت خوش تھے کہ اچانک ایک بیس بائیس سال کا لڑکا شلوار قمیض پہ پولیس کی جرسی پہنے اور ہاتھ میں پولیس کیپ پکڑے جناح آڈیٹوریم میں داخل ہوا۔سٹیج پہ کھڑے میزبان نے بڑے غصے سے کہا اوہ لڑکے تم کدھر آگئے ہو تمھیں نہیں پتہ یہاں پولیس والوں کی عید ملن پاڑٹی چل رہی ہے۔ سیکیورٹی والے جوان نکالو اسے باہر۔ سیکیورٹی ڈیوٹی پہ مامور دو جوانوں نے آگے بڑھ کر اس نیم پاگل لڑکے کو بازؤں سے پکڑ کر خارجی دروازے کی طرف کھینچنا شروع کردیا لیکن وہ لڑکا بار بار ایک ہی بات کہہ رہا تھا یہ سب لوگ میرے چاچو ہیں مجھے چاچوؤ ں سے بات کرنی ہے۔ یہ سب لوگ میرے چاچو ہیں مجھے چاچوؤ ں سے بات کرنی ہے۔ جب ڈی آئی جی صاحب نے دیکھا کہ وہ لڑکا بضد ہے کوئی بات کرنا چاہ رہا ہے تو ڈی آئی جی صاحب نے اپنے پی ایس او سے کہا لڑکے کو بات کرنے دی جائے۔

تمھیں کس بات کی پرواہ ہے میں ہوں ناں۔ میں سب سنبھال لوں گا بس تم ہاں کر دو۔ تمھیں کیا لگتا ہے میں تمھارا دشمن ہوں۔ تمھار ا پھوپھا ہوں۔ تم کیا چاہتی ہو یہ ساری جائیداد کسی کے بھی کام نہ آئے۔ دیکھو حقیقت سے نظریں نہیں چرائی جا سکتیں اور حقیقت یہ ہے کہ تمھارا خاوند چند مہینوں کا ہی مہمان ہے۔ ہم چاہ کر بھی اس کو نہیں بچا پائیں گے اور پھر یہ گھر دکانیں

چاچا رحمت ہمارا گارد انچارج تھا۔ وہ اپنے رہن سہن اور سادگی سے بالکل بھی سب انسپکٹر نہیں لگتا تھا۔ سر پہ عمامہ شریف، چہرے پہ خوبصورت داڑھی، پیشانی پہ سجدوں کے واضح نشان، ہاتھ میں ایک خوبصورت منکوں والی چھوٹی سی تسبیح زبان پہ ہر وقت سبحان اللہ اور استغفراللہ کا ورد پانچ وقت کا نمازی تہجد گزار سب انسپکٹر رحمت علی۔ جس گارد پہ ہم تعینات تھے ہمیں ٓ اپنا تین وقت کا کھانا خود پکانا پڑتا تھا

قبضہ مافیا کیا ہے۔ شاید مجھے بھی اس جملے کا مطلب نہیں پتہ تھا۔ میں بھی سمجھتا تھا یہ جو سرکاری زمین پر جھونپڑیاں چھپر بنا کر بیٹھے ہیں یہ ہی لوگ قبضہ مافیا اور گھس بیٹھیے ہیں۔ اور شاید حکومت پاکستان اور اسپیشلی حکومت پنجاب بھی اصل قبضہ گروپس کو پہچاننے میں غلط فہمی کا شکار ہے۔ حکومت پنجاب کا قبضہ مافیا سے وہ زمینیں پلاٹس اور تھڑے جو سالہا سال سے ان کے قبضے میں تھے واگزار کروانے

خوش قسمتی سے ہم اپنے شہر کے کافی وٹس ایپ گروپس کے ممبر ہیں۔ آج بار بار موبائل کی ٹن ٹن بج رہی تھی ذرا غور کرنے پہ پتہ چلا کہ ایک گروپ میں این آر او کا موضوع زیر بحث ہے۔ گروپ کے آٹھ سے دس افراد اور سرگرم رکن بحث میں شامل تھے۔ لمبے لمبے دلائل دیے جا رہے تھے۔ ہر کوئی اپنی اپنی ہانک رہا تھا۔ ہم سے بھی نہ رہا گیا۔ ہم بھی تو اسی قوم

یقیناً میری اس تحریر کو پڑھنے والے ہر عمر کے افراد کسی نہ کسی طرح ملک کے تعلیمی اداروں سے وابستہ ہیں۔ کیا کبھی کسی نے کسی بھی سکول کی کینٹین پہ تازہ موسمی پھل فروخت ہوتے یا تازہ پھلوں کا جوس بھی فروخت کے لیے بنتا دیکھا ہے؟ یقیناً نہیں۔ وجہ؟ وجہ صرف یہ ہے کہ پھل ایک آدھ دن کے بعد گل سڑ جاتے ہیں اور کینٹین والوں کا نقصان ہوتا ہے۔ لیکن کیا کبھی کسی نے سوچا

گلی محلے کے چھوٹے موٹے چور ہوں پبلک ٹرانپورٹ کی بسوں میں مسافروں کی جیبوں کا صفایا کرتے جیب تراش ہوں جواری ہوں ٹھگ ہوں کھانے پینے کی اشیاء میں ملاوٹ کرتے ملاوٹ مافیا ہوں یا بہت بڑے بڑے ڈاکو اغوا کار دہشت گرد کرائے کے قاتل۔ میں ایک پولیس والا ہونے کی حیثیت سے ذاتی تجربے کی بنیاد پہ کہتا ہوں۔ ہر جرم کرنے والے کے پاس اپنے گناہوں کو جائز سمجھنے کے لیے اپنے ضمیر کو مطمین کرنے

ایک وقت تھا جب محبوبا ئیں اپنے سچے عاشقوں کو اپنے ہاتھ سے کڑھے ہفتوں کی محنت کے بعد ریشمی کپڑے کے دیدہ زیب اور مختلف ڈیزائنوں کے پھول کناری والے رومال بطور تحفہ بڑے خلوص اور چاء(چاؤ) سے بنا کے دیا کرتی تھیں۔ کچھ شدت پسند محبوبائیں رومال پہ سنہری ڈوری سے دل کا نقشہ کھینچتیں دل کے عین وسط میں کالے دھاگے سے تریڑیں ڈالتیں۔ پھر لال دھاگے سے ایک سرکش تیر بنا کر ان تریڑوں سے گزارا

جب کوئی جوان پولیس میں بھرتی ہوتا ہے تو اس کی زندگی کا ایک نیا باب شروع ہو جاتا ہے۔ جس دن بھرتی کی خبر اہل و عیال میں پہنچتی ہے رشک آفریں جوان کے لیے رشتوں کی آمد کا سلسلہ شروع ہو جاتا ہے۔ مامے چاچے پھوپھیاں ماسیاں جوان کی نظر اتارتے دکھائی دیتے ہیں اور مقصد صرف پولیس والے بیٹے بھتیجے کا دل جیتنا ہوتا ہے۔ بیس بائیس ہزار ماہانہ کی نوکری ملنے کے بعد جوان ایسا قیمتی

مہذب باشعور اور اچھی تربیت کے حامل پاکستانی جب کہیں پولیس کا ناکہ لگا دیکھتے ہیں تو اپنی گاڑی کی رفتار بہت آہستہ کر لیتے ہیں۔ رات کے اوقات میں اپنی گاڑی کی لائٹس مدھم کر لیتے ہیں پولیس ناکہ پہ کھڑے جوان کو ہرگز علم نہیں ہوتا کہ جس گاڑی یا موٹر سائیکل سوار کو وہ روک رہا ہے وہ ایک عام شریف شہری ہے یا خود کش بمبار۔ یہ آپ کا حق ہے کہ آپ رک جائیں کیوں

مجھے دو دن پہلے اسلام آباد سے ایک پی ٹی سی ایل نمبر سے کال آئی میں حیران ہوا کہ صاحب جی کا فون؟ پھر دماغ میں چند الفاظ جمع کیے یاد کیا کہ آخری بار جب ہماری بات ہوئی تھی تو کیا کیا مسائل زیر بحث رہے تھے۔ لمحہ بھر کو سوچا کہ اب میں نے اپنے صاحب جی سے کیا بات کرنی ہے کیا کہنا ہے۔ کیوں کہ جب میں اپنے صاحب جی سے بات کرتا ہوں تو

یہ ان دنو ں کی بات ہے جب ہم پنجا ب کانسٹیبلری میں تعینات تھے ۔ ٹینٹوں میں رہائش پذیر پنجاب کانسٹیبلری کو پولیس کی زبان میں پی سی کا بیڑہ کہتے ہیں ۔ بیڑہ اس لیے کہا جاتا ہے کیوں کہ پنجاب کانسٹیبلری کے افسران و جوان ہمیشہ حالت سفر میں ہی رہتے ہیں پنجاب کانسٹیبلری کے جوان سرکاری بسوں پہ اپنے صندوق لادتے اور اتارتے ہی دکھائی دیتے ہیں ۔ کبھی الیکشن ڈیوٹی کبھی محرم ڈیوٹی ۔ کبھی

مجھے یاد ہے ہمارے کچے گھر میں مفلسی نمبردار ہوا کرتی تھی۔ والد صاحب محنت مزدوری کیا کرتے۔ امی جان کو روز کا روپیہ دو روپیہ خرچ ملتا تھا۔ امی کا کہنا تھا، بیٹا ہم نے کبھی سو کا نوٹ نہیں دیکھا۔ مہینے میں کبھی کبھار ہمارے گھر گوشت یا چاول پکا کرتے تھے۔ ہم اکثر ہی پودینے کی چٹنی، لسی، اور بینگن کا بھرتا کھایا کرتے تھے۔ سرسوں کا ساگ کئی کئی روز کھایا جاتا۔ ہم عید، یا کسی

پچھلے دنوں سوشل میڈیا پہ ایک کراچی، سندھ پولیس انسپکٹر کا ویڈیو کلپ دیکھا جس میں ایک باوردی پولیس افسر اپنے محکمے سے ناراض دھاڑیں مار مار کو رو رہا تھا اور اور کہہ رہا تھا میرا بیٹا بیمار ہے۔ جس کے علاج کے لیے میرے پاس پیسے نہیں ہیں۔ پاس ہی انتہائی لاغر اور بیمار اس کا نوعمر بیٹا بے بسی کی تصویر بنا بیٹھا تھا۔ ایک پولیس افسر کا ہاتھ میں قرآن پاک پکڑ کر واسطے دینا زور