دل اپنا بھی تنگ ہوا کرتا تھا ۔ نیت خراب اور سوچ کمینی ہی تھی ۔سمجھ پوری سی تھی اور اب بھی ویسی ہی ہے ۔ لوگوں کو خانوں میں تقسیم کر کے دیکھنا ۔ مذہب فرقہ رنگ نسل یہ سب تب میٹر کرتے تھے ۔ شائد اس لیے بھی کہ یہ سب سننا سہنا بھی پڑا ۔ اپنی تب نہ اوقات تھی نہ عمر ۔ کھیلنے کے لیے جاتا کٹ کھا کر آ جاتا ۔ پوری بات تو بتانا

ہچکی لگی ہوئی تھی، دوستوں کے ساتھ بیٹھا تھا۔ اک بولا کوئی یاد کرتا ہونا۔ مراد اس کی یہی تھی کہ خدانخواستہ کوئی حسین نہ ہو کوئی تازہ خان ہی ہو۔ بات پرانی ہے۔ اپنا سیل فون دیکھا تو میسج آیا ہوا تھا "کمینے”، پڑھا ان کو بھی دلاسا دیا کہ وہ منحوس ٹھیک سمجھے تھے۔ پر کہانی پرانی یاد آ گئی۔ جب تمھیں ہچکی لگے، کوئی پیاری سی گالی دے برا بھلا بولے تو مجھے یاد کرنا۔ تو اسے

دل بہت اداس ہے، شاید اس لیے کہ اسے گھر بٹھا رکھا ہے، یہ باغی ہو چلا ہے۔ اپنا خیال یہ تھا یہ ہے کہ تنہا صدیوں تک رہ سکتا ہوں۔ کوئی نہ ہو تو میلہ دل کے اندر لگا لیتا ہوں۔

اپنی فلمیں بنا کر خود دیکھتا ہوں۔ خود ولن خود ہیرو ہوتا، مرضی سے خیالوں میں لڑکیاں بناتا ہوں، وہ پھر جہاں جب دل چاہے ساتھ یا اردگرد ناچتی پھرتی ہیں۔ کہانی کا کوئی کردار جب دل ہو بدل لیتا ہوں۔ جسے جب جدھر چاہوں مار دیتا ہوں۔ خود ہی دکھی سین بناتا ہوں۔ اپنے بنائے یہ سین ہوتے جن پر ہنستا ہوں۔

کالا بہت ہے ، پر کیا کریں اپنا ہے ۔ ملک صاحب نے طور پین کے ساتھ کاغذ پر بہت اہتمام کے ساتھ دستخط کر دیے۔ قبائل کی وزارت سے بندہ بھجوا کر مہر بھی لگوا دی ۔ اس سے پہلے پردہ دار سے کیمرے میں گھسا کر فوٹو بھی بنوا دی تھی ۔ یوں میرا قبائلی کارڈ بنا تھا ۔ ہم کابل میں تھے ۔ گھر سے بھاگ کر آئے تھے۔ ضیا نے اپنے دادا سے کہہ کر یوں

پہلوان جب اپنی پہلوانی کا ذکر کرتا تو اتنے آنسو بہاتا کہ باقاعدہ کیچڑ ہو جاتا اسے بہلا پھسلا کر چپ کرانا پڑتا بلکہ ایک بار تو اسے بہلانے کے لئے سوٹا لگوانے جہاز گراؤنڈ جمرود لے جانا پڑا جدھر ولائتی ٹھرے ٹن پیک میں دیکھ کر ہی وہ دھمال ڈالنے لگ گیا۔ پہلوان کی فیملی شاید کباڑی یا سکریپ کا کام کرتی تھی لیکن اس کا اصرار تھا کہ ان کا لوہے کا کاروبار تھا بلکہ دو چار بھٹیاں

مہنگائی نے لوگوں کی چیخیں نکلوا دی ہیں۔ کپتان کے ہارڈ کور مداح بھی مدہم پڑتے جا رہے ہیں۔ سوشل میڈیا کو کپتان نے اپنی سیاست کا میدان جنگ چنا تھا۔ یہیں اس کے لڑاکے بھگدڑ کا شکار محسوس ہوتے ہیں۔ کسی کو نہیں یقین آ رہا تو نہ مانیں ۔ کپتان کا اپنا خطاب سن لیں سوشل میڈیا کی ٹیم کے ساتھ ۔ شبر زیدی کو پکڑ پکڑ کر لاتے ہیں ۔ ذرا کسی کا دھیان ادھر ادھر ہوتا

کسی کو ڈان لیکس یاد ہیں؟ پڑھی تھیں؟ اس میں چھٹا پیرگراف ہے جس میں میاں محمد شہباز شریف بقلم خود اک معزز افسر کے ساتھ گتھم گتھا پائے یا بتائے جا رہے تھے۔ سٹوری لکھنے والا لکھنا چھوڑ گیا۔ مریم نواز پر ڈان لیک کا الزام لگ گیا۔ نواز شریف کا پانامہ یا اقامہ ہو گیا۔ ان کے کچہری پھیرے لگ گئے، پارٹی میں جو بولا وہ اندر ہو آیا ہے کچھ ابھی بھی اندر بیٹھے سوچ رہے کہ

آزادی مارچ بارے سنا بہت کچھ تھا ۔ کہاں سے حمایت حاصل ہے ۔ کس نے منصوبہ بنایا کون گارنٹر ہے ۔ یقین ان باتوں پر بالکل بھی نہیں تھا ۔ سکون سے مولانا کی آنی جانیوں بارے خبروں کو ہی دیکھتے رہے تھے ہم لوگ۔ مولانا نے آزادی مارچ شروع کرنے سے پہلے بہت سی مشکلات پر قابو پایا ۔ پہلا مسلہ تو اپنی ہی جماعت میں اپنے ساتھیوں کو آمادہ اور تیار کرنا تھا کہ آزادی مارچ کرنا

آج کل جدھر جاؤ جس سے ملو ۔ ایک ہی بات ہوتی ہے کہ مولانا کے پیچھے کون ہے ۔ ان کو اندر سے حمایت حاصل ہے کہ ان کو باہر سے حمایت حاصل ہے ۔ ہو گا کیا ؟ کی بنے گا ۔ کسی کو لگتا کہ دو وزیراعلی بدلوانے کے لیے کپتان پر پریشر بڑھایا جا رہا ہے ۔ کسی کا خیال ہے کہ نشانہ سر جی ہیں ۔   کسی کو لگتا کہ ، خیر چھڈو یہ

صدر شی سے کپتان کی ملاقات ہو ہی گئی۔ جنہوں نے اس ملاقات کے لیے محنتیں کیں۔ سوٹی پکڑ کر خود ساتھ گئے۔ ان کے دل کا حال وہی جانتے ہوں گے ۔ آپ نے دورے کی کامیابی دیکھنی یا سننی ہے تو شیخ رشید نے لمبی لمبی چھوڑی ہیں۔ کامران خان کے ساتھ ان کی بات چیت دیکھ لیں۔

سی پیک اتھارٹی کا آرڈینس جاری کر کے، گوادر کو ٹیکس فری ایریا ڈیکلیر کرنے کا کمال کر کے، جوڑی چین روانہ ہوئی تھی۔ سی پیک اتھارٹی پر تو چینیوں نے بہت پیار سے اخلاق سے سمجھایا کہ دیکھیں۔ آپ کی اتھارٹی کے قیام کا یہی بل پارلیمانی کمیٹی نے مسترد کر دیا تھا۔ آپ نے وہی بل اپنے اختیارات کے تحت منظور کرا لیا ہے۔ ہم پہلے ہی دیکھ چکے ہیں کہ سی پیک کی رفتار اپوزیشن کی مخالفت سے کیسے متاثر ہوئی۔ یہ کہہ کر کپتان کو اس کا دھرنا اس کا کنٹینر اور صدر شی کا دورہ سب یاد کرا دیا گیا، وہ بھی اک لفظ اس متعلق کہے بغیر۔

’نکیا، اُتار نیکر، دکھا اسے‘‘۔ نکے کو عامی نے اشارہ کیا۔ اس نے منٹ مارا، نیکر اتار کر کندھے پر رکھی۔ دکھا دیا جو دکھانا تھا۔ موکھا یہ نظارہ دیکھ کر سن سا ہو گیا۔ سنبھلا، لیکن ذرا دیر سے، اور گالیوں کی بوچھاڑ کر دی۔ عامی سمیت سبھی ہنسنے لگے۔ موکھے کی گالیوں کو بریک تب لگی، جب ماما ڈیرے پر، ہماری طرف آتا دکھائی دیا۔ مامے کو آتے دیکھا تو نکے نے پھر منٹ مارا، نیکر پہن لی۔

مولانا فضل الرحمن نے پیروں سے رابطہ کرنے کے لیے ایک کمیٹی قائم کی ہے ۔ اس میں ایک عدد پیر صاحب خود بھی شامل ہیں ۔ دلچسپ موو ہے ۔ اگر دیوبند کی نمائندہ سیاسی جماعت پیروں تک چل کے خود جانے لگی ہے تو گھنٹیاں بج جانی چاہئیں کہ معاملہ سیریس ہے ۔اک کمیٹی ڈپلومیٹ حضرات سے رابطے کے لیے قائم کی گئی ہے ۔ یہ بھی کام سیریس ہے کی اک اور نشانی ہے ۔ جے یو آئی سندھ کے مولانا سومرو گھوٹکی مندر میں کھڑے اظہار یکجہتی کرتے پائے گئے ہیں ۔ انہوں نے ہندو برادری سے اظہار یکجہتی کیا ہے ۔

کپتان نے امریکہ جا کر دو وعدے یا دعوے کیے تھے ۔ طالبان کے پاس یرغمال دو پروفیسروں کی اڑتالیس گھنٹوں میں رہائی ۔ پاکستان پہنچ کر طالبان قیادت سے ملاقات اور انہیں راضی باضی کرنا ۔ دونوں کام نہیں ہوئے ۔ امریکہ میں اس وقت ایک پاکستانی ٹرمپ انتظامیہ کے کافی قریب ہیں ۔ انہیں کسی نے چھیڑنا ہو تو کپتان کے دورہ امریکہ کا پوچھ لے ۔ وہ باقاعدہ چھڑ جاتے ہیں ۔ پوچھنے لگتے کہ جب کچھ

اک طرف نواز شریف ہیں۔ آصف زرداری ہیں۔ جیل میں ہیں۔ ان کی پارٹیاں بات کرتے گھبراتی ہیں۔ بلاول بولتا ہے تو کرنٹ پھرتا ہے، پر تھوڑی دیر میں نارمل ہو جاتی صورتحال۔ مریم بڑے جلسے کر رہی تھی اب اک کیس میں اندر ہے۔ باقی نون لیگ منہ اٹھا کر ادھر ادھر دے رہی جو بہت انقلابی تھے گواچی گاں کی طرح پھر رہے۔

مولانا فضل الرحمان نے لاک ڈاؤن کا اعلان کر رکھا ہے۔ یہاں ذرا ٹھہریں منظور پشتین کو یاد کریں۔ وہ جو نعرے لے کر اٹھا تھا اس کے بعد سیدھا تصادم ہوا۔ دو ممبران جیل پہنچے اور پی ٹی ایم کو چپ لگ گئی۔ کوئی مستقبل بظاہر اب ان کا دکھائی نہیں دیتا۔

دعا کے لیے ہاتھ اٹھاتا رہتا ہوں۔ بس تب چھوڑ دیتا ہوں جب حالات گڑبڑ ہو جائیں۔ بس کبھی سیکھا تھا کہ خدا سے تعلق دوستی یاری کا ہو تو پھر مشکلات سے روتے گھبراتے نہیں بس ان کا سامنا کرتے ہیں۔ اب یہ گڑبڑ دل کے معاملات میں ہو یا دنیا داری کے سوچتا ایک ہی بات ہوں۔ کہیں کوئی تعلق گڑبڑ ہو گیا ہے۔ اس کو ڈھونڈنا ہے بحال کرنا ہے۔

ہاتھ تنگ ہو جائے تو شئرنگ بڑھا دینے کی عادت ہے۔ پیسے کم ملیں تو تھوڑا مزید اپنے آپ کو آزمانا شروع کر دیتا ہوں۔ آسان سا طریقہ ہے جو ملتا ہے اس میں سے کچھ حصہ تقسیم کرتا ہوں۔ بندہ ڈھونڈتا ہوں اس کے لیے خوار ہوتا ہوں۔ ضرورت مند تو راہ چلتے مل جاتے ہیں پر تلاش ان کی ہوتی ہے جو منہ سے کچھ نہیں کہہ پاتے۔

اگر آپ اپنی بات کے پکے ہیں اس پر کھڑے رہ سکتے ہیں تو آپ بلوچ ہیں۔ اگر آپ دوسرے کی بات پر کھڑے ہو سکتے ہیں تو آپ ٹھیک پختون ہیں۔ اگر آپ بغیر بات کے ہی کھڑے ہو سکتے ہیں تو پھر آپ سردار ہی ہیں۔

یہ سب خوار ہونے کے مختلف طریقے ہیں۔ جیسے دل چاہے ہو سکتے ہیں، ہو جائیں۔ قدرت نے فیاضی سے سارے آپشن دیے ہیں۔
زیادہ نہ سوچیں کسی کو نہ بتائیں کہ آپ اصل میں ہیں کیا۔ بندے کا کوئی پتہ لگتا وہ کسی بھی وقت کچھ بھی ہو سکتا ہے۔

ماما یہ نہیں ہو سکتا میں نے تمھارے ڈیرے کا سب سے بڑا درخت کاٹ دینا ہے۔ جب تم سو رہے ہو گے نہ تب کاٹوں گا۔ تمھارے اوپر گرے گا پھر پڑے رہنا منجی پر۔ جیسے تمھارا سسر چارپائی پر پڑا رہتا تھا۔ اس کو چارپائی سمیت اٹھا کر جب دھوپ چھاؤں لگوانے کو لے کر جاتے تھے۔ تب وہ کتنی ودیا گالیاں دیتا تھا ان سب کو جو اسے ایسے سیر کراتے تھے۔ او نہ پتر ایسے درخت

پاکستان بھر میں بینر لگے ہوئے ہیں۔ راحیل صاحب کا منت ترلا ہو رہا ہے کہ جانے کا سوچیں بھی مت، آنے والی کریں۔ ایسے میں جب حکومت ڈر کے میز کے تھلے چھپی ہوئی محسوس ہو رہی ہے۔ ایک ایم این اے صاحب نے ایک وڈا سا سانڈ کھول رکھا ہے جو اپنی ہی حکومت کو سینگوں پر اٹھائے پھر رہا ہے۔

آج قومی اسمبلی کی دفاعی امور کے لئے قائمہ کمیٹی کا اجلاس تھا۔ شیخ روحیل اصغر اس کے چیئرمین ہیں۔ شیریں مزاری بھی اس کمیٹی کی رکن ہیں۔ اس اجلاس میں چھوٹے چھوٹے ایشوز چینی آبدوزوں پر کمیٹی کو بریفنگ، بھارت کے ساتھ سرکریک مسئلے پر بریفنگ وغیرہ کے معاملات تو فوری طے ہو گئے۔

خدا کے ساتھ ذاتی تعلقات نہایت خوشگوار بھی ہیں اور دوستانہ بھی۔ یہ تعلقات ایک دن میں ایسے نہیں ہوئے۔ پہلے غلامانہ رہے پھر تابعداری کے درجے میں آئے۔ ایک وقت لگا انہیں خوشگوار اور دوستانہ ہونے میں۔

ہم ابھی چھوٹی کلاسوں میں ہی تھے جب پہلی بار ایک بڑے دھماکے کی آواز سنائی دی۔ کسی توپ سے گولہ داغ دیا گیا تھا یا شاید کسی جہاز نے ساؤنڈ بیرئیر توڑا تھا۔ ایک ہم جماعت نے ہماری کلاس ٹیچر سے پوچھا مس کیا روس آ گیا۔

اب ضروری ہو گیا تھا کہ روس کا پتہ کریں۔ جلدی پتہ لگ گیا۔ کچھ محلے کی مسجد میں مولوی صاحب نے بتایا۔ کچھ مدد نسیم حجازی نے کی، حالانکہ انہوں نے براہ راست کچھ بھی نہیں کہا تھا۔ یہ ہم ہی تھے جو ایسا سمجھے کہ یہی کہہ رہے ہیں۔ پتہ لگایا اتنی سی سمجھ آئی کہ روسی خدا کو نہیں مانتے۔

محمود خان اچکزئی نے ایک بار سیاپا کرتے ہوئے کہا کہ فوج نے پچاس کی دہائی میں فیصلہ کیا کہ نیشنل سیکیورٹی کونسل بننی چاہیے کتنی دہائیاں بیت گئیں فوج کے ادارے کا موقف یہی رہا کہ یہ بننی چاہیے کیونکہ ادارے نے یہ موقف کوئی ہوم ورک کر کے اختیار کیا تھا۔ اس کے برعکس سیاستدان بیان دینے کے بعد ابھی اس کی گونج ختم نہیں ہوتی کہ اپنی ہی بات کی مخالفت شروع کر دیتے ہیں اسی سیکیورٹی کونسل کے مسئلے پر سیاستدانوں کا موقف مختلف برسوں، مہینوں اور ہفتوں میں مختلف ہوتا ہے۔

فوج میں بھی ایسے خاندان ہیں جو کئی نسل سے فوج ہی میں آ رہے ہیں، شجاعت اور حوصلے کی ایک تاریخ بناتے ہیں جو اگلی نسل کو منتقل ہو جاتی ہے لیکن وہاں ایک فرق ہے۔ ضروری نہیں کہ جرنیل کا بیٹا جرنیل ہی بنے وہ نچلے عہدوں پر بھی ریٹائر ہو جاتا ہے جبکہ حوالدار کے بچے اگر فوج میں آئیں تو چیف کے عہدے تک بھی پہنچ جاتے ہیں۔ جنرل موسی خان سپاہی سے آرمی چیف بننے کی الگ مثال کے طور پر بھی موجود ہیں۔

اٹھارہ گھنٹے کمپیوٹر پر بیٹھنا ہوتا تھا کہ ذمہ داری یہ تھی کہ نیوز سائٹ اپ ڈیٹ کرتا رہوں۔ ساری رات بیٹھا رہتا صبح سویرے پیدل گھر جاتا۔ تھوڑا آرام کر کے کھانا کھا کر واپس آ جاتا۔ پھر یہی روٹین جاری ہو جاتی۔ واحد تفریح یہ تھی کہ ایک آن لائین چیٹ روم کا ممبر تھا جہاں سب اپنے جیسے ہی ویلے اور لوفر اکٹھے تھے۔ لڑکیاں بھی تھیں لڑکے بھی۔ ہم فیملی کی طرح تھے، کزنوں اور دوستوں کی طرح گپ لگایا کرتے تھے۔

ایک رات جب چیٹ روم میں جھانکا تو وہاں کڑی بیٹھی تھی کہ اس نے اپنے لیے یہی آن لائین نام رکھا تھا۔ گروپ کے سارے لوفر جی جان سے اس کے پیچھے پڑے ہوئے تھے اسے چھیڑ رہے تھے۔ وہ بھی پٹر پٹر جواب دے رہی تھی۔ خوب رونق لگی ہوئی تھی۔ گروپ کی باقی لڑکیوں کو آگ لگی ہوئی تھی۔ ان کی شکایتیں سنیں۔ گروپ چیٹ کا چپ چاپ بیٹھ کر جائزہ لیا۔

دوپہر ہونے کو آئی تھی اور ہم سوئے پڑے تھے۔ ٹیلی فون چپ ہونے میں ہی نہیں آ رہا تھا۔ نیند میں ہی اٹھایا تو استاد محترم کی آواز آئی کہ یار جلدی سے گھر جا، میری پینٹ لے کے آ۔ نیند میں تھا اس لئے وجہ سمجھ نہ آئی کہ استاد محترم آج بریکنگ نیوز دینے پینٹ پہنے بغیر کیسے دفتر پہنچ گئے ہیں۔ الہی رحم، ایسی کون سی خبر ہے جو یوں جذباتی ہو کر چلانے نکلے ہیں ہمارے استاد محترم۔ہم ابھی سوچ ہی رہے تھے کہ استاد اپنی آئی پر آ گئے اور لگے دھمکانےکہ ابے اٹھے گا کہ نہیں یا ننگا ہی پھروں۔

قریشی صاحب کی آج کل ویسے ہی سختی آئی ہوئی ہے۔ ان کے پارٹی قائد انہیں اگلا وزیر اعظم سمجھ کر ان پر خصوصی شفقت فرما رہے ہیں۔ یہ خبر پرانی ہو چکی۔ اب وزیراعظم کا اک اور امیدوار سامنے ہے۔ آزمایا ہوا بھی، دیکھا بھالا بھی اور اپنا اپنا سا بھی۔

چوھدری شجاعت حسین کی نواز شریف سے ملاقات کا آج کل چرچا ہے۔ کچھ لوگوں کے خیال میں یہ ملاقاتیں ایک سے زیادہ بار ہوئی ہیں۔ ملک ریاض بھی جا کر ایک ملاقات کر آئے ہیں۔ انہوں نے سیاسی اندھیرے ہٹانے کو بہت فوری شمسی قمری نسخے بھی پیش کیے ہیں۔
پہلے کہا جا رہا تھا کہ اگر میاں صاحب کچھ باتیں مان جائیں تو اسی اسمبلی سے شاہد خاقان عباسی اگلے وزیراعظم ہو سکتے ہیں۔

بلاول بھٹو نے ساری اپوزیشن بلکہ تھوڑی سی حکومت کو افطاری پر کیا بلایا۔ پی ٹی آئی میں کرنٹ ہی پھر گیا۔ یہ تھوڑی سی حکومت کا الزام بی این پی مینگل پر لگایا ہے، لگتا بھی ہے۔ بیچارے حکومت میں بیٹھے ہیں کوئی سنتا پوچھتا ہے ہی نہیں۔

اس افطاری کو لے کر وزیروں نے خوب نشانے لگائے۔ ابو بچاؤ تحریک کے طعنے بھی دیے۔ بلاول اور مریم ہی دو اپوزیشن کے لوگ تھے جو کسی بھرپور تحریک کو فوری شروع کرنے سے اب بھی گریز ہی کر رہے ہیں۔ انہی دونوں لیڈروں کے ابا جی بظاہر پی ٹی آئی حکومت نے گھیر رکھے ہیں۔

حامد میر نے ایک ٹی وی پروگرام میں شرارتی تبصرہ کیا۔ انہوں نے کہا کہ مولانا فضل الرحمان افطاری پر نہیں پہنچے۔ انہیں بلاول نے فون بھی کیا کہ آپ نہیں آئے تو میں افطاری نہیں کروں گا۔ اس کے باوجود وہ افطاری پر نہیں پہنچے اس کے بعد آئے۔ انہوں نے گھر پر خود مہمان بلا رکھے تھے۔

جب کہیں کوئی اپنے نقصان کو رو رہا ہوتا ہے ۔ تب وہیں کوئی اپنے فائدوں کا جشن منا رہا ہوتا ہے۔ ایک کمپنی جب اپنے آدھے ملازم فارغ کر دے تو ان کے گھروں میں روٹی کے لالے پڑ جاتے ہیں۔ ساتھ ہی اس کمپنی کے شئر کی قیمت بڑھ جاتی ہے۔کیوں ؟ اس لیے کہ آدھے ملازموں کو فارغ کر کے کمپنی خرچہ بچا لیتی ہے پرافٹ میں چلی جاتی ہے

پختون پاکستان میں ہر طرف دکھائی دیتے ہیں۔ انتظامی عہدے ہوں ، سیاسی ہوں ، فوج کے اعلی افسران ہوں سفارتکار ہوں، ڈاکٹر ہوں انجینیر یا سائنسدان۔اک طویل لسٹ ہے ایسے لوگوں کی جو اپنے شعبے میں مہارت رکھتے ہیں، نامور ہیں، نیک نام بھی۔ ان کامیابیوں کے پیچھے کے پی کے کا تعلیمی نظام تھا۔ یہ نظام بڑی حد تک سیاسی مداخلت سے پاک رہا۔وجہ یہی سمجھ آتی ہے کہ باچا خان کی فکر بھی تھی۔ مقامی لوگوں کا اپنی طلب بھی تھی تعلیم کئی قسم کی آلودگیوں سے پاک رہی۔ استاد کے منصب کا احترام کیا جاتا رہا۔ کئی سکول کالج اپنے اساتذہ کے حوالوں سے مشہور ہوئے۔

پارک میں کڑیاں جاگنگ کرتی ہیں۔ یہ سن کر ہم سے رہا نہیں گیا تھا۔ مشر کی قیادت میں ہم لوگ جوگرز پہن کر پارک پہنچ گئے تھے۔ دو تین کلومیٹر کا جاگنگ ٹریک دیکھ کر ہی بخار ہو گیا تھا۔

ٹریک کے شروع میں ہی ہم لوگ اک بنچ پر ڈھیر ہو گئے۔ ڈیرانی ٹریک سوٹ پہن کر آیا تھا۔ اس نے ہم سے کہا کہ تم دونوں مرو ادھر ہی میں جا رہا دوڑ لگانے۔ یہ کہہ کر وہ الٹی سائڈ سے روانہ ہو گیا۔ مشر نے بہت غور سے جائزہ لے کر بتایا کہ اک آنٹی پارک میں واقعی گھوم رہی ہے۔

مشر نے کہا رازہ (چلو) ہم چل پڑے۔ ٹریک چھوڑ کر درمیان سے کراس مارتے ہوئے اک مناسب مقام پر ٹریک پہ چڑھ گئے۔ اب آنٹی ہمارے پیچھے دوڑتی آ رہی تھی۔ ڈیرانی سامنے سے آ رہا تھا۔
آنٹی نے دوڑتے ہوئے ہمیں اوور ٹیک کیا۔ سامنے سے ڈیرانی آ رہا تھا۔ اس کمبخت کو اس کے لمبے قد کی وجہ سے ڈیرانی کہتے تھے۔ ہم سب کئی سال یہی سمجھتے رہے کہ ڈیران (کوڑا پھینکنے کی جگہ ) سے ڈیرانی بنایا ہے۔

بلوچستان میں آج کل سب ہی تیرا غم میرا غم الیکشن کا گیت گا رہے ہیں۔ جو دو ہزار اٹھارہ میں جیتے ہیں، انہیں دو ہزار تیرہ میں جیتنے والے کہہ رہے کہ دھاندلی سے جیتے ہو۔ آگے سے وہ جواب دیتے ہیں کہ ہم دھاندلی سے جیتے تو تم کون سا فری اینڈ فئیر الیکشن میں جیتے تھے۔ سیاستدانوں کا آپسی مذاق تو چل رہا ہے۔ محمود خان اچکزئی سے الیکشن کی ہار برداشت نہیں ہوئی۔ وہ سرگرم ہو چکے ہیں۔

آج کل لندن میں موجود بتائے جاتے ہیں۔ پہلے کابل جا کر بیٹھ گئے تھے۔ سابق افغان صدر صبغت اللہ مجددی کی وفات پر تعزیت کرنے گئے تھے۔ اور ایسے گئے کہ وہیں بیٹھے رہے۔ محمود خان اچکزئی کو ان کے چاہنے والے گران مشر بھی کہتے ہیں۔ ہمارے گران مشر کابل میں قومی خدمت کرنے میں مصروف تھے۔
قسمے بتا تو دوں کہ کیا کر رہے تھے لیکن یہ بالکل معلوم نہیں کہ بتانا بھی ہے کہ نہیں۔

آئی ایم ایف کی ٹیم اور اے پی جی کی ٹیم اکٹھے ہی پاکستان میں تھے۔ آئی ایم ایف تو ظاہر ہے ساہوکار ہے نبض دیکھنے آئے تھے کہ یہ کرو وہ کرو، مرو، پھر پیسے دیں گے۔ اے پی جی منی لانڈرنگ دہشت گردی کی فائنانسنگ پر مشترکہ اسیسمنٹ کرنے آئے تھے۔ انہوں نے گرے لسٹ میں ڈالا تو ایف اے ٹی ایف بلیک کرے ہی کرے۔ اے پی جی میں ہمارے دوست ملک بھی زور میں ہیں مثلا

رانجھا اپنے باپ کا لاڈلہ بیٹا تھا۔ باپ نہ رہا تو زندگی بھی اس کی پہلے جیسی نہ رہی۔ بھائیوں نے اس کو بوجھ سمجھ کر الگ کر دیا۔ اس کو اپنے حصے میں جو زمین ملی وہ بھی بنجر تھی۔ کاشتکاری اسے آتی بھی نہ تھی، اس سے یہ ہونی بھی مشکل تھی کہ باپ کے ہوتے کبھی کام کیا ہی نہ تھا۔ باپ موجود تھا تو شہزادوں کی زندگی گزارتا تھا۔ اٹھتی جوانی تھی مستی تھی خوشحالی تھی۔ اس کی زندگی خوابوں جیسی تھی۔ ایسی جیسا جوانی کا گیت ہوتا ہے۔

باپ کا آسرا تھا، خوشحالی تھی، حسینوں کا مرکز نگاہ بن گیا تھا رانجھا۔ جب خوار ہوا تو دنیا نے طعنے دیے۔ شاید سہہ لیتا لیکن جب گھر سے بھی دشنام ملی تو اس کی بس ہو گئی۔ فصل ہوتی نہ تھی جو لوگ باپ کی وجہ سے پہلے اس کی شرارتوں کو نظر انداز کرتے تھے، اب اس کی شکائتیں لگانے لگے۔ گھر والے تنگ ہوئے تو طعنے ملنے لگے گھر سے ہی۔ اسے اس کی بھابھیوں نے کہا کہ بڑا محبوب بنا رہتا تھا حسن والوں کا۔ اپنے سر پڑی تو تارے دکھائی دینے لگے۔ اب تگڑا ہو کچھ کر کے دکھا، اب تمھیں کوئی یہاں منہ نہیں لگاتا تب لگتا تھا کہ ہیر بیاہ کر لائے گا۔

ایک روز سائیں آ دھمکے، فرمایا، وزیراعلیٰ کا ریٹائرمنٹ پیکیج ہونا چاہئے، پوچھا گیا، کیا ہونا چاہئے، بولے، سوچ کر بتاتا ہوں، دو تین دن بعد سائیں جو وزیراعلیٰ ریٹائرمنٹ پیکیج لائے وہ کچھ یوں تھا، سابق وزیراعلیٰ کو 3گاڑیاں، 10سیکورٹی گارڈز، 2کلرک، ایک پرسنل سیکریٹری، لاہور میں ایک گھر مع یوٹیلیٹی بلز، علاج کی سہولت، ٹیلی فون بل، دو گاڑیاں، دو ڈرائیور ملیں اور یہ سب عمر بھر کیلئے، بات اسپیکر پرویز الٰہی تک پہنچی تو انہوں نے سائیں

پاکستان کا قبائلی علاقہ فاٹا، وہاں قدم رکھیں لفظ اپنے مطلب بدل لیتے ہیں۔ فاٹا والے اپنا پسینہ بہا کر تجارت سے رزق حلال کماتے ہیں۔ اسے باقی پاکستان میں بڑے آرام سے منہ ڈھیلا کر کے اسمگلنگ کہہ لیا جاتا ہے۔ یہ سوچے بغیر کہ ہم کیسے لوگ ہیں۔ ہمارے اپنے لوگ آج بھی اپنے رزق کے لئے افغان ٹرانزٹ کی سہولت کے محتاج ہیں۔ یعنی ہیں پاکستانی لیکن ان کی معاش افغانستان سے جڑی ہوئی ہے۔پھر ہم یہ بھی سوچتے ہیں کہ فاٹا والے افغانستان کے حوالے سے اتنے حساس کیوں ہیں۔ بھائی ان کی روزی روٹی وہاں سے جڑی ہوئی ہے۔باقی پاکستان میں پولیس ملزم کے پیچھے ماری ماری پھرتی ہے۔ اس کے گھر والوں کو تفتیش کے لئے تھانے بلایا جائے تو میڈیا میں ات چک دی جاتی ہے۔ فاٹا میں ایف سی آر کا قانون رہا ایک بندے کے جرم میں دس دس لوگوں کو سزا جرمانے ہونا عام بات رہی ہے۔ جرم کرنے والا بھلے آزاد پھر رہا ہو اس کے چاچے مامے بھائی والد بحق سرکار ضبط ہوئے پڑے ملتے تھے۔

جمالے کو اسلام آباد آئے کئی ہفتے ہو گئے ہیں۔ نہ اس نے آنے کا بتایا۔ نہ اپن نے سن کر اس سے رابطہ کرنے کی زحمت کی۔ یہ عثمان قاضی کی طرف ٹہرا ہوا ہے۔ اس کی لائبریری میں۔ دو تین دن بعد قاضی کو اس کی شکایت ضرور لگا دیتا ہوں۔ قاضی اسے نکال دے۔

کافی پلانٹ والے کچھ نہ کچھ کرتے رہتے ہیں۔ وہ جب کچھ کرتے ہیں اپن غائب ہو جاتا ہے۔ تب سنگت کا خیال آتا ہے کہ پتہ نہیں کیسا چل رہا۔ یا ادھر کسی مہمان کو روانہ کر دیتا ہوں یا خود پہنچتا ہوں۔ پھر فرنود کو رپورٹ دیتا ہوں۔ وہ مجھے کھاتا چیک کر بتا دیتا ہے کہ آج کیا کارروائی رہی۔