کورونا خود اتنا نہیں پھیلا جتنا کہ میڈیا نے اس کو پوری دنیا میں پھیلا کر دہشت کی علامت بنا دیا ہے، کورونا کے شکار مریضوں میں زیادہ تعداد ضعیف افراد کی بتائی جارہی ہے اور اس وقت ایسا محسوس ہوتا ہے کہ دنیا میں صرف کورونا وائرس رہ گیا ہے جبکہ ملیریا، کینسر، ڈینگی، یرقان اور دیگر تمام امراض بھی کرونا کے خوف سے از خود لاک ڈاؤن کی پوزیشن میں چلے گئے ہیں۔ کورونا وائرس کا جس طرح

قانون پسندوں کے لئے لمحہ فکریہ یہ ہے کہ پاکستان میں جس نے بھی قانون کے مطابق زندگی گزارنے کی راہ تلاش کی اسے گمنام راہوں میں مار دیاگیا ہے۔ قانون کی عملداری کا سب سے زیادہ زعم صحافی برادری کو ہوتا ہے اور ریکارڈ گواہ ہے کہ اسی قانون کی موجودگی میں سینکڑوں صحافی تاریک راہوں میں مارے گئے اور اس سے زیادہ تعداد میں اپنے جسم کی ہڈیاں تڑوا بیٹھے لیکن ان کی حفاظت کے لئے بنائے ہوئے

تحریک انصاف والے ناراض ہوتے ہیں کہ ٹرانسپرنسی انٹرنیشنل نے بے بنیاد کرپشن رپورٹ کیوں جاری کی؟ جبکہ ہمارے گردوپیش کے حالات بتاتے ہیں کہ کرپشن کا طوفان مہنگائی کے طوفان میں ضم ہو کر ایک خوفناک شکل اختیار کر چکا ہے۔ عام طور پر کسی بھی شہر کی ضلعی انتظامیہ اور ترقیاتی ادارے مل کر شہر کو خوبصورت اور دیدہ زیب بناتے ہیں لیکن وفاقی دارالحکومت میں یہ دونوں معتبر ادارے شہر سے تقریبا بے پرواہ دکھائی دیتے ہیں۔

پاکستان میں طاقتور لوگوں کے احتساب کی بات ایسی ہی ہے جیسے خواجہ سرا بھی والدین بننا شروع ہوجائیں۔ وزیراعظم عمران خان کوئی موقع ہاتھ سے نہیں جانے دیتے جب وہ اس بات کا اعلان نہ کریں کہ چوروں کو نہیں چھوڑوں گا حالانکہ اپنی رضا مندی سے میاں نواز شریف اور میاں شہباز شریف لندن جا کر موجیں کررہے ہیں اور اب محترمہ مریم نواز بھی اپنا سامان باندھ چکی ہیں اور جلد ہی ان کی روانگی کی تمام

وزیراعظم عمران خان کے دورے حکومت میں اگرچہ عوام کی بدحالی میں اضافہ ہوا ہے لیکن اہم بات یہ بھی ہے کہ وزیراعظم آفس میں آنے والے تمام مہمانوں بشمول وفاقی وزراء کو بھی پوری خوراک نہیں مل پا رہی اسی وجہ سے کئی ایک وزیروں کی ”حالت غیر“ ہوتے دیکھی گئی اور شایداسی وجہ سے کچھ وزیروں نے حکومت کے خلاف ”غیروں“ جیسے بیانات بھی دیے۔ عینی شاہدین بتاتے ہیں کہ وزیراعظم آٖفس میں وفاقی کابینہ کا اجلاس ہو

وزیراعظم عمران خان نے انکشاف کیاہے کہ وہ جب سٹیج سے گرے تو شدید درد کے باعث ڈاکٹروں نے جو ٹیکا لگایا اس کے اثر سے نہ صرف درد رک گیا بلکہ نرسیں بھی حوریں نظر آنے لگیں۔ ہمارے وزیراعظم عمران خان ایک الگ تھلگ ہی شخصیت ہیں اور لوگ ان کی ہر بات کا نہ برا مانتے ہیں اور نہ ہی اسے غیر سنجیدہ سمجھتے ہیں حتیٰ کہ ان کی انتہائی غیر سنجیدہ باتیں بھی لوگ ”سنجیدہ“ ہی لیتے

پاکستان میں ہر کام بھٹیر چال کا شکار نظر آتا ہے۔ کچھ عرصہ پہلے گلی محلوں اور مارکیٹوں میں پبلک کال آفس کھولنے کا دھندہ عروج پر تھا چنانچہ بے روز گاروں نے ہر طرف مشرومز کی طرح واش رومز کی شکل میں پی سی او کھول لئے۔ حتیٰ کہ اس دور کے جنرل پرویز مشرف نے اپنے اختیارات کو مزید تقویت دینے اور وردی کو اپنی کھال قرار دینے کے لئے پارلیمنٹ سے اپنے لئے اپنا الگ ہی ”پی

ہمارے ہاں بوٹ اور ووٹ کی سیاست پر عرصہ دراز سے کشمکش جاری ہے حالانکہ اہل ووٹ اور ”اہل بوٹ“ دونوں کی منزل اقتدار ہی ہوتی ہے لیکن ستم یہ ہے کہ اہل ووٹ ”بوٹ“ سے سہولتیں ساری لیتے ہیں اور پھر برا بھلا بھی اسے ہی کہتے ہیں جبکہ اہل بوٹ کا کمال یہ ہے کہ وہ ریلیوں اور جلسوں میں ووٹ والوں کے عیبوں کا ذکر کرنے کی بجائے اچانک ایسی آفات کا بندوبست کر دیتے ہیں کہ

شگوفوں سے بھرپور محفل میں موجود بٹ صاحب نے جب دوسری بار اپنے ازار بند کی پوزیشن تبدیل کی تو اہل محفل جان گئے کہ بٹ صاحب کو یا تو بھوک لگی ہوئی ہے اور یا پھر گیس کے اخراج کا راستہ ہموار کیا جارہا ہے۔ بٹ صاحب نے تیسری بار ازار بند کو تکلیف دینے کی بجائے دونوں ہاتھوں کو زمین پر لگا کر اپنا بوجھ اٹھایا اور حسب ضرورت پھرتی دکھاتے ہوئے بیرونی دروازے کی طرف لپکے۔ دروازہ

قومی اسمبلی کے بعد سینیٹ نے بھی آرمی ایکٹ میں ترامیم عزت و احترام کے ساتھ منظور کر لی ہیں۔ پاک وطن میں کبھی کبھی ایسا ماحول بنتا ہے جب تمام سیاسی جماعتیں اور سیاسی خواہشات رکھنے والی قوتیں ایک ہی پیج پر ہوتی ہیں بلکہ ایسے مواقع پر متذکرہ ”پیج“ پر جگہ کم پڑجاتی ہے اور اضافی شیٹ لگاکر قومی اظہار رائے مکمل کیا جاتا ہے۔ آرمی ایکٹ میں ترامیم تحریک انصاف پر لازم تھیں مگر مسلم لیگ (ن)

پیپلزپارٹی کے جیالے ذوالفقارعلی بھٹو کی سالگرہ منا رہے ہیں۔ ذوالفقار علی بھٹو ہماری تاریخ کے ایسے دلیر اور مظلوم لیڈر ہیں جن کی سالگرہ بھی ان کے عدالتی قتل سے خون آلود نظر آتی ہے۔ غریب، مزدور اور کسان کو ذوالفقار علی بھٹو اس لئے یاد نہیں کرتے کہ وہ 5 جنوری کو پیدا ہوا تھا بلکہ انہیں اس لئے یاد کرتے ہیں کہ ان کے محبوب لیڈر کو ججوں نے امریکی دباؤ براستہ ضیاء الحق کے ذریعے مقتل

شاہ جی سے تعلق کو تقریباً سلور جوبلی ہوچکی ہے یہ تعلق اگر گولڈن جوبلی تک پہنچ گیا تو سمجھئے کمال ہی ہوگا۔ شاہ جی دسمبر کی ٹھنڈی ٹھار دوپہر میں طویل عرصے بعد خوش وخرم نظر آئے اور حیرت کی بات یہ ہے کہ دسمبر کی سردی کا مقابلہ کرنے کی بجائے انہوں نے سر کے بال اتنے چھوٹے کروائے ہوئے تھے کہ نائی سے رجوع کرنے میں کم از کم انہیں مارچ کے آخری ہفتے کا انتظار کرنا

محترمہ بے نظیر بھٹو کے سابق صدرجنرل پرویز مشرف سے تمام معاملات طے پا چکے تھے اور کونڈولیزا رائس نے امریکی ثالث کے طورپر دونوں کے درمیان پاور شیئرنگ فارمولا طے کیا تھا۔ محترمہ بے نظیر بھٹو 2007 کے امیدواروں کو ٹکٹ دینے کے لئے لندن میں نام فائنل کررہی تھیں کہ اسی دوران محترمہ ناہید خان نے ان کے کان میں سرگوشی کی اور محترمہ بے نظیر بھٹو اچانک اٹھ کر چلی گئیں۔ سب کو یہ تو علم تھا

پاکستان کی خصوصی عدالت نے پاکستان کی خصوصی قوت کے سرخٰیل جنرل (ر) پرویز مشرف کو سزائے موت سنا کر خصوصی طبقے کو بہت کچھ سوچنے پر مجبور کر دیا ہے۔ جنرل پرویز مشرف کو جن مخصوص حالات میں سزا سنائی گئی ہے اس سے خصوصی عدالت کے فاضل جج صاحبان سپریم کورٹ کے روبرو تو سرخرو قرار پائیں گے لیکن آئین اور قانون سے دلچسپی رکھنے والوں کو ایسی سزاؤں پر اس وقت ہی مطمئن کیا جا سکتا ہے

انگریز سرکار کے دور میں ٹھگوں اور اجرتی قاتلوں نے لوگوں کا جینا بھی حرام کر رکھا تھا اور حکومت کی بھی نیندیں اڑا رکھی تھیں۔ انگریز سرکار نے ایسے لوگوں کو ”غنڈہ“ کا نام دے کر ایک قانون منظور کیا اور ریاست کو متحرک کیا گیا لیکن یہ غنڈے توقابو میں نہ آسکے البتہ انگریز سرکار ہی وطن چھوڑنے پر مجبور ہوگئی۔ برصغیر کے ہر کونے میں ان غنڈوں نے اپنا نیٹ ورک مضبوط کیا اور قانون کی حکمرانی

پاکستان میں حکومتوں کے آنے سے زیادہ جانے کے چرچے ہوتے ہیں۔ الیکشن کے آخری سال میڈیا کی چال اور سیاستدانوں کی جماعت بدلتی حرکتیں بتا رہی ہوتی ہیں کہ ملک میں آئندہ حکمرانی کس کی ہوگی۔ یعنی صرف ایک سال ڈھنڈورا پیٹا جاتا ہے کہ کون سی پارٹی اور کس راستے سے اقتدار کی منازل طے کر رہی ہے اور پھر چار سال تک ہر طرف ایک ہی شور سنائی دیتا ہے کہ حکومت جارہی ہے حکومت جارہی ہے۔

ایک ہفتے میں ہونے والی وزیراعظم اور عسکری قیادت کی ملاقاتوں نے حکومت کے خلاف پراپیگنڈہ مہم کو کافی کمزور کردیا ہے۔ وزیراعظم کی ایک تقریر کے بعد تو ایسا طوفان برپا کردیاگیا تھا کہ ایسا محسوس ہونے لگا تھا کہ حکومت 2019 کا آخری مہینہ بھی پورا نہیں کرسکے گی۔ وزیراعظم کی پہلے ڈی جی آئی ایس آئی سے ملاقات اور پھر آرمی چیف سے ملاقات نے غیر یقینی صورتحال کو تقریباً ختم کردیا ہے۔ البتہ وزیراعظم عمران خان

وفاقی حکومت کے لئے پہلے دھرنا بڑا مسئلہ دکھائی دے رہا تھا لیکن اب میاں نواز شریف کی بیماری اور بیرون ملک رخصتی سب سے بڑا مسئلہ بنا ہوا ہے۔ گزشتہ ہفتے میاں نواز شریف کی رخصتی کا تقریباً فیصلہ ہوگیا تھا لیکن اس کے بعد اچانک رکاوٹیں کھڑی ہونا شروع ہوگئیں۔ وفاقی دارالحکومت میں موجود سیاسی حلقوں کا یہ بھی یہ خیال ہے کہ میاں نواز شریف کی بیرون ملک روانگی میں سب سے بڑی مشکل سلمان شہباز کی

مولانافضل الرحمن کے دھرنے کی کرامات ظاہر ہونا شروع ہوگئی ہیں۔ مولانا کی اب تک کی سرگرمیوں سے مقتدر قوتوں کا بڑا فائدہ یہ ہوا ہے کہ مولانا کی حمایت کرنے یا نہ کرنے کی ضد پر مسلم لیگ (ن) میں واضح دراڑ نظر آنے لگی ہے۔ میاں شہباز شریف نے مولانا کی حمایت کرنے پر پہلی بار اپنے بڑے بھائی کے فیصلے کو رد کرتے ہوئے اپنے چھپے ہوئے جذبات کا اظہار بھی کیا ہے۔ میاں شہباز شریف مسلسل

پاکستان میں پانچویں برانڈ کا سیاسی دھرنا ہونے جارہا ہے۔ تازہ ترین معلومات کے مطابق اس ”فیز“ میں ہوسکتا ہے یہ دھرنا محض سیاسی جلسہ ہو اور پھر مستقبل قریب میں اسے دھرنے کی شکل دی جائے۔ مولانا فضل الرحمن چوتھی دھرنے باز سیاسی قوت کے طور پر ابھر رہے ہیں اور ماضی قریب کے دو دھرنے بتاتے ہیں کہ طویل مدتی دھرنابہت مشکل ہے بلکہ دو سال پہلے طویل مدتی دھرنے پر کروڑوں روپے خرچ ہوتے تھے۔ چونکہ ڈالر

وزیراعظم عمران خان دورہ امریکہ میں بھرپور ملک و قوم کی نمائندگی کررہے ہیں، وزیراعظم کے بیانات نے پوری دنیا کی توجہ کھینچ رکھی ہے۔ وزیراعظم کے بیانات سے ان کے چاہنے والے خوشی سے جھوم رہے ہیں اور ان سے بغض و حسد رکھنے والے درد والم سے بے حال دکھائی دیتے ہیں۔ وزیراعظم کے جرات اظہار نے امریکہ، یورپ سمیت بھارت اور پاکستان میں ایک جیسی مقبولیت حاصل کررکھی ہے۔ ذوالفقارعلی بھٹو کے بعد عمران ایسے وزیراعظم ہیں

علامہ طاہر القادری پر تمام اعتراضات اور الزامات کے باوجود یہ حقیقت ہے کہ وہ پاکستانی سیاست کے سب سے بڑے ”انٹرٹینر“ تھے۔ وفاقی دارالحکومت میں رہنے والے برگر گروپوں کو علامہ طاہر القادری نے دوبار اپنے دھرنوں کے ذریعے زبردست تفریح فراہم کی۔ پنجاب اور سندھ کے دیہی علاقوں میں علاقائی میلے ایسی تفریح فراہم کرنے کا ذریعہ ہیں۔ پنجاب میں خاص طور پر ان میلوں کے انعقاد پر لوک فنکار لوگوں کو اپنی طرف کھینچ لیتے ہیں۔ ان

وفاقی دارالحکومت میں قائم شاہراہ دستور ہمیشہ غیر دستوری اور دستوری رویوں سے سجی دکھائی دیتی ہے۔ شاہراہ دستور کو ایک اعزاز یہ بھی حاصل ہے کہ اس پر حکومت بے شک جنرل پرویز مشرف کی رہی ہو لیکن اس کا نام شاہراہ دستور ہی رہا ہے یعنی کسی غیر دستوری حکمران نے بھی اس شاہراہ کو غیر دستوری شاہراہ کہہ کر نہیں پکارا۔ اس بے چاری اور لاچار شاہراہ دستور کا ایک المیہ یہ بھی ہے کہ اس پر

پاکستانی سیاست کا ہمیشہ سے یہ طرہْ امتیاز رہا ہے کہ کوئی اچانک ”صاحب فیض“ ہو جاتا ہے اور کچھ لوگ دیکھتے ہی دیکھتے ”بے فیض“ دکھائی دینے لگتے ہیں۔ میاں نواز شریف کے خاندان والوں کے ساتھ فیض اور بے فیض کا کھیل تقریباً 35 سال سے جاری ہے۔ شریف فیملی کو جس جگہ سے فیض حاصل ہوا تھا وہیں سے ان کی ”بے فیضی“ شروع ہوئی ہے۔ یہ محض اتفاق ہے یا اسلام آباد جیسا شہر بسانے والوں

کشمیر میں خون کی ہولی کو 27 دن گزر چکے ہیں۔ 73 سال سے ظلم و جبر سے ٹکرانے والے کشمیری اب آزادی کی شمع پر بھنوروں کی طرح قربان ہوئے چلے جاتے ہیں۔ کشمیر پاکستان کی شہ رگ ہے مگر پاکستان کا باقی دھڑا اتنا مضبوط نہیں ہے کہ ایک خونخوار بھیڑیئے کے منہ سے اپنی شہ رگ کو ایک ہی وار سے چھڑا سکے۔ اس شہ رگ کی آزادی کے لئے پاکستان بھی 73 سال سے حالت جنگ

سینٹ میں اپوزیشن کی تحریک عدم ا عتماد نے سیاسی طاقت کے تمام راز افشاء کردیئے ہیں۔ اپوزیشن تحریک عدم اعتماد کی کامیابی کے لئے پرامید تھی اور اس کامیابی کو یقینی بنانے کے لئے اپنے 64 ووٹرز کو کھڑ ے کرکے ان کے سر بھی گنیں گئے لیکن جب خفیہ رائے شماری کا وقت آیا تو 14 سر غائب پائے گئے۔ اپوزیشن کے لئے گزشتہ ایک سال سے صدمات اور مسائل کا سیلاب آیا ہوا ہے۔ متحدہ اپوزیشن ٹکراتی

وزیر اعظم عمران خان کی حالت اس وقت ایسے عقاب جیسی ہے جو حقیقی معنوں میں تندئی بادِ مخالف میں محو پرواز ہے۔ وزیراعظم عمران خان کے دورہ امریکہ نے ایک طرف نئی روایات کو جنم دیا ہے اور دوسری طرف امریکہ میں موجود پی ٹی آئی کے عہدیداروں کو بھی دست و گریبان کردیا ہے۔ واشنگٹن کے کیپیٹل ون ایرینا میں ہونے والا جلسہ جو کہ امریکی سیاسی تاریخ کا بھی بڑا جلسہ شمار کیا جارہا ہے جو پی

واشنگٹن ڈی سی میں مقیم پاکستانی وزیر اعظم عمران خان کی آمد پر بہت پرجوش ہیں اور یہ اس جوش کا کمال ہے کہ واشنگٹن ڈی سی کے کیپیٹل ایرینا کو پاکستانیوں نے تاریخ میں پہلی بار کھچا کھچ بھر دیا۔ واشنگٹن کے لوگ عمران خان کو پاکستان کے لئے آخری امید سمجھتے ہیں اور ان کا یہ بھی خیال ہے کہ عمران خان کا ٹیکس وصولیوں کا نظریہ بہت زبردست ہے چونکہ یہاں کے تمام پاکستانی ایک ایسے نظام

مسلم لیگ پنجاب کے صدر رانا ثناء اللہ منشیات فروشی کے الزام میں زیر حراست ہیں۔ سرکار کی طرف سے بتایا جا رہا ہے کہ رانا ثناء اللہ کے پورے نیٹ ورک کو جلد ہی عوام کے سامنے لایا جائے گا۔ رانا ثناء اللہ سے پہلے راولپنڈی سے تعلق رکھنے والے حنیف عباسی ایفیڈرین کیس میں جیل بھگت رہے تھے پھر اچانک ان کی ضمانت منظور ہو گئی اور وہ آج کل مسلم لیگ (ن) کا بیانیہ دہرانے کی بجائے اللہ اللہ کرنے میں مصروف ہیں۔ ویسے بھی جو مقدمہ ان کے خلاف درج تھا اور پھر عدالت نے جو سزا سنائی اس کے بعد انہیں اللہ یاد آنا ہی تھا۔

حکومت کی طرف سے ”سلیکٹڈ“ پر جو ردعمل دکھایا گیا ہے اس سے اپوزیشن کو کافی سیاسی آکسیجن ملی ہے۔ وزیراعظم عمران خان اور ان کے ساتھی بذات خود جب قومی دولت لوٹنے کے جرم میں میاں نواز شریف کو ڈاکو کہہ کر پکارتے تھے تو مسلم لیگ (ن) کے تمام رہنماؤں کے ماتھوں پر شکنیں واضح دکھائی دیتی تھیں لیکن میاں نواز شریف ایوان میں بھرپور اکثریت ہونے کے باوجود ایسی کوئی ترمیم پارلیمنٹ میں نہ لے کر آئے کہ منتخب وزیراعظم کو ڈاکواور چور کہہ کر نہیں پکارا جاسکتا۔ اسی طرح وزیراعظم عمران خان اور ان کے دوست میاں نواز شریف کے خاندان کو ”ٹبرچور“ کہہ کر پکارا کرتے تھے لیکن میاں نواز شریف نے اس پر کوئی آرڈینس جاری نہیں کیا تھا کہ منتخب وزیراعظم کو ”ٹبر سمیت چور اور ڈاکو“ کہنے پر قابل دست اندازی جرم تصور کیا جائے گا۔

وزیراعظم عمران خان نے پاکستان کی سیاسی تاریخ میں ایک اور سنگ میل عبور کرلیا ہے۔ وزیراعظم نے قوم سے خطاب کیا جو منگل اور بدھ کی تاریخوں میں سنا گیا۔ وزیراعظم نے منگل کی رات تقریباً 11 بج کر اڑتالیس منٹ پر خطاب شروع کیا جو کہ بدھ کی صبح ساڑھے بارہ بجے تک جاری رہا۔ اس طرح رات گئے قوم سے خطاب اور دو تاریخوں پر مشتمل خطاب کو ایک ریکارڈ ہی کہا جاسکتا ہے۔

وزیراعظم نے اس سے پہلے اپنے لانگ مارچ کے آغاز میں علی الصبح اسلام آباد پہنچ کر نماز فجر کے وقت خطاب کیا تھا۔ کسی بھی سیاسی رہنما کا یہ بھی انوکھا اور بے وقت خطاب تھا۔ وزیراعظم عمران خان کے حوالے سے یہ بات مشہور ہے کہ وہ نہ تو شادی کے لئے مناسب وقت دیکھتے ہیں اور نہ ہی علیحدگی کے اثرات کا فکر کرتے ہیں۔ ان کے دل میں جو آجائے وہی کر گزرتے ہیں وزیراعظم کی یہی سوچ سیاسی اقدامات میں بھی بالکل واضح ہے کیونکہ وزیراعظم نے جو دو تاریخوں پر مشتمل خطاب گزشتہ روز کیا اگر وہ اس خطاب کی نوک پلک درست کروا کر منگل کی دوپہر نشر کرواتے تو اسے

چیئرمین نیب جسٹس ریٹائرڈ جاوید اقبال کے ”کالمی انٹرویو“ کے بعد جو گردوغبار اٹھا تھا اس کی دھول ابھی بیٹھنے نہیں پائی تھی کہ ان کے خلاف ایک آڈیو ٹیپ اور ویڈیو ٹیپ منظر عام پر آگئی اور اب ”کالمی انٹرویو“ اور متنازعہ ویڈیو اور آڈیو نے ملک بھر میں طوفان برپا کررکھا ہے۔ جسٹس جاوید اقبال کا تعلق جس خاتون سے جوڑا جارہا ہے اس کا شوہر کوٹ لکھپت جیل میں قید ہے اس خاتون نے بڑی مہارت سے چیئرمین نیب کو اپنے جال میں پھنسایا اور پھر یہ ویڈیو اور آڈیو ٹیپ لے کر وہ ایک ایسے ٹی وی چینل میں پہنچی جس کا مالک طاہر اے خان وزیراعظم کا معاون خصوصی تھا۔

شعبہ صحافت میں سیاستدان اور اہم عہدیدارہمیشہ رسمی اور غیر رسمی گفتگو کا سہارا لے کر اپنا پیغام عوام تک پہنچاتے ہیں۔ حالانکہ اس رسمی اور غیر رسمی گفتگو میں کوئی زیادہ فرق نہیں ہوتا۔ دونوں طرز کا کلام اہم سیاستدان اچانک ہی کرتے ہیں، مثال کے طور پر پارلیمنٹ سے نکلتے ہی کوئی اہم سیاستدان یا کوئی وزیر، مشیر صحافیوں کے ہتھے چڑھ جائے تو یہ گفتگو رسمی بھی قرار دے دی جاتی ہے اور اسے غیر رسمی بھی

چیئرمین نیب جسٹس ریٹائرڈ جاوید اقبال کے ”کالمی انٹرویو“ کے بعد جو گردوغبار اٹھا تھا اس کی دھول ابھی بیٹھنے نہیں پائی تھی کہ ان کے خلاف ایک آڈیو ٹیپ اور ویڈیو ٹیپ منظر عام پر آگئی اور اب ”کالمی انٹرویو“ اور متنازعہ ویڈیو اور آڈیو نے ملک بھر میں طوفان برپا کررکھا ہے۔ جسٹس جاوید اقبال کا تعلق جس خاتون سے جوڑا جارہا ہے اس کا شوہر کوٹ لکھپت جیل میں قید ہے اس خاتون نے بڑی مہارت سے چیئرمین نیب کو اپنے جال میں پھنسایا اور پھر یہ ویڈیو اور آڈیو ٹیپ لے کر وہ ایک ایسے ٹی وی چینل میں پہنچی جس کا مالک طاہر اے خان وزیراعظم کا معاون خصوصی تھا۔

پاکستانی روپے کی بے قدری نے عوام کو بدترین بے قدری کا شکار کردیا ہے۔ پاکستان تحریک انصاف کی حکومت کے نو ماہ میں صرف مہنگائی کے بھوت نے جنم لیا ہے۔ جب پی ٹی آئی کی حکومت نے اقتدار سنبھالا تھا تو ڈالر کی قیمت 124 روپے تھی اور اب 150 ہوچکی ہے اور ابھی یہ کتنی اور بڑھے گی اور روپے کو استحکام حاصل ہوگا یا نہیں اس بارے میں کسی کو کچھ علم نہیں ہے۔ پاکستان کے

کہا جاتا تھا کہ حکمران سیاہ و سفید کے مالک ہوتے ہیں اس سے مراد یہ لیا جاتا تھا کہ حکمرانوں کی رعایا میں سفید چمڑی والے بھی ہوتے ہیں اور سیاہ فام بھی سانس لے رہے ہوتے ہیں حکمرانوں کا حکم دونوں پر چلتا ہے البتہ کسی سلطنت میں سفید فام حکمرانوں کے چہیتے سمجھے جاتے ہیں اور کالوں کو آزادی کی تحریک چلانا پڑتی ہے اور کہیں پر کالے سلطنت میں قابل احترام ہوتے ہیں اور سفید چمڑی والوں کو نفرت کی نگاہ سے دیکھا جاتا ہے برصغیر میں کم وپیش سو سال تک کالے اور نیم کالے سفیدی رنگ والوں سے نفرت کرتے رہے اور اس عظیم مقصد کے لئے کوئی ملنگی بن گیا اور کوئی دُلا بھٹی ہوگیا۔

جماعت اسلامی کے دوسری بار منتخب ہونے والے امیر مولانا سراج الحق اپنی سابقہ اتحادی جماعت تحریک انصاف کی کارکردگی سے بہت مایوس دکھائی دیتے ہیں اور کمال یہ ہے کہ اسی مایوسی میں ان کی امید کی کرن یہ ہے کہ اب عوام کی امیدوں کا مرکز جماعت اسلامی ہوگی۔ خوش اخلاق اور خوش گفتار مولانا سراج الحق کا دعویٰ ہے کہ ملک کو جو چیلنج درپیش ہیں انہیں صرف جماعت اسلامی ہی حل کرسکتی ہے کیونکہ پیپلز پارٹی اور مسلم لیگ (ن) پہلے ہی عوام کو ریلیف دینے میں ناکام رہے ہیں اور اب پی ٹی آئی کی نو ماہی حکومت بھی مکمل طور پر ناکام دکھائی دیتی ہے۔

پاکستان میں آئین کی رو سے اس وقت عوام کی حکومت ہے۔ جمہوریت پارلیمانی ہو یا پھر صدارتی شکل میں ہو لیکن اس کا مرکزی کردار عوام ہی ہوتے ہیں اور جمہوریت کے ذریعے عوامی حقوق کے تحفظ کی ضمانت دی جاتی ہے اور بظاہر جمہوریت کا تصور ایک فلاحی ریاست کے تصور کو اجاگر کرتا ہے۔ وزیر اعظم عمران خان کی حکومت اس لئے سابقہ حکومتوں سے زیادہ مختلف ہے کہ انہوں نے اقتدار میں آنے سے پہلے دیگر جماعتوں کی نسبت زیادہ بلند وبانگ دعوے کیے۔ سابقہ حکومتیں صرف فلاحی ریاست اور عوام کی فلاح کے دعوؤوں تک محدود رہیں لیکن پی ٹی آئی نے بڑی چھلانگ لگاتے ہوئے ریاست مدینہ کے نقش قدم پر چلنے کا اعلان سینکڑوں بار کیا اور فلاحی ریاست کا نعرہ بھی اسی شدت سے سنایا گیا۔

نیب نے پنجاب میں اپوزیشن لیڈر حمزہ شہباز کو منی لانڈرنگ سے متعلق طلب کیا مگر وہ پیش نہیں ہوئے جس پر ان کی گرفتاری کے وارنٹ نکالے گئے لیکن جمعہ کو حمزہ شہباز شریف کو گرفتار کرنے کے لئے جانے والی نیب اہلکاروں کی ٹیم کو نہ صرف منہ کی کھانا پڑی بلکہ کئی ایک کو منہ پر بھی کھانا پڑی اور نیب کے اہلکار ملزم کو گرفتار کرنے کی بجائے بے آبرو ہوکر واپس لوٹ گئے۔

ہفتہ کی صبح نیب کی ٹیم نے حمزہ شہباز شریف کی گرفتاری کا معرکہ سر کرنے کی دوبارہ صف بندی اور ان کی رہائش گاہ پر گئے لیکن اس بار جمعتہ المبارک سے بھی زیادہ ری ایکشن دیکھنے کو ملا اور اس بار بھی نیب کے اہلکاروں کو شدید بدتمیزی کا سامنا کرنا پڑا۔ نیب کے اہلکاروں نے گھر کے اندر کودنے کے لئے سیڑھی تو منگوائی لیکن اندر کودنے کی بجائے واپس باہر ہی اتر آئے۔ اس دوران حمزہ شہباز شریف کے گھر کے باہر کارکنوں اور پولیس اہلکاروں کے درمیان کشمکش اور ہاتھا پائی کے مناظر چلتے رہے۔

مسلمانوں کی فطرت میں ہے کہ ہر وقت حالت جنگ کو پسند کرتے ہیں، مسلمان جنگجو سپہ سالاروں نے جب تک خود کو گھوڑوں کی پیٹھ پر سوار رکھا ہر میدان فتح کرتے گئے لیکن پھر مخالفین نے ایسا بندوبست کردیا کہ مسلمان ایک دوسرے کے خلاف سینہ سپر ہو گئے۔ ابھی حال ہی میں بھارت سرکار نے پاکستان پر چڑھائی کا منصوبہ بنایا تو پاکستان کی ساری جماعتیں اختلافات بھول کر متحد ہو گئیں اور پورے ملک میں جنگ کے لئے جشن کاسماں دیکھا گیا۔دشمن نے اسلامی ملک کے جوش وخروش اور پاکستانیوں کی شہادتوں کی آرزوکی شدت دیکھتے ہوئے قدم پیچھے ہٹا لئے اور اب بھارت اور پاکستان کے جنگی معاملات تقریباً پہلے والی پوزیشن پر آچکے ہیں اور پہلے ہی کی طرح سرحدوں پر بلا اشتعال فائرنگ بھی جاری ہے۔ البتہ بھارت کے ساتھ امن کے معاملات طے ہوتے ہی ملکی سیاست میں گھمسان کا رن پڑ چکا ہے۔ سب سے زیادہ شدید لڑائی اس وقت تحریک انصاف کے محاذ پر ہورہی ہے۔ تحریک انصاف باقاعدہ طور پر دو دھڑوں میں تقسیم ہو کر ایک دوسرے کے خلاف گوریلا جنگ کاآغاز کرچکی ہے۔

 پاکستان میں اگر چہ کرپشن کے خلاف مہم جاری ہے لیکن حقیقت یہ ہے کہ کرپشن اس مہم سے زیادہ شدت کے ساتھ جاری ہے۔ سابق صدر جنرل پرویز مشرف نے اپنے دور حکومت میں اختیارات کی نچلی سطح تک منتقلی کا جو تصور دیا تھا، اس کے مطابق اختیارات تو نچلی سطح تک منتقل نہیں ہوسکے البتہ کرپشن کا زہر سر سے پاؤں تک سرائیت کیا ہوا واضح نظر آتا ہے۔

وفاقی دارالحکومت کے چڑیا گھر نے بھی اس سلسلے کو کافی آگے بڑھایا ہے۔ گزشتہ روز وزارت موسمیات کی وفاقی وزیر زرتاج گل نے ایک کمیٹی کی صدارت کرتے ہوئے انکشاف کیا ہے کہ چڑیا گھر کے شیر کو دوکلو شیور مرغی کا گوشت کھلا کر ٹرخادیا جاتا ہے اور شیر کے لئے آنے والا آٹھ کلو گوشت چڑیا گھر کے ملازمین اپنے گھروں کو لے جاتے ہیں۔ محترمہ زرتاج گل کا یہ انکشاف سن کر کچھ دیر کے لئے مجھے ایسے ایسے محسوس ہوا جیسے چڑیا گھر کے شیر کو مسلم لیگ (ن) کا انتخابی نشان ہونے کی سزا دی جارہی ہے۔

حکومت نے ایک بار پھر نیب پر چڑھائی کی ہے اور کہا ہے کہ نیب کی کارکردگی قابل اطمینان نہیں ہے۔ حکومت نیب کے کام پر عدم اطمینان کا اظہار کرتی ہے جبکہ نیب کے چیئرمین اور افسران کا کہنا ہے کہ نیب اتنا کام کر رہا ہے کہ اس کو ”اطمینان“ نصیب ہی نہیں ہوتا۔ دونوں طرف ”عدم اطمینان“ کی کیفیت ہے۔ لہٰذا نیب اور حکومت دونوں کو مل بیٹھ کر ایسی راہیں تلاش کرنی چاہئیں جو ”اطمینان بخش“ ہوں وگرنہ دونوں بے چینی کا شکار ہو کر مشکلات میں گھر سکتے ہیں۔

میاں نواز شریف پاکستان کے تین بار وزیراعظم رہ چکے ہیں۔ آج کل وہ بیمار ہیں اور ان کے چاہنے والے پاکستان کے ہسپتالوں میں ان کا علاج موت کو دعوت دینے کے مترادف قرار دے رہے ہیں۔ میاں نواز شریف جب وزیراعظم تھے تو اس وقت بھی علاج وہ بیرون ملک ہی کراتے تھے۔ محترمہ کلثوم نواز کا علاج بھی بیرون ملک ہی ہوا اور اس کے علاوہ پنجاب کے کئی بار وزیراعلیٰ رہنے والے میاں شہبازشریف علاج معالجے

سگریٹ پر گناہ ٹیکس عائد کرنے کے بعد حکومت کو چند اقدامات اور بھی کرنا چاہئیں۔ ان اقدامات سے ملکی معیشت کو بھرپور فائدہ ہوسکتا ہے۔ مثال کے طور پر اسلام آباد سمیت ملک کے تمام بڑے اور قدرے چھوٹے شہروں میں عصمت فروشی کے اڈے پولیس کی زیر نگرانی چل رہے ہیں۔ عصمت فروشی کے تمام اڈے درحقیقت پولیس سرکار کو ”گناہ ٹیکس“ ادا کرکے اپنا دھندہ کرتے ہیں۔ بڑی سرکار اگر ایف بی آر کو اس سلسلے میں متحرک کرے تو پولیس کے منہ سے ”ٹیکس نوالہ“ چھین کر قومی خزانہ میں لایا جاسکتا ہے۔ اس کا دوسرا حل یہ بھی ہوسکتا ہے کہ جس تھانے کی حدود میں جتنے عصمت فروشی کے اڈے چل رہے ہیں اس حساب سے متعلقہ تھانے کے ایس ایچ او سے ”گناہ ٹیکس“ وصول کرلیا جائے۔

سانحہ ساہیوال میں کی گئی اب تک کی تحقیقات نے ثابت کر دیا ہے کہ جو لوگ قانون پر اعتماد کرتے ہیں کہ وہی ان کو تحفظ دے گا یہی لوگ چوکوں اور چوراہوں میں بے دردی سے مار دیے جاتے ہیں اور جو لوگ قانون سے ماوراء ہو کر جینے کا گر سیکھ جاتے ہیں یہی لوگ معاشرے میں ”عزت دار“ اور معتبر قرار پاتے ہیں۔

سانحہ ساہیوال کی تحقیقات کے لئے بنائی گئی کمیٹی نے اپنی تحقیق کا آغاز جائے وقوعہ پر سیلفیاں لے کر کیا تھا اور اب ”سیلف ڈیفنس“ پر کھڑے دکھائی دیتے ہیں۔ سانحہ ساہیوال کے متاثرین اب بھی قانون کی طاقت پر اعتماد کرتے ہوئے جینے کی آرزو لئے بیٹھے ہیں اور انہیں یقین ہے کہ قانون کے رکھوالے انہیں لاہور سے اسلام آباد تک کا سفر انصاف کی آسان فراہمی کے لئے کروا رہے ہیں۔

وزیر اعظم عمران خان اقتدار حاصل کرنے کی جدوجہد کے بعد اقتدار بچانے کی جدوجہد میں مصروف ہیں۔ وزیر اعظم عمران خان 22 سالہ اپوزیشن کی ریاضت کے بعد معمولی اکثریت کے ساتھ حکومت بنانے میں کامیاب ہوئے ہیں۔ حکومت کی بدقسمتی یہ ہے کہ اکثریت معمولی ہے اور ذمہ داری اس سے کہیں زیادہ غیر معمولی ہے۔ عمران خان کو اقتدار میں آتے ہی ملک کو دیوالیہ پن سے بچانے کا چیلنج درپیش تھا۔ عمران خان ملک کو دیوالیہ

محترمہ بے نظیر بھٹو کی گیارہویں برسی ہے اور ایسا معلوم ہوتا ہے کہ پاکستان پیپلز پارٹی کی بھی یہ گیارہویں برسی ہے۔ اکتوبر 2007 ء میں واپسی سے پہلے محترمہ بے نظیر بھٹو پاکستان کے حوالے سے بہت پرجوش تھیں اور انہیں یقین تھا کہ وہ اس بار پاکستان کے عوام کے لئے بہت کچھ کر گزریں گی۔ خود ساختہ جلا وطنی نے انہیں ایک بہترین اور بہترین سیاستدان بننے میں کافی مدد دی تھی۔ محترمہ بے نظیر بھٹو کو اس جلا وطنی کے دوران ہی یہ احساس ہوا تھا کہ آصف علی زرداری کی پارٹی امور میں مداخلت پارٹی کے لئے نقصان دہ ہے اور اس کا انہوں ے برملا اظہار بھی کیا تھا۔

18 اکتوبر 2007 ء کو وطن واپسی کے بعد محترمہ بے نظیر بھٹو صرف سیاست کرنے اور عوام کا معیار زندگی بلند کرنے کے خواب دیکھ رہی تھیں کیونکہ اب وہ اس پریشانی سے بھی آزاد ہوگئی تھیں کہ بچے شیر خوار ہیں لہذا محترمہ بے نظیر بھٹو نے امریکی انتظامیہ کے پاکستان میں سیاسی اثرورسوخ کا بھرپور فائدہ اٹھایا اورکنڈولیزا رائس کے ذریعے جنرل پرویز مشرف کے ساتھ این آر او کرنے میں کامیاب ہوگئیں۔

جمہوریت بہترین انتقام ہے یہ تھیوری پیپلزپارٹی نے محترمہ بے نظیر بھٹو کی شہادت کے بعد عوام کو ٹھنڈا کرنے کے لئے دی تھی۔ پیپلزپارٹی نے عملی طور پر اس اصول اور نظریہ سے بھرپور استفادہ کیا اور ایف آئی اے نے منی لانڈرنگ بارے جو ثبوت اور شہادتیں اکٹھی کی ہیں اس سے معلوم ہوتا ہے کہ آصف علی زرداری اور ان کے ساتھیوں نے جمہوریت کے ذریعے عوام سے بھرپور انتقام لیا۔

آصف علی زرداری کے اس کامیاب ”جمہوری انتقام“ کے اصول کو مسلم لیگ (ن) نے بھی بہت اچھے طریقے سے استعمال کیا اور مسلم لیگ (ن) کے جمہوری دور میں آصف علی زرداری کے خلاف کئی مقدمات بنائے گئے جنہیں آج آصف علی زرداری بھگت رہے ہیں۔ جمہوریت بہترین انتقام کا اصول اب ہماری اسٹیبلشمنٹ نے بھی پوری طرح اختیار کرلیا ہے۔ مسلم لیگ (ن) پانامہ پیپرز کے پیچھے بھی اسٹیبلشمنٹ کا ہاتھ قرار دیتی رہی ہے اور پھر سپریم کورٹ سے نا اہلی کے فیصلے کو بھی اسٹیبلشمنٹ کا ہی کاری وار قرار دے چکی ہے۔

وفاقی وزیر ریلوے شیخ رشید احمد پیش گوئی سیاست کے ماہر سمجھے جاتے ہیں اور اب انہوں نے انکشاف کیا ہے کہ میاں شہباز شریف نے پبلک اکاؤنٹس کمیٹی کاچیئرمین بن کر گوٹی فٹ کرلی ہے۔ شیخ رشید احمدنے ساتھ ہی اسمبلی کی ”اوقات“ پر بھی ماتم کیا ہے کہ اب ہم نے دودھ کی رکھوالی کے لئے بلا بیٹھا دیا ہے جو اپنے پروڈکشن آرڈر بھی جاری کرسکے گا اور ساتھ ساتھ دوسرے لوگوں کو اپنے دربار میں طلب بھی کرنے کا مجاز ہو گا۔ ایک ایسا شخص جو سب سے بڑا چور ہے اسے معتبر عہدے پر بیٹھا دیا گیا ہے۔ میاں شہباز شریف کے چیئرمین پبلک اکاؤنٹس ٍکمیٹی بننے سے پی ٹی آئی کی حکومت کی بے بسی سامنے آگئی ہے۔ یہی عہدہ اگر پیپلزپارٹی حاصل کرتی تو مسلم لیگ (ن) آسمان سر پر اٹھا لیتی کہ عمران اور زرداری کا گٹھ جوڑ ہے۔

 وزیراعظم عمران خان ملکی معیشت کی بہتری کے لئے ملکی اور غیر ملکی سطح پر بیک وقت سر توڑ کوششیں کر رہے ہیں۔ ان کی یہ کوششیں کیارنگ لائیں گی اس کا فیصلہ وقت ہی کرے گا۔ وزیراعظم عمران خان نے لوگوں کا معیار زندگی بلند کرنے کے لئے لائیو سٹاک شعبہ میں مؤثر اقدامات کرنے کی ہدایات جاری کی ہیں۔ اس میں کوئی شک نہیں کہ پاکستان میں چار بڑی فصلوں کے ساتھ ساتھ دودھ کی پیداوار سے بھی لوگوں کو بڑا ریلیف ملتا ہے۔

لائیو سٹاک شعبہ کی بہتری اور پالتو جانوروں کی افزائش کے لئے جدید طریقوں پر عبور رکھنے والے سابق رجسٹرار ویٹنری میڈیکل کونسل ڈاکٹر علمدار حسین نے اس بارے میں چونکا دینے والے انکشافات کیے ہیں۔ ڈاکٹر علمدار حسین کا کہنا ہے کہ اس وقت پاکستان میں کروڑوں بھینسیں، گائیں، بکریاں اور بھیڑیں منہ کھر کی بیماری کا شکار ہیں۔ لیکن اس مرض کا علاج کرنے والے ادارے اور لیبارٹیریاں تقریباً عضو معطل ہوچکے ہیں، اس لئے اس مرض کی رفتار میں اضافہ ہوچکا ہے اور ایک طرح سے منہ کھر کی بیماری لائیو سٹاک شعبہ کو دیمک کی طرح چاٹ رہی ہے۔