کبھی کبھی یوں ہوتا ہے کہ قلم کو قرطاس کی روشوں پر رواں رکھنے والا خیالات کا ایندھن قلت کا شکار ہوجاتا ہے۔ ایندھن نہ ملے تو دو چار جھٹکے کھا کر قلم کی گاڑی رک جاتی ہے، لاکھ دھکے لگاؤ، سٹارٹ نہیں ہوتی۔ گزشتہ دنوں کچھ ایسا ہی معاملہ درپیش رہا اور کئی ہفتے آپ سے ملاقات نہ ہو سکی۔ یہ دورانیہ ممکن ہے مزید طویل ہوجاتا مگر پھر ایک بھولی بسری خوشبو نتھنوں سے ٹکرائی اور تعطیل پر

کوئی ہے جو اسپ زماں کو مہمیز کرے۔ کوئی تو سبب ہو کہ ایک دم بہت سارا وقت گزر جائے۔ اس وقت سے سبھی کو تیز رفتاری کا گلہ رہا کرتا ہے مگر آج تو لگتا ہے جیسے اس سے سست کوئی اور شے ہے ہی نہیں۔ ہے کوئی تیمور جس کی ایڑ سے وقت کا یہ شبدیز بہت سارے ماہ و سال کی زقند بھر جائے! حادثے کا وقت پیچھے کہیں دور رہ جانے پر کچھ تو درد کم

آپ کے خیال میں کیا وجہ ہے کہ وقت کے میدان میں لگی دوڑ میں سافٹ کاپی کے مقابلہ میں ہارڈ کاپی ہانپ رہی ہے۔ کیوں رفتہ رفتہ ہارڈ کاپی یہ مقابلہ ہار رہی ہے؟ یہ ویسا ہی معاملہ ہے جو مادے سے بوجھل جسم اور روح کے مابین ہے۔ روح کو مادے کے بوجھ تلے دے کر محدود کر دیا گیا ہے وگرنہ اس کی پرواز تو زمان و مکاں سے مبرا ہے۔ سافٹ کاپی بھی مادے کے بوجھ

ابھی لڑکا آرڈر لے کر آیا نہ تھا کہ ڈیرا اڈہ کی طرف سے ایک چشمہ پوش بابا جی ’جن کی چھوٹی چھوٹی سفید داڑھی تھی‘ آتے ہوئے دکھائی دیے۔ چھوٹے چھوٹے قدموں والی دھیمی چال۔ وہ گاڑی کے پاس سے گزر کر کچھ آگے چلے گئے تھے کہ پھر پلٹے اور مجھ سے مخاطب ہوئے ”صدقے دے کجھ پیسے ودن؟“ (صدقے کے لئے پیسے ہیں آپ کے پاس) میں نے پوچھا ”خیریت! کیا کریسو“ ۔ بابا جی بولے ”صدقے دے پیسے ہوون تاں ڈیو چا ’گھر کوئی شے گھدی ویساں“ ۔ ان کے لہجے اور انداز میں گداگروں والی کوئی بات نہ تھی۔ بیگم نے کہا ”فوزیہ والا صدقہ دے دوں؟ کب سے لئے پھررہی ہوں“ ۔ میں نے کہا دے دو‘ بابا جی نے تو مانگا ہی صدقہ ہے۔

ملک میں لاک ڈاؤن کو دو دن اوپر ایک ماہ پورا ہو چکا ہے۔ پابندی کی زنجیریں پڑی ہوں تو وقت بھی جیسے رک سا جاتا ہے۔ یوں لگتا ہے کہ ساری عمر گویا اسی کیفیت میں گزر گئی۔ وہ دن زندگی کا حصہ ہی نہیں لگتے جب ہم آزادانہ گھوما کرتے تھے، ہر سطح کا بے خوف و خطر لمس لیا کرتے تھے۔ بازاروں میں، عوامی مقامات پر کھوے سے کھوا چھلا کرتا۔ شادی بیاہوں میں، تقریبات میں اک

مجھے نہیں پتہ کہ قضا و قدر بارے آپ کے خیالات کیا ہیں اور قسمت، نصیب ایسی اصطلاحات پر آپ کس قدر یقین رکھتے ہیں۔ تاہم میں نصیب کو مانتا ہوں۔ یہ مجھے میرے تجربات نے سکھایا ہے۔ ہمارے ایک کالم نگار دوست کا تو فتویٰ ہے کہ انسان سب کچھ کتابوں سے سیکھتا ہے اور تمام مسائل کی جڑ کتابوں سے لاتعلقی ہے۔ تاہم میرا خیال ہے کہ پانچوں حسوں سے انسان علم حاصل کرتا ہے۔ کتاب تو فقط

ٹائم ایند سپیس کی اس دنیا میں، مٹی، پانی اور ہوا کے اس عالم میں سبھی کچھ وافر ہے اور مادے کی تینوں شکلیں بہ درجہ اتم۔ سپیس بھی بہت ہے، قرآن نے تو خیر کب کا کہہ رکھا ہے، اب تو سائنس بھی مان گئی کہ یہ کائنات پھیل رہی ہے، یہ وسیع و عریض لامنتاہی خلا مسلسل بڑھ رہا ہے۔ مادہ بھی شکلیں تبدیل کرتا ہے مگر ختم نہیں ہوتا۔ اس سارے منظر نامے میں تیزی سے کچھ

ہوش کی آنکھ کھولتے ہی جس ہاتھ کو ہمیشہ سہارا پانے کی آس میں تھاما ہو ’اس کو سہارا دینا روح کے پٹھوں میں تشنج پیدا کردینے والا کام ہے۔ کچھ ہاتھ تو آپ کی زندگی میں آتے ہی اس لئے ہیں کہ جب آپ لڑ کھڑا ئیں اور دنیا کے دھکے آپ کے قدموں کو زمین کی پشت سے اکھاڑ دینے کو ہوں تو وہ ہاتھ بڑھا کر آپ کو تھام لیں۔ صوفی نے تو خیر براہِ راست مالک کو مخاطب کر ڈالا تھا کہ

میں انہا تے تلکن رستہ ’
کیوں کر ہووے سنبھالا
دھکے دیون والے بَوتے ’
توں ہتھ پکڑن والا

یہ وقت کیا شے ہے اور کس جنس کا نام۔ ؟ سیانے کہتے ہیں کہ اس نے مادے کے ساتھ ہی جنم لیا۔ اب مادہ خبر نہیں کب سے ہے۔ سنتے ہیں کہ مادے کا ایک بہت بڑا گولا تھا، اتنا بڑا کہ یہ ”بہت بڑا“ کی اصطلاح اس کے لئے بہت چھوٹی ہے۔ یہ گولا بگ بینگ میں پھٹا اور پھر خلا میں اس کے کھرب ہا ذرات بکھر گئے۔ یہی ذرات سیارے، ستارے کہلائے اور انہی سے مل کر کہکشائیں بنیں، نظام ہائے شمسی بنے۔ زمین بھی اس عظیم الجثہ گولے کا ایک حقیر ذرہ ہے۔اسی مادے کی حالت میں آنے والی تبدیلیوں کو ماپنے کا جو غیر مادی آلہ ہے، اسے وقت کہتے ہیں۔ کچھ سیانے یہ بھی کہتے ہیں کہ وقت کوئی شے نہیں اور نہ یہ گزرتا ہے۔ سیارے، ستارے اپنے مدار میں گھومتے ہیں، سورج روز اپنا چکر مکمل کرتا ہے، تین سو پینسٹھ چکر پورے کر کے پھر اسی جگہ آجاتا ہے، اس سب میں کہاں ہے وقت؟ یہ تو گھن چکر ہے اور بس۔

قاری اور لکھنے والے کا رشتہ اور رابطہ بھی عجب ہے۔ اک دوجے سے دُور ہونے کے باوصف اِس میں ایک لمس ہے جو محسوسات کی ترسیل کرتا ہے۔ کسی مضمون کا خیال میں آنا، پھر اس کا لفظوں میں، فقروں میں ڈھلنا اور پھر قرطاس پر اتر آنا۔ اس کا کاتب یا کی بورڈ پر اُنگلیوں کی پوروں کی لطیف ضربات لگاتے کمپوزر کے ہاتھوں بارِدگر لکھا جانا اور پھر کاغذ پر چھپ کر اخبار، رسالے یا کتاب کی