سیریز کا لنک: سست آدمی کے انسانیت پر احسانات یہ تقریباً اٹھارہ لاکھ سال پہلے کی بات ہے۔ دسمبر کا مہینہ تھا، آسمان پر بادل چھائے ہوئے تھے۔ سستو حسب معمول ایک گھنے درخت کے نیچے لیٹا اونگھ رہا تھا۔ ہلکی ہلکی پھوار پڑنے لگی۔ پھر یکلخت ایک کڑاکے سے بجلی کوندی اور سستو کے قریب ہی ایک درخت پر جا گری۔ درخت جلنے لگا۔ تمام جانور خوفزدہ ہو کر بھاگنے لگے۔ سستو کا قبیلہ بھی گھبرا کر دور بھاگا۔

پہلی تاریخ اشاعت: 22 جولائی 2018 آج اسلام آباد ہائی کورٹ کے سینئر جج عزت مآب شوکت عزیز صدیقی کے راولپنڈی بار ایسوسی ایشن سے خطاب نے ملک بھر میں ایک ہلچل سی مچا دی ہے۔ سچ کہیں تو ہمیں ذاتی طور پر جج صاحب کے بیان پر یقین نہیں آیا ہے۔ انہوں نے فرمایا ہے کہ خفیہ اور غیر خفیہ طاقتور ادارے عدالت کے کام میں دخل اندازی کر رہے ہیں۔ وہ اپنی مرضی کے بینچ بنواتے ہیں اور

جنگل میں ایک دن رات کی تاریکی میں ایسی مہیب آواز بلند ہوئی کہ پاس سے گزرنے والا خرگوش خوفزدہ ہو کر وہیں جم گیا۔ کچھ دیر بعد دم میں دم آیا تو سر پر پاؤں رکھ کر بھاگ نکلا۔ پھر وہاں سے ایک ہرن کا گزر ہوا۔ خوفناک آواز ایسے زور سے گونجی کہ اس کے اوسان خطا ہو گئے اور وہ الٹے پاؤں واپس ہوا۔ پھر ایسا ہوا کہ وہاں سے ایک بھیڑیے کا گزر ہوا۔ ایسی زور

آج کل آسٹریلیا والوں کی ویڈیو اور تصاویر نیٹ پر دکھائی دے رہے ہیں جن میں وہ جوتے میں قیمتی شرابیں انڈیل کر پی رہے ہیں۔ اسی سے آپ کو اندازہ ہو جانا چاہیے کہ پاکستان میں ہم کتنی شاہانہ زندگی بسر کر رہے ہیں۔ دودھ دہی فالودہ لسی سب پینے کے لیے ہمارے پاس درجنوں گلاس اور کپ موجود ہوتے ہیں۔ اور ادھر ان نام نہاد ترقی یافتہ ممالک میں یہ حال ہے کہ ان غریبوں کے پاس بیش قیمت شراب پینے کے لیے کپ تک نہیں ہے۔ گمان ہے کہ یہ جوتے بھی انہوں نے کچرے کے ڈھیر سے اٹھائے ہوں گے۔ خریدنے کے پیسے تو ظاہر ہے کہ ان کے پاس نہیں ہوں گے۔

آج شام سے عزت مآب چیف جسٹس ثاقب نثار، عزت مآب جج نہیں رہیں گے مگر یہ بات تو ثاقب نثار کے بدترین مخالف بھی مانیں گے کہ انہوں نے اپنا نام تاریخ میں رقم کروا لیا ہے۔ یہ امر بحث طلب ہے کہ روشنائی کی رنگت سنہری تھی یا گن پاؤڈر بلیک، لیکن اس میں کلام نہیں کہ تاریخ کے پنوں پر ان کا نام پاکستانی تاریخ کے لافانی جج مسٹر جسٹس منیر سے دو قدمچے اوپر ہی لکھا جائے گا۔ یہ امر ہرگز بھی بحث طلب نہیں ہے کہ جسٹس ثاقب نثار نے جسٹس منیر سے کہیں بڑھ کر ملک کے وسیع تر مفاد کو سمجھا اور اس کے مطابق ان سے بڑھ کر فیصلے دیے۔

مختلف مولوی حضرات اور عام افراد کا بیان تو آپ نے بارہا سنا ہی ہو گا کہ پاکستان میں اسلامی نظام نافذ ہونا چاہیے۔ اس کے نتیجے میں تمام برائیاں ختم ہو جائیں گی۔ مگر کیا آپ نے کبھی سوچا ہے کہ اسلامی نظام کے نفاذ کا سب سے زیادہ نقصان کسے پہنچے گا اور کون اس کی سب سے زیادہ مخالفت کرے گا؟ لبرل طبقے کو اس کا کوئی خاص نقصان نہیں پہنچے گا۔ لبرل پارٹیاں تو قدامت پرست

آج کل قوموں کے عروج و زوال پر نگاہ رکھنے والے علما پریشان ہیں کہ جدید ٹیکنالوجی کے ہتھے چڑھ کر نئی نسل گمراہ ہو رہی ہے۔ وہ لہو لعب میں پڑ چکی ہے۔ نیک اعمال کی راہ ترک کر چکی ہے۔ بلکہ انتہا ہی کہ کفار کے پروپیگنڈے سے اس حد تک گمراہ ہوئی ہے کہ اسے حیات بعد الموت پر یقین ہی نہیں رہا ہے۔ کہتی ہے کہ جو ہے اسی دنیا میں ہے۔ مولانا طارق جمیل جیسی

ضیا الدین یوسفزئی صاحب نے ٹویٹ کی ”اوورسیز پاکستانیوں کے مہنگائی پر صبر کے بھاشن انتہائی مضحکہ خیز ہیں۔ انہوں نے پاؤنڈز/ ڈالر میں کما کر روپوں میں خرچ کرنے کا مزہ تو دیکھا ہے مگر روپوں میں کما کر ڈالر کی قیمتوں سے اشیاء خریدنے کا دکھ نہیں جانتے۔ مہنگائی سے گھائل، افلاس زدہ پاکستانیوں کے زخموں پر نمک پاشی نہ کریں۔“ اس پر ایک سوشل میڈیا بریگیڈ حسب معمول ان پر لعن طعن کرنا شروع ہو گیا۔ اوورسیز

اس مرتبہ امتحان کے ریزلٹ نے دل خوش کر دیا ہے۔ دنیا ہمیں بدنام کر رہی تھی کہ ہم پاکستانی نالائق ہیں۔ لیکن درجنوں بچوں نے گیارہ سو میں سے گیارہ سو نمبر لے کر ان ناقدین کو خاموش کر دیا ہے۔ اور ایسا نہیں ہے کہ یہ بہترین کارکردگی صرف انٹرمیڈیٹ کے بچوں تک محدود ہے۔ یہاں تو پی ایچ ڈی والے پروفیسر حضرات ایک برس میں درجنوں تحقیقی مقالے بھی جمع کرواتے پائے گئے ہیں۔ یعنی دوسرے ممالک

کہا جاتا ہے کہ جب منگولوں نے قونیہ پر حملہ کیا تو اس زمانے کے رواج کے مطابق قونیائی فوجوں کے ہاتھ پاؤں پھول گئے کہ بڑے زبردست ظالم سے پالا پڑا ہے۔ اس لیے انہوں نے گھوڑوں کو تیار کر لیا کہ بس اب دڑکی لگانا برحق ہے۔

ایسے میں شہری ایک ہی کام کرتے ہیں۔ روحانی ہستیوں کے دامن میں پناہ لیتے ہیں۔ انہوں نے فٹ سے ایک درویش پکڑ لیا کہ حضت اب آپ ہی کچھ کریں تو کریں کہ منگول دنیاوی اسباب سے نہیں ٹلتے، روحانی ہی درکار ہیں۔ کوئی معجزہ ہو جائے تو بچت ہو۔

جو شخص بھی سنہ 1988 سے پاکستانی میڈیا ملاحظہ کر رہا ہے وہ یہ جانتا ہے کہ پاکستان کا کرپٹ ترین شخص آصف زرداری ہے۔ سنہ 1988 کی پیپلز پارٹی کی حکومت میں میڈیا پر بتایا گیا کہ آصف زرداری ہر حکومتی کام میں دس پرسنٹ کمیشن لیتے ہیں۔ پھر جب 1993 کی پیپلز پارٹی کی حکومت آئی تو قوم کو بتایا گیا کہ اب ریٹ دس فیصد نہیں رہا، سو فیصد ہو گیا ہے۔ سنہ 2008 کی پیپلز پارٹی