جب بھی خواتین کی آزادی کی بات کی جاتی ہے تو ایک گھٹن زدہ سماج میں اس سے مراد یہی لی جاتی ہے کہ گویا یہ کوئی ایسی آزادی ہے جو سماج کی بنیادیں ہلا دے گی۔ کیونکہ جس معاشرے میں عورت کو برابر کا انسان نہ سمجھا جائے اس کو اک فرد کی حیثیت میں قبول کرنا ہی بہت بڑا مسئلہ ہے۔ ایک ایسی سوسائٹی جہاں عورت ایک جنس سے زیادہ کچھ نہیں، جس کا یہ خیال ہو کہ

انسان ایک ایسا سماجی حیوان ہے جو چاہ کے بھی مکمل طور پہ تنہا نہیں رہ سکتا۔ سماج سے جڑ کے رہنا ایک جبلی مجبوری ہے۔ آغاز پیدائش سے ہوتا ہے جب بچہ خاندان سے جڑا ہوتا ہے پھر سکول اور باہر کے معاشرتی اداروں سے جڑتا ہے۔ بچے کو شروع کی تربیت والدین سے ملتی ہے کہ کیسے لوگوں میں اٹھنا بیٹھنا ہے۔ تعلق کیسے بنانے ہیں دوستی کیا ہے۔ ہم جماعت کیا ہوتے ہیں پھر سکول کا ادارہ

میرے پیارے! لوگ کہتے ہیں وبا نفسا نفسی کا عالم پیداکر دیتی ہے۔ ہر انسان کو بس اپنی جان کی فکر ہوتی ہے کہ کسی طرح سے وہ خود بچ نکلے۔ لیکن میرے ساتھ عجیب ہوا مجھے تم شدت سے یاد آ نے لگے ہو۔ تمہارے ساتھ میری یادیں ہی کتنی ہیں نہ ہونے کے برابر۔ لیکن پھر بھی مجھے تمہارے متعلق ہر تفصیل ازبر ہے۔ مجھے تو ہر اس انسان سے انسیت محسوس ہوتی ہے جس نے تم سے

مجھے یاد ہے ہمارے بچپن میں ماں دن رات مصروف رہتی تھیں۔ صبح سے لے کر رات گئے تک لگاتار مصروف۔ ہمیں سکول بھیجنا ایک ایک چیزکا خیال رکھنا۔ سر کے بال بنانے سے جوتے کے تسمے باندھنے تک سب کام خود کرتیں۔ مجھے آٹھویں کلاس تک تسمے باندھنا نہیں آتے تھے سکول میں تسمہ کھل جاتا تو میں ملنگ بنی یوں ہی گھومتی رہتی۔ نہ بال بنانا آتا تھا۔ آٹھویں کلاس میں میری دوست اور کلاس فیلو نے مجھے

مارچ کا مہینہ شروع ہو گیا ہے عورت مارچ کا چرچا ہے۔ ایک طرف وہ ہیں جو کہہ رہے ہیں کہ یہ بلاتفریق صنف برابری کا سوال ہے تو دوسری جانب وہ ہیں جو ایڑی چوٹی کا زور لگا رہے ہیں کہ ایسی کم عقل مخلوق کو انسان کہنا ہی غلط ہے۔ تو کیسی برابری اور کہاں کے حقوق۔ ایسے میں ایک جماعت چند نعرے لے کے اٹھی ہے۔ ”مرد عورتوں کے محافظ ہیں۔ “ سوال یہ ہے کہ کون

عورت آزادی مار چ ایک مانگ ہے بلا تفریق صنف کے برابری کی، برابری اس سماج میں، برابری تعلیم میں، برابری کھیل میں، برابری اس معاشرے میں بے فکری سے رہنے میں، برابری صحت و تعلیم کی سہولیات میں، برابری ملازمت میں، سیاست کے میدان میں، ہر شعبہ میں جہاں عورت کا ایک بائے نان کوٹہ مقرر ہوتا ہے، برابری گھر میں کہ ہر گھریلو کام صرف اس کی ذمہ داری نہیں ہے، برابری تنخواہ اور سہولیات میں۔ برابری ہر

کہتے ہیں عورت محبت سے گندھی، محبت اس کی گھٹی میں ہے۔ وہ جذبات سے رچی ہے، نرمی، پیار، محبت جیسے الفاظ عورت سے منسوب ہیں۔ لیکن کتنی عجیب بات ہے کہ وہی عورت نہ تو کھل کے محبت کر سکتی ہے نہ معاشرہ اس بات کی اجازت دیتاہے کہ عورت کھل کے کہہ سکے کہ اسے مرد پسند ہیں۔ اسے یہ گوارا ہی نہیں کہ عورت کہے کہ کوئی اسے اچھا لگتا ہے، اسے کسی پہ کرش ہے وہ

منفی سوچنے والے یا قنوطیت پسند وہ لوگ ہوتے ہیں جو مثبت بات میں بھی تاریک پہلو ڈھونڈ نکالتے ہیں۔ ایسے لوگں کی کچھ خاص نشانیاں ہوتی ہیں ان سے بچنا ضروری ہے کیونکہ ایسے لوگ آپ کی مثبت سوچ کو نگل لیتے پیں اور آپ کو ذہنی بیمار کر دیتے ہیں۔ پہلی نشانی یہ ہے کہ وہ آپ کے متعلق آپ سے زیادہ فکر ظاہر کرتے ہیں۔ انہیں اپنی زندگی سے زیادہ آپ کی زندگی پہ کمانڈ حاصل ہوتی

لہوڑی ایک موسمی تہوار ہے جو موسم سرما میں منایا جاتا ہے۔ یہ سرما کا جشن ہے جسے پنجابی مہینوں کے حساب سے پوہ میں منایا جاتا ہے۔ یہ تہوار کسانوں کی خوشی کو ظاہر کرتا ہے جو گنے کی فصل کی کٹائی اور اس کے ساتھ جڑے کلچر جس میں گڑ بنانا اور گڑ بننے کے دوران رو یعنی گنے کے گرم رس سے بننے والی ڈشیز جیسا کہ کھیر یا اسے ویسے ہی گنے پہ لگا کے کھانا

کہتے ہیں ادیب اپنے دور کا عکاس ہوتا ہے۔ جو کچھ اس کے اردگرد ہوتا ہے وہ اسے زبان دیتا ہے۔ جو دیکھتا، سنتا اورمحسوس کرتا ہے اسے بیان کرتا ہے۔ بات سچ ہے۔ اب ادیب کے اپنے رحجان پہ ہے کہ وہ کس جانب جھکتا ہے اور اس پہ بات کرتا ہے۔ پچھلے دنوں ڈائیلاگ لکھنے کے حوالے سے مشہور ڈرامہ نگار خلیل الرحمان قمر نے خواتین کے برابری کے حقوق پر بات کرتے ہوئے کہا کہ عورت کو

ڈاکٹر خالد سہیل جب بھی لکھتے ہیں کمال کرتے ہیں۔  انہوں نے محبت کی نفسیات پہ ایک آرٹیکل لکھا ہے جس میں محبت کی نفسیات پہ بات کی گئی ہے اور اس کا جنس اور شادی سے تعلق بتایا گیا ہے۔  کوئی پانچ قسم کے ذہنی رحجانات کی اس آرٹیکل میں بات کی گئی۔ جس میں بنا محبت کے شادی جسے ارینج میرج کہا جا سکتا ہے۔  ناکام محبت، مطلب جس میں شادی نہیں ہوتی گو کہ میری رائے میں

عظیم اذہان خیالات پہ گفتگو کرتے ہیں، اوسط اذہان واقعات پہ اور عام اذہان لوگوں کے متعلق بات کرتے ہیں۔ فیض فیسٹیول میں ہر کیٹیگری تھی۔ آئیڈیاز پہ بھی بات ہوئی، واقعات پہ بھی اور لوگوں کے متعلق گوسپ کرنے والے بلکہ صرف اسی مقصد سے آئے لوگ بھی موجود تھے۔ خیالات شئیر کرنے سے ہی آپ کچھ سیکھتے ہیں۔ فیسٹیول کے سیشنز بھی ہر ایک اپنے ذوق کے مطابق سلیکٹ کرتا اور سنتا ہے ناپا کے طلبا کا داستان

سنا تھا مرد کا دل بڑا ہوتا ہے۔ وہ خرچ کرنے کے معاملے میں خواتین سے کہیں زیادہ حوصلہ رکھتا ہے لیکن سمجھا نہیں تھا۔ پچھلے دنوں میں زندگی میں پہلی بار الگ گھر میں شفٹ ہوئی۔ خاندان سے دور رہنا اور ہاسٹل میں رہنا ایک الگ تجربہ ہے لیکن الگ گھر میں رہنا ایک بالکل ہی مختلف تجربہ۔ پہلا اندازہ جو مجھے ہوا وہ یہ تھا کہ گھر کرائے پہ حاصل کرنا خواہ اکیلی خاتون ہو یا مرد انتہائی

تشدد ایک ایسا رویہ یے جس میں نفرت یا غصے کے جذبے سے مغلوب ہو کے وکٹم کو اذیت پہنچائی جاتی یے۔ یہ رویہ ایک طرح کا ردعمل ہے جس کی کئی وجوہات ہو سکتی ہیں۔ یہ وجوہات فرد کی ذہنی، جذباتی، ذاتی تجربے کی بنیاد پہ بھی ہو سکتی ہیں اور سماج سے منسلک بیرونی عوامل بھی ان کا باعث ہو سکتے ہیں۔

زندگی میں بہت سےمعاملات اہم ہیں جو زندگی کی کامیابی کے لیے راستہ فراہم کرتے ہین۔ انسان کو جینے کے لیے اور ڈھنگ کی زندگی گزارنے کے لیے تعلیم، تربیت، اچھی ملازمت یا کاروبار اور ممکنہ بہتر مستقبل چاہیے۔ ہر انسان اس کی کوشش کرتا ہے۔ وقت کے ساتھ سب کچھ بدل رہا ہے تعلیم اور پروفیشنل ڈگری اب لڑکیوں کے لیے بھی اتنی ہی اہم ہے جتنی کہ لڑکوں کے لیے۔ والدین اپنی بچیوں کو ہر ممکن طور سے

گھریلو تشدید سماج کا ایک ایسا رخ ہے جس پہ واضح ظلم ہونے کے باوجود متضاد آرا دیکھنے کو ملتی ہیں۔ ہمارے پدر سری سماج میں مرد جہاں ایک جانب حاکم ہے اور سماج کا کنٹرول اس کے ہاتھ میں ہے وہیں ایک مخصوص نفسیات کو پروان چڑھا کے اسے مظلوم بنا کے بھی پیش کیا جاتا ہے تاکہ اس کے ہر ظلم و زیادتی کا دفاع کیا جا سکے اور اس کے ظلم کے باوجود اس کے لیے ہمدردی کی فضا پیدا کی جا سکے۔ یہ عمل ہماری جڑوں میں موجود ہے۔ ہر گھر میں ایک بڑی بوڑھی خاتون اس کا پہ مامور ہوتی ہے کہ وہ بتا سکے کہ لڑکیوں کو کیسے اٹھنا بیٹھنا، بات کرنا ہے چلنا ہے، ہنسی دبا کے رکھنا ہے، اپنی خواہش کا بر ملا اظہار نہیں کرنا ہے۔ اور ساتھ ہی گھر کے مردوں کے سامنے دبو قسم کا رویہ اختیار کرنا ہے۔

ایک عجیب سی افراتفری اور دوڑ ہے جس میں میں ہم سب شامل ہیں۔ ٹرینڈ فالو کرنے کی دوڑ، فیشن اور برینڈز کی دوڑ، کھانے پینے، گھومنے پھرنے، ریسٹورانٹ اور ریزارٹ کی دوڑ۔ ایک لگن ہے ڈھونڈیں دیکھیں اور خود پہ یہ برانڈ ٹیگ لگا کے خوش ہونے کا لبادہ چڑھا لیں۔ ہر پل، ہر لمحہ سوشل میڈیا کی زینت بنا دیں۔ بات کریں تو لازم ہے کہ کسی بہانے سے بتائیں کہ آج کون کون سے برانڈ کا اشتہار بنے ہیں۔ کون کون سے کزین سے لطف اندوز ہو چکے ہیں۔

تعلق کا ٹوٹنا ایک شدید نفسیاتی جھٹکا ہوتا ہے۔ ایک بے وقعتی کا احساس، رائگانی اور وقت کے ضائع ہونے کا پچھتاوا اتنا آسان نہیں ہوتا کہ اس سے آسانی سے نکلا جا سکے۔ یہ نفسیاتی جھٹکا انسان کی زندگی پہ گہرے اثرات مرتب کرتا ہے۔ کچھ لوگ اس صدمے سے نکلنے میں بہت وقت لیتے ہیں۔ لیکن اصل مسئلہ ان لوگوں کا ہے جو اس سے نکلنا ہی نہیں چاہتے۔ اس بات کا پچھتاوا جو گزرے ہوئے وقت کے

ڈاکٹر خالد سہیل کا مضمون کیا تنہائی آپ کی سہیلی ہے نظر سے گزرا۔ اس میں انہوں نے بتایا کہ وہ اپنی خوشی سے تنہا رہے ہیں اور وہ اس تنہائی سے لطف انداز ہوتے ہیں۔ اس کی بنیادی وجہ ان میں تخلیقی صلاحیت کا ہونا ہے ایک تخلیقی ذہن کے لیے تنہائی بہتر اور وسیع امیجینیشن کا باعث ہوتی ہے۔ یہ وہ تنہائی ہے جو انگریزی شاعر ورڈز ورتھ کے ہاں نظر آتی ہے۔ جو اس کی من کی آنکھ کو کھول دیتی ہے۔ ایسی فرصت جہاں دماغ ہر فکر سے آزاد ہو کر ان ڈیفوڈلز کا تصور کرنے لگتا ہے جو شاعر نے فرصت میں چہل قدمی کے دوران دیکھے تھے۔ اور اس کے دل کو ایسی خوشی سے بھر دیتا ہے جو اسے دنیا کی ہر فکر و پریشانی سے آزاد کر دیتی ہے۔ یہ وہ تنہائی ہے جو روشن اور تخلیقی دل و دماغ کا خاصہ ہے۔ اور ہر وہ انسان جوتخلیقی صلاحیت رکھتا ہے یہ اس کی لاشعوری خواہش ہے۔ یہ بلاشبہ خوشی اور سکون کا باعث ہے۔

ہم جس دور میں زندہ ہیں اسے ٹرانزیشن کا دور کہا جائے تو شاید غلط نہ ہوگا۔ ہماری زندگی اور سماج میں بہت تیزی سے تبدیلیاں آ رہی ہیں۔ نئے ٹرینڈز کو اپنانے کا جنون ایک طرف ہے تو دوسری طرف روایات کو ساتھ گھسیٹنے کی کوشش۔ اس تبدیلی اور بدلاؤ کے دور کی ایک خاص بات کنفوژن کا وجود میں آنا ہے ایک طرف ہم محنت کی عظمت کے گن گاتے ہیں تو دوسری طرف یہ اعتراض کہ کوئی

ہمارے ہاں ایک بات بہت عام ہے جسے کسی طرح سے بد تہذیبی نہیں سمجھا جاتا وہ ہے ظاہری خدوخال اور جسامت پہ رائے دینا۔ کسی دوست سے ملیں کہیں کوئی تصویر شئیر کریں یا روز مرہ کے ملنے والے لوگ ہوں سب کے نردیک یہ ایک لازمی جزو ہے کہ وہ جسمانی ساخت پہ بات کریں۔ مہذب معاشروں میں اسے بد تہذیبی سمجھا جاتا ہے جبکہ ہمارے ہاں اسے ایک انداز سے تعلق یا پھر فرینکنس کے اظہار کا

اس بات میں کوئی شک نہیں کہ کسی ملک میں پڑھایا جانے والانصاب، دانشور، میڈیا، ادیب سب ہی عوام کہ سوچ کو بدلنے میں اہم کردار ادا کرتے ہیں۔ یہی وہ عوامل ہیں جو غیر محسوس طریقے سے کسی خاص مکتبہ فکر کو پروان چڑھاتے ہیں یا پھر کسی مکتبہ فکر کے خلاف نفرت کی پرورش کرتے ہیں۔ یہ ادارے خود رو نہیں ہوتے نہ ہی یہ بے ترتیبی سے اس مقصد کے لیے کام کرتے ہیں۔ بلکہ یہ باقاعدہ

پاکستانی تہذیب قدامت پسند تہذیب مانی جاتی ہے۔ یہاں بہت سے معاملات ایسے ہیں جو انسانی مسائل ہونے کے باوجود محض اس لیے زیر بحث نہیں لائے جاتے کہ ان سے معاشرتی اخلاقیات پہ ضرب پڑتی ہے۔ ایک بہت ہی بد صورت اور کریہہ مسئلہ بچوں پہ ہونے والا جنسی تشدد ہے۔ ایسا نہیں کہ یہ معاملہ نیا ہے۔ مسئلہ پرانا ہے لیکن اسے کارپٹ کے نیچے اسی لیے دبایا گیا کہ اس سے سو کالڈ اخلاقی معاشرے پہ سوالات اٹھتے ہیں۔ پچھلے دنوں چلنے والی می ٹو کی مہم نے جہاں خواتین کو زبان دی کہ وہ اپنے خلاف ہونے والی زیادتوں پہ بات کر سکیں۔

وہیں کچھ لوگ اس بات پہ اعتراض کرتے بھی نظر آئے کہ اس واقعے کا ذکر کرنے کا فائدہ جو کبھی بچپن میں ہوا ہو یا اسے سالوں بیت چکے ہوں۔ یہ کہنے والے بے حس کہلائے جا سکتے ہیں ظلم چاہے جب بھی ہوا ہو ظلم ہی کہلائے گا وقت بدلنے سے اس کی حقیقت نہیں بدلتی۔ معاملہ صرف خواتین سے متعلق نہیں ہے بلکہ اس طرح کی تکلیف کا سامنا مردوں کو بھی ہو سکتا ہے۔ بلکہ بہت سے لوگ اس کا سامنا اپنے بچپن میں یا بعد زندگی کے کسی بھی مرحلے پہ ہو سکتا ہے۔

میرے پیار شاید تمہیں خبر نہ ہو کہ مجھے تم میں اپنا کھویا ہوا عکس دکھائی دیتا ہے۔ تمہاری نا سمجھ میں آنے والی الجھنوں میں، سکوت جیسی خاموشی میں، بے سبب اداسی میں میرا کھویا ہوا حصہ جھلکتا ہے۔ میں جو اب بدل گئی ہوں۔ مجھے جذبوں کو پیمانوں میں ماپنا آگیا ہے۔ مجھے تسلی ہوتی ہے جب کیں کسی الجھ کا آپریشن کر کے حتمی نتیجے پہ پہنچتی ہوں کہ یہ بے وجہ اداسی نہیں بلکہ ذہنی دباو، یہ بے کلی کسی کے کھونے کی یا غیر مرئی ذات کی نہیں بلکہ ڈپریشن کی علامت ہے۔

ایسا ہی کچھ انڈیا میں ہوا۔ 2014 میں بس میں سفر کے دوران دو بہنوں نے تین لڑکوں کی پٹائی کی اور الزام لگایا کہ انہوں نے چھیڑ چھاڑ کہ تھی۔ اس واقعے کی ویڈیو کسی نے سوشل میڈیا پہ اپ لوڈ کی بات گورنمنٹ تک پہنچی ہریانہ کی حکومت نے ریپلک ڈے پہ لڑکیوں کو ایوارڈ اور 31000 انعام دینے کا اعلان کیا۔ کسی نے لڑکوں کا موقف جاننے کی کوشش نہیں کی۔ کچھ عرصہ کے بعد انہیں لڑکیوں کی ایک اور ویڈیو سامنے آئی جس میں وہ ایک اور لڑکے کو مار رہی تھیں۔

یہاں رائے میں تھوڑی تبدیلی آنا شروع ہوئی اور اسی بس میں جہاں پہلے تین لڑکوں کو مارنے کا واقعہ پیش آیا تھی 6 خواتین مسافروں نے بیان دیا کہ وہ جھگڑا ہراسمنٹ کا نہیں بلکہ سیٹ پہ ہو تھا جو وہ لڑکا بزرگ خاتون کو دینا چاہتا تھا۔ اس کے بعد یہ بات منظر عام پہ آئی کہ لڑکیاں لگاتار لڑکوں مار رہی تھیں اور انہیں بلیک میل کر کے رقم وصول کر رہی تھیں۔ 2017 میں جج نے لڑکوں کو بے قصور قرار دیا اور انہیں باعزت بری کیا۔ لیکن ان تین سالوں میں ان کا سماجی رتبہ ختم ہو گیا۔ وہ کوئی ملازمت حاصل نہ کر سکے۔ گھر کے معاشی حالات خراب ہو گئے۔ تین سال کے بعد حاصل ہونے والی آزادی ان کی عمر بھر کی بربادی تھی۔

پیارے دانشورو! ایک گزارش ہے جب تم یہ لکھتے ہو کہ زندگی کو تنہا ہی جینا پڑتا ہے تو ساتھ ایک چھوٹا سا وضاحتی نوٹ بھی لکھ دیا کرو یہ لکھتے ہوئے تم اپنے گھر میں سکھ سے بیٹھے ہو۔ تمہارا ایک مکمل خاندان ہے تمہیں اپنی بیوی یا شوہر کی طرف سے مکمل ذہنی و جسمانی آسودگی حاصل ہے۔ تبھی تم یہ دانشوری بگھار رہے ہو۔ جب تم یہ راگنی الاپتے ہو کہ میں اپنے ہر عمل کاذمہ دار

گالی ایک ایسا لفظ ہے جو اپنے آپ میں معنی کی ایک کائنات لیے ہوئے ہوتا ہے۔ یہ غصہ کے اظہار کا مختصر ترین اور جامع انداز ہے۔ اس کے معنی کی وسعت کا اندازہ اس بات سے لگایا جا سکتا ہے کہ یہ محض ایک لفظ میں تخلیقی عمل سے لے کر خاندانی حسب و نصب، ذاتی خصائص اور اعمال تک کو بیان کر سکتا ہے۔ اس کی طاقت کا اندازہ اس بات سے لگایا جا سکتا ہے کہ

ووٹ کو عزت دو مطلب حق رائے دہی کو عزت دو۔ رائے کو اہمیت دینا آزادی اظہار کو ماننا ہی جمہوریت ہے۔ یہ ہر آزاد شہری کا بنیادی حق ہے۔ کل مجھے ایک دوست نے ایک پوسٹ میں ٹیگ کیا جس میں کہا گیا تھا کہ ووٹ کو عزت دینے کی بجائے ریاست اور ریاستی ادارے شہریوں کو بنیادی ضروریات فراہم کرنے پہ توجہ دیں۔ بات یہ ہے کہ ان دو باتوں کا موازنہ نہیں بنتا۔ بلکہ یہ دونوں باتیں

شادی غالبا وہ واحد موضوع ہے، جس پہ ہمارے سماج میں بات کرنا، ہر فرد اپنا حق سمجھتا ہے۔ کسی کو کبھی اس بات سے دل چسپی نہیں ہوگی، کہ آپ کے رجحانات کیا ہیں؟ تعلیم کے لیے کیا چنا ہے؟ مستقبل کی پلاننگ کیا ہے۔ آپ کن حالات میں ہیں؟ زندگی کیسے گزر رہی ہے، لیکن جس بات میں لاشعوری دل چسپی ہوگی، وہ ہے شادی۔یہ سوال لڑکیوں سے کالج کے دور ہی میں کیا جانا شروع ہو جاتا

  گگن سنگھ کو ہیرو بنے تین دن بھی نہیں گزرے تھے کہ ہم نے بدلا دینا اپنا فرض سمجھا۔ ایک طرف فخر انسانیت کا گیت ہے کہ ہمارے بھائی کو وہاں بچایا گیا جہاں ہم اقلیت میں ہیں ۔اور ادھر ہم مذہبی ہم آہنگی کے لیے بڑھ کے کام کرنے والے کو سینے پہ گولی کا تمغہ سجانے پہنچ گئے ۔ایک چھوٹی سی خبر ہے کہ پشاور میں سردار چرن جیت سنگھ کو نامعلوم افراد نے قتل کر دیا۔

بھارت میں حال میں ہی ایک واقعہ ہوا۔ ایک مسلم لڑکے کو سکھ پولیس آفیسر نے مشتعل ہجوم سے بچایا۔ اس کا جرم یہ تھا کہ وہ مسلم ہونے کے باوجود ایک مندر میں اپنی ہندو دوست کے ساتھ سیر کی غرض سے موجود تھا۔ گگن سنگھ نامی اس پولیس آفیسر کو پاکستان میں فخر انسانیت کا خطاب دیا گیا۔ حیرت کی بات یہ ہے کہ یہ خطاب ان لوگوں کی طرف سے دیا گیا ہے جنہوں نے ابھی چند