اس وقت پورے ملک میں سماجی، معاشی اور سیاسی صورت حال بڑی خراب نظر آتی ہے۔ لوگ ایک دوسرے سے بیزار ہیں۔ اپنے بیگانے کا فرق قریباً ختم ہو گیا ہے۔ معیشت کی ناؤ بری طرح سے ہچکولے لے رہی ہے۔ اگرچہ اسے سنبھالنے کی کوششیں ہو رہی ہیں مگر وہ نہیں سنبھل رہی۔ اسی طرح سیاست ہے جس میں گویا ایک بھونچال آیا ہوا ہے۔ تینوں بڑی سیاسی جماعتیں غریب عوام کو اپنے بیانات، نعروں اور دعووں سے متاثر

بعض تجزیہ نگاروں کا خیال تھا کہ جوں جوں حکومت کے جانے کا وقت قریب آئے گا وہ عوام کو سہولتیں دینے کی طرف بڑھے گی ان کی قوت خرید میں اضافہ کرے گی لہٰذا وہ مہنگائیوں کی ابھرتی ہوئی لہروں کو بھول جائیں گے اور ان کی سوچ میں تبدیلی آ جائے گی کہ وہ پی ٹی آئی کو دوبارہ اقتدار میں دیکھنا چاہیں گے مگر ایسا دور دور تک دکھائی نہیں دے رہا۔ موجودہ صورت حال کے برقرار

یہ لوگ بھی کیا لوگ ہیں کہ ان پر ستم در ستم ڈھائے جا رہے ہیں مگر انہیں کوئی پروا نہیں سوئے پڑے ہیں جگانے والے اپنا فرض پورا کر رہے ہیں مگر ان کے کان پر جوں تک نہیں رینگ رہی۔ مغربی ممالک ہوں یا یورپ کے وہاں کے عوام کسی سیاسی جماعت کی کال کے بغیر حکمرانوں کی زیادتیوں کے خلاف خود بخود سڑکوں پر احتجاج کرنے نکل کھڑے ہوتے ہیں مگر یہاں صورت حال مختلف ہے کہ

اس میں کوئی شبہ نہیں کہ عام آدمی کی زندگی پر آسائش نہیں اس میں تلخیاں ہی تلخیاں ہیں۔ مصائب ہی مصائب ہیں اور غم ہی غم ہیں۔ کوئی ان سب سے نجات دلوانے کے لیے آگے نہیں آ رہا جو آتا بھی ہے وہ کچھ کر نہیں پاتا یوں کروڑوں لوگ اب تک امید کے سہارے جی رہے ہیں مگر شاید انہیں مستقبل میں بھی اپنے جیون میں آسانیوں اور آسائشوں سے روشناس نہیں ہونا کیونکہ اہل اختیار کو

اب تو ایک ہی موضوع رہ گیا ہے مہنگائی، جس پر لکھا جا رہا ہے آئے روز یہ آکاس بیل کی طرح بڑھتی ہی چلی جا رہی ہے کوئی اسے روکنے والا نہیں ۔ متعلقہ ادارے بے بس نظر آتے ہیں۔ وہ اس سوچ میں پڑے ہیں کہ اس پر کیسے قابو پایا جائے کیونکہ مافیاز طاقتور ہیں مگر ریاست کو حرکت میں آنا ہی پڑے گا وگرنہ لوگ سڑکوں پر آنے کے لیے مجبور ہو جائیں گے۔ غربت بڑھ

یہ کیسی عجیب بات ہے کہ جس چیز کو عوام اپنے موافق نہیں سمجھتے وہی بار بار ان کے آگے آجاتی ہے یعنی لوگ مہنگائی کو ایک نظر بھی دیکھنا نہیں چاہتے مگر وہ گھوم پھر کر ان کی آنکھوں کے سامنے آن کھڑی ہوتی ہے۔

چوہتر برس کے بعد بھی قانون کی بالادستی قائم نہیں ہو سکی کہ غریب پر یہ لاگو ہے اور امیر کو اس کی کوئی پروا نہیں۔ کیا جمہوریت پروان چڑھی بالکل نہیں۔ ہر سیاسی جماعت اپنوں میں ریوڑیاں بانٹتی نظر آتی ہے۔ نسل در نسل یہ سلسلہ جاری و ساری ہے مگر حیرت یہ ہے کہ سیاستدان و حکمران خود کو جمہوریت کے چیمپئن قرار دیتے ہیں مگر عوام کی کسی ایک بات کو بھی تسلیم کرنے سے گریزاں ہیں۔

جمہوری حکومت نے ایک بار پھر قومی خزانہ بھرنے کے لیے بجلی کی قیمت میں اضافہ کر دیا ہے۔ ظاہر ہے اب اس سے مہنگائی میں بھی اضافہ ہو گا جو پہلے ہی رکنے کا نام نہیں لے رہی۔ دراصل یہ سب آئی ایم ایف کی ڈکٹیشن پر کیا جا رہا ہے۔ حکومتی عہدیداروں کے مطابق اگر عالمی مالیاتی اداروں کی شرائط پوری نہیں کی جاتیں تو وہ ناراض ہو کر قرضہ دینا بند کر سکتا ہے۔ اس کا مطلب

حکومت کے تین سالہ عرصہ کے دوران کئی نشیب و فراز آئے جس سے ایسا لگا کہ وہ اب گئی کہ اب گئی مگر ایسا کچھ نہ ہوا لہٰذا وہ اپنی جگہ موجود ہے۔ اگلے دو برس میں کہا جا سکتا ہے کہ اسے کسی بڑی پریشانی کا سامنا نہیں کرنا پڑے گا کیونکہ حزب اختلاف یکسو نہیں اور متحد بھی نہیں پھر وہ یہ بھی چاہتی ہے کہ موجودہ حکومت اپنی مدت پوری کرے۔ اس سے عوام کو معلوم

موجودہ دور میں قانون کو جس قدر نظرانداز کیا جار ہا ہے، میں نے اپنی پوری زندگی میں نہیں دیکھا کہ عصمتیں لٹ رہی ہیں، سینہ زوری کے مظاہرے عام ہیں، کمزوروں کی جائیدادوں اور مکانوں پر قبضے ہو رہے ہیں، ملاوٹ کرنے والے پوری دلیری کے ساتھ اپنا دھندہ جاری رکھے ہوئے ہیں۔ رشوت کا بازار گرم ہے۔ غنڈے دندناتے پھرتے ہیں۔ تھانے اور پٹوار خانے پہلے سے کہیں زیادہ اندھیر مچائے ہوئے ہیں۔ کہنے کو بہت کچھ ہے

پی ٹی آئی کی سیاست احتساب اور بدعنوانی کے گرد گھومتی ہے مگر ابھی تک وہ ان دونوں پر اپنی گرفت مضبوط نہیں کر سکی وجہ اس کی یہی بتائی جاتی ہے کہ اس میں قابل احتساب افراد کی کثیر تعداد موجود ہے اور وہ حکومت کو ”قابو“ میں کیے ہوئے ہے اسے اقدامات متعلقہ کرنے نہیں دے رہی۔ سوال پیدا ہوتا ہے کہ پی ٹی آئی کی قیادت بیانات پے بیانات کس لیے دے رہی ہے کہ کسی بدعنوان

حکمران جماعت کی مقبولیت روز بروز کم ہوتی جا رہی ہے اس کی وجہ اس کی پالیسیاں ہیں جو زیادہ تر غیر عوامی ہیں لہٰذا عوام انہیں ناپسند کرنے لگے ہیں مگر یہ کیسی عجیب بات ہے کہ حکمرانوں کو اس امر کا احساس نہیں وہ آنکھیں بند کیے مزید پالیسیاں بناتے چلے جا رہے ہیں جو عوام مخالف ہیں۔ کہا جاتا ہے کہ اس میں حکومت کا کوئی قصور نہیں وہ مجبور ہے کہ ایسی پالیسیاں بنائے کیونکہ وہ

فی الحال سب اچھا نظر آ رہا ہے کہ ماننے والے مان گئے ہیں یوں ”تبدیلی“ آتے آتے رک گئی ہے۔ اب ہونا تو یہ چاہیے کہ سب جو خفا خفا تھے مل کر حکومت کے کاموں میں حصہ لیں۔ حکومت کو بھی چاہیے کہ وہ انہیں ساتھ لے کر چلے تا کہ کل پھر کوئی ناراض نہ ہو سکے مگر حزب اختلاف کو بھی اسے ساتھ لینا چاہیے وہ بھی اگر ناراض ہوتی ہے تو صورت حال بگڑ سکتی

ڈیڑھ برس سے جاری حزب اقتدار اور حزب اختلاف کے مابین چلی آ رہی کشیدگی اب کم ہونے جا رہی ہے کیونکہ دونوں فریقوں کو ملکی مفاد عزیز ہے لہٰذا وہ اس حوالے سے ایک دوسرے کے خلاف صف آرا نہیں ہو سکتے۔ یہی وجہ ہے کہ انہوں نے نیب کے قانون اور عسکری قیادت کو مزید فرائض کی ادائی سے متعلق ترامیم میں حکومت کا ساتھ دینے کا اعلان کر دیا ہے۔ مقصد سب کا یہ ہے کہ ملک

”حقائق سے پردہ اٹھاؤ تو کہا جاتا ہے یہ مایوسی ہے“۔ پھر کیا یہی کہا جائے کہ یہ جو برے دن ہیں ختم ہو جائیں گے ۔ گلشن میں بہار آ جائے گی۔ خزاں کا نام و نشان تک باقی نہیں رہے گا۔ انصاف عام ہو گا۔ امن چین کی بانسریاں ہر سمت بجتی ہوئی سنائی دیں گی۔ غربت نہیں رہے گی، ملاوٹ، مہنگائی اور ذخیرہ اندوزی کا دور ایسے غائب ہو گا جیسے گدھے کے سر سے سینگ، باہمی

ملکی حالات روز بروز خرابی کی جانب بڑھتے ہوئے نظر آ رہے ہیں۔ اندیشہ ظاہر کیا جا رہا ہے کہ اگر حکومت نے اس کے حوالے سے ہنگامی طور سے کوئی سوچ بچار نہ کی تو پھر وہ ہاتھ ملتی رہ جائے گی اور تیسری قوت معاملات مملکت دیکھنے کے لیے سامنے آن کھڑی ہو گی لہٰذا حزب اقتدار ہو یا حزب اختلاف دونوں کو تادیر سیاسی مسائل کا سامنا کرنا پڑے گا کیونکہ صورت حال اس قدر تبدیل ہو

یہ ایسا دور آ گیا ہے کہ کوئی کسی کا نہیں، بس آپا دھاپی ہر سمت دیکھنے کو ملتی ہے سب کو اپنی اپنی پڑی ہوئی ہے۔ بات سوچنے کی ہے کہ پھر یہ معاشرہ یہ ملک کیسے آگے بڑھے گا۔ اس کا جواب یہ ہے کہ ابھی کچھ لوگ ایسے ہیں جو دوسروں کے لیے جی رہے ہیں۔ اس ملک کو مستحکم کرنے میں مصروف ہیں۔ المصطفے ٰ ویلفیئر ٹرسٹ ایک ایسی تنظیم ہے جو انسانیت کی خدمت کا

ملکی صورت حال ایک لمحے کو لگتا ہے بڑی پر سکون ہے مگر دوسرے ہی لمحے مضطرب نظر آ رہی ہوتی ہے۔ پچھلے چند روز میں ایسا لگا کہ معاملات بہتری کی جانب بڑھ رہے ہیں لہٰذا اب حکومت کے لیے وہ اقدامات اٹھانا ممکن ہو جائے گا۔ جو وہ کئی ماہ سے کہتی چلی آئی ہے مگر پھر ہوا یہ کہ اسے عدالت عظمیٰ کی طرف سے تھوڑی سی پریشانی نے آن گھیرا۔ اس سے محفوظ رہنے کے لیے

حزب اختلاف کی پوری کوشش ہے کہ عمران خان سے گلو خلاصی ہو جائے کیوں؟ کیونکہ وہ صرف اس کا احتساب کرتا ہے اپنے ارد گرد موجود بد عنوان لوگوں کو نہیں پوچھتا۔ اب اس نے ( حزب اختلاف ) عوامی مسائل کا بھی تڑ کا لگا دیا ہے کہ دیکھیں جی مہنگائی و بے روزگاری نے عوام کا برا حال کر دیا ہے۔ لہٰذا اسے حکومت ختم کر کے وسط مدتی انتخابات کا اعلان کر دینا چاہیے؟ عمران خان

سیاست عوام کی خدمت کا نام ہے مگر ہم ایسے ترقی پذیر ممالک میں اس کا مفہوم مختلف ہے۔ یہاں سیاست موقع پرستی، مفاد پرستی اور ہوشیاری کا نام ہے یعنی سیاست اِدھر محض مالی مفادات کے لیے اور اقتدار کا جھولا جھولنے کے لیے کی جاتی ہے عوام کی فلاح و بہبود سے دور دور تک کوئی واسطہ نہیں ہوتا لہٰذا ہوا یہ ہے کہ اس میں پچھلے بیس برس سے ایسی ایسی تبدیلیاں آئی ہیں کہ جس سے

ملک میں ایک ”سیاسی تماشا“ لگا ہوا ہے جسے دیکھنے والے غریب عوام ہیں جو مسائل کی حوالات میں مقید ہیں انہیں دن کو آرام ہے نہ رات کو چین ان کے بچوں کا مستقبل تاریک سے تاریک تر۔ انہیں بھوک ننگ زندگی سے بیزار کرتی چلی جا رہی ہے۔ آج تک کوئی بھی احتجاج مہنگائی، غربت اور جہالت کے خلاف نہیں ہوا۔ جو ہوا ہے اقتدار کے حصول کے لیے یا پھر اقتدار والوں کو قابو میں کرنے کے

اگر یہ کہا جائے کہ ہر ادارہ ( سویلین) اپنی من مرضی کر رہا ہے تو غلط نہ ہو گا۔ اگرچہ حکومت کی طرف سے اس پر تشویش ظاہر کی جا رہی ہے مگر عوام اسے مورد الزام ٹھہرا رہے ہیں اور اسے اس کی انتظامی کمزوری قرار دے رہے ہیں۔ لہٰذا اس وقت زندگی معمول کے مطابق نہیں گزر رہی، ہر طرف ایک بے چینی سی پھیلی ہوئی ہے بلکہ ہا ہا کار مچی ہوئی ہے۔ دھوکا دہی کی

ابھی تک حیات اپنی وسوسوں، اندیشوں اور خطرات میں گھری ہوئی ہے۔ کسی پل چین نہیں سکون نہیں اور اطمینان نہیں۔ وجہ اس کی شاید یہی ہے کہ ہم، ہم نہیں بن سکے۔ شروع دن سے دوسروں کے دست نگر ہو کر رہ گئے۔ جینے کے لیے امدادیں اور خیراتیں مانگنے لگے۔ معاشی، سماجی اور سیاسی میدان میں خود کفالت حاصل نہ کر سکے۔ آزاد پالیسیاں بھی نہ بنا پائے۔ سوچا، ہو سکتا ہے یہ سب عارضی ہو مگر برسوں

زندگی ہے یا کوئی طوفان ہے ہم تو اس جینے کے ہاتھوں مر چلے ہر روز کوئی نیا مسئلہ کوئی نئی مصیبت! جب سے آنکھ شعور کی کھلی ہے حالت اپنی بگڑتی چلی جا رہی ہے امید دلانے والے اگرچہ بہت ہیں مگر ابھی تک اندھیرا ہی اندھیرا ہے ہر سمت۔ میں سوچتا ہوں کہ چلو یہ حکمران نہ سہی آسوں کا تارا تو کوئی دوسرا ہو گا مگر جب یہ سطور رقم کر رہا ہوں کوئی بھی مستحکم و

عمران خان جو کہتے ہیں وہ ان کے دل کی آواز ہوتی ہے کیونکہ انہیں اس مٹی اور اس پر بسنے والوں سے بے حد محبت ہے وگرنہ وہ کبھی بھی مغرب کی ”جھلملاتی دنیا“ کو خیر باد نہ کہتے کہ جہاں انسانوں کے ساتھ انسانوں والا ہی سلوک روا رکھا جاتا ہے۔ عیش و عشرت اور زندگی کا ہر رنگ اس میں موجود ہے مگر عمران خان نے سوچا کہ وہ اپنے ہم وطنوں کو بھی جینے کے اس

مودی سرکار نے ظلم و ستم کے پہاڑ توڑ دیے اہل کشمیر پر! یہ سفاکیت، یہ وحشت اور یہ جارحیت قابل مذمت ہے! کشمیری نہتے، بے بس اور لاچار تڑپ رہے ہیں صدائے احتجاج بلند کر رہے ہیں۔ انصاف کے ایوانوں کی طرف دیکھ رہے ہیں۔ مگر دھند ہے ہر سمت دھند۔ ان کی فریاد کوئی نہیں سن رہا۔ وہ بہتر برس سے حالت جنگ میں ہیں اپنے حقوق کے حصول کے لیے چوک چوراہوں میں کھڑے ہیں مگر بھارت

ہمارے چاک و چوبند وزیراعظم عمران خان نے کہا ہے کہ ماضی کی حکومتوں کی لوٹ مار کی وجہ سے قومی خزانہ خالی ہے۔ ایک برس ہونے کو آگیا مگر یہ گردان کہ ’خزانہ خالی ہے‘ کی جا رہی ہے جبکہ کچھ ممالک سے رقوم آ چکی ہیں اس کے پیش نظر کہا گیا کہ ہمیں اب کسی عالمی مالیاتی ادارے سے قرضہ لینے کی ضرورت نہیں پڑے گی۔ مگر یہ سب کیا ہے کہ آئی ایم ایف سے بھی

وزیر اعظم پاکستان عمران خان کے دورے سے یہ تاثر عام ہے کہ اب وہ بھی روایتی سیاستدانوں کی طرح کے ہو گئے ہیں کیونکہ انہوں نے امریکا جو دنیا کی بڑی طاقت ہے سے الجھنا مناسب نہیں سمجھا اور اس کی آشیر باد کو ضروری جانا لہٰذا وہ اس کی جانب سے دی گئی دور ے کی دعوت پر بے قرار ہو کر چل پڑے۔ اس دورے کو کچھ ذہین لوگ ناکام کہہ رہے ہیں تو کچھ کامیاب مگر

ایسا لگتا ہے کہ احتسابی عمل آنے والے دنوں میں تیزی سے آگے بڑھے گا کیونکہ اب تک کی گرفتاریاں غیر معمولی ہیں لہٰذا دیگر مطلوب ملزمان سے کسی رعایت یا ڈھیل کی گنجائش نظر نہیں آتی۔ بات بڑی عجیب ہے کہ جن لوگوں نے ملک و قوم کا پیسا ذاتی تجوریوں میں ٹھونسا انہیں کیوں یہ سمجھ نہیں آ رہی کہ اب ریاست یہ فیصلہ کر چکی ہے کوئی بھی ہو کچھ بھی ہو خورد برد کی گئی عوامی