پشاور کے علاقے تہکال کے ایک بد قسمت مکاں کی گڑیا کا نام عیشال تھا یا عشال، اب دو نقطوں کے ہونے یا نہ ہونے سے کوئی فرق نہیں پڑتا۔ کیونکہ اس کے روزہ دار اور خوددار چچا نے اسے حرف غلط کی طرح مٹا دیا ہے۔ آٹھ سالہ عیشال کی معصوم شرارتیں روزہ دار چچا کی نیند میں خلل ڈال رہی تھیں۔ سو اسے ابدی نیند سلانا لازم تھا۔ اس کے خوشی سے بھرپور قہقہے ہر وقت برا فروختہ

صادق و امین وزیراعظم نے اگر جیو چینل، انتظامیہ اور مالک کے حوالے سے دیے گئے اپنے سابقہ بیانات سے تائب ہو کر تاریخی یو ٹرن لینا ہی تھا تو تھوڑی سی اخلاقی جرات کا مظاہرہ کرتے ہوئے ان بیانات کی وضاحت یا از سر نو ضرورت کے مطابق کوئی انوکھی توجیہ ہی کر دیتے۔ غدار اچانک وفاداربن ہی گئے تھے تو وزیر اعظم کو چاہیے تھا کہ اپنے پرانے الزامات واپس لے لیتے۔ حامد میر جیسے ملک دشمن اور

صدر پاکستان نے علمائے کرام سے مشاورت کے بعد رمضان المبارک میں نمازوں، نماز جمعہ اور نماز تراویح کے اہتمام کی مشروط اجازت دے دی ہے۔ بیس نکاتی اعلامیے میں بیشتر ایسے نکات شامل ہیں جن کا کما حقہٗ پورا ہونا، نہ نو من تیل ہو گا نہ رادھا ناچے گی، کے مصداق ہے۔ ریاست اور حکومت اگر بار دیگر مذہبی رومانویت کے سامنے لم لیٹ ہو گئی ہے تو اس میں اچنبھے کی کوئی بات نہیں ہے۔ آج کے

حال ہی میں نئے پاکستان کے خالق، جادو ٹونے اور جادو کی چھڑی کی مشترکہ کامیاب پروڈکشن کے شاہکار ہمارے وزیر اعظم کی ایک ویڈیو وائرل ہوئی ہے جس میں موصوف ہاتھ میں تسبیح اور عوام کو رولتے ہوئے انتہائی روہانسی شکل بنائے کرسی پر بیٹھے دیکھے جا سکتے ہیں۔ رونے کی اداکاری اور ریاکاری میں موصوف مکمل ناکام دکھائی دے رہے ہیں البتہ کیمرہ مین کا فن پورے جوبن پر ہے جنہوں نے شنید ہے زمین پر لیٹ کر

غالباً 2016 میں کپتان نے کے پی میں تحریک انصاف کی بری کارکردگی کو دیکھتے ہوئے یہ اعتراف کیا تھا کہ اللہ کا شکر ہے کہ 2013 میں ہمیں پورے ملک کی حکومت نہیں ملی ورنہ نا تجربہ کاری، نالائقی اور غیر سنجیدہ رویے کی وجہ سے ہم پورے ملک کا بھٹہ بٹھا دیتے۔ ہمیں نہیں معلوم کہ کپتان کے اس اعتراف شکست کے محض دو سال بعد ہی مقتدر طاقتوں نے کیا دیکھ اور سوچ کر پورے ملک کا

ضلع پونچھ (راولاکوٹ) تحصیل ہجیرہ گاٶں سیراڑی کا ایک چھوٹا سا قدرتی مناظر سے معمور قصبہ ہے۔ عبدالقدیر عرف مکھن اس قصبے کے ایک چھوٹے سے کچے مکان کا باسی تھا۔ عمر چالیس پینتالیس سال۔ ذریعہ روزگار دیہاڑی داری (مزدوری) مگر کرونا نے سب کام دھندے ٹھپ کر رکھے تھے۔ جس کی وجہ سے مکھن کو گزشتہ دس دن سے کوئی کام نہیں ملا تھا۔ سو وہ اپنی اہلیہ اور تین بھول سے بچوں کے ساتھ فاقہ کشی پر مجبور تھا۔ ننھے بچوں کی حالت زار والدین کے لیے سوہان روح تھی۔

میں اس کہنہ سال و بے بس بڑے میاں کا نام نہیں جانتا۔ شاید میو ہسپتال کا طبی عملہ بھی اس کے نام سے واقف نہیں۔ جہاں وہ گئی شب ایڑیاں رگڑ رگڑ کر واش روم کے فرش پر دم توڑ گیا اور اس کے بے دم ہوتے ہی انسانیت بھی دم توڑ گئی۔ وہ زندہ دلوں کے شہر لاہور کی کسی دور افتادہ گلی کے کسی خستہ مکاں کا مکیں تھا۔ بے اماں اور تہی داماں تھا۔ کرونا کی

ہماری قوم مجموعی طور پر بھیڑ چال کا شکار ہے۔ جہاں اندھی تقلید پرستی، مکھی پہ مکھی مارنے کی روش اور ڈھیروں فکری مغالطے ڈیرہ جمائے بیٹھے ہوں وہاں بعض کلیشے، تراکیب اور جملے اس قدر زبان زد خاص و عام ہو جاتے ہیں کہ کچھ عرصے بعد اس قوم و معاشرے کا ٹریڈ مارک بن جاتے ہیں اور سادہ لوح، معصوم اور فہم و فراست سے عاری لوگ بغیر سوچے سمجھے محل و بے محل ان کا پرچار کرتے

دعا اللہ اور بندے کے درمیان تعلق کا نام ہے یہ تعلق جس قدر توانا ہو گا دعا میں اسی قدر تاثیر ہو گی۔ دعا عالم تنہائی میں مکمل توجہ اور یکسوئی سے خالق حقیقی کے دربار میں بھیجی جانے والی مخلص درخواست ہے۔ دعا میں مسجع و مقفیٰ اسلوب، شکوہٍ الفاظ و تراکیب، نادر تشبیہات و استعارات اور شاعرانہ زبان و بیان کے اہتمام کی ضرورت تو کجا، الفاظ کی بھی حاجت نہیں ہوتی۔ دعا تو عالم جذب و

آج وزیر اطلاعات فردس اعوان سمیت حکومت کے وزرا، اراکین اور ترجمان شیریں بیان نیچی نظروں، جھکی گردنوں اور خمیدہ کمروں کے ساتھ ماضی قریب کے اپنے وہ بلند بانگ دعوے، اعلانات اور غرور و تکبر میں ڈوبے ہوئے بیانات کی بازگشت سن کر اپنے نیم مردہ ضمیروں پر ہلکا پھلکا ہی سہی ایک بوجھ تو محسوس کر رہے ہوں گے جو انہوں نے نواز شہباز کی لندن روانگی کے بعد تواتر اور تسلسل سے دیے ہیں۔ یہ یہ لوگ

کرونا وائرس کی یلغار اور وقت کی پکار کی وجہ سے دنیا بھر کے مذاہب کے عبادت خانوں کی بندش پر لکھے گئے راقم کے کالم اور اس موضوع پر صفحہٕ قرطاس کے حوالے کی گئی دوسری جاندار اور شاندار تحریروں کے جواب میں رقم کیے گئے زیادہ تر تبصرے مثبت، معقول اور منطقی ہیں مگر کچھ روایتی مذہبی ٹھیکیدار اور کٹھ ملا قسم کے لوگ بری طرح پیچ و تاب کھا رہے ہیں۔ دلیل کے بجائے غلیل اور استدلالی

نواز شریف کو علاج کی غرض سے لندن گئے دو ماہ سے زائد ہو چکے ہیں۔ عدالت نے ان کو علاج معالجے کے لیے چار ہفتے کی ضمانت پر باہر بھیجا تھا جس میں ایک بار توسیع ہو چکی ہے۔ گذشتہ دنوں پنجاب حکومت کی کمیٹی نے وزیر اعظم عمران خان کے دباٶ پر نواز شریف کی مزید توسیع سے انکار کر دیا۔ اس حوالے سے لندن سے آنے والی نواز شریف کی تازہ ترین میڈیکل رپورٹس کو مسترد کر

گنگا جمنی تہذیب کا نمائندہ شہر دلی ایک بار پھر فسادات کی زد میں ہے۔ تاریخی اور تہذیبی ورثے کی عظیم نشانی پھر نوحہ کناں ہے۔ میر نے دلی کے جن کوچوں کو اوراق مصور اور خو بصورت شکلوں کو تصویریں قرار دیا تھا، آج وہ کوچے انسانی خون سے لہو رنگ ہیں۔ سڑکیں سنسان، گلیاں سہمی ہوئی، مکان خاموش، مکیں خوفزدہ، لوگ ہراساں، انسانیت برہنہ اور جگہ جگہ مظلوموں کی سسکیاں، چیخیں اور آہ و بکا۔ گلی گلی آباد

غالباً یہ 2009.10 کی بات ہے۔ ان دنوں معروف اینکر پرسن اور کالم نگار جناب آفتاب اقبال جیو چینل پر حسب حال کے نام سے شو کیا کرتے تھے۔ اپنے شوز میں اکثر نامور سیاستدانوں کی ڈمیز بنا کر ان سے چھیڑ چھاڑ کیا کرتے تھے۔ آفتاب اقبال ایک اعلٰی تعلیم یافتہ، تجربہ کار اور حالات حاضرہ پر گہری نظر رکھنے والے صحافی ہیں۔ ٹی وی پروگروم سے قبل وہ روزنامہ نوائے وقت میں اسی ٹائٹل کے تحت ہلکا پھلکا

منتوں اور جتنوں سے لایا جانے والا کپتان تباہ دیلیوں کے نت نئی اور مہان قسم کے ریکارڈز بناتا چلا جا رہا ہے۔ ایسے ریکارڈ جو پاکستان کی سیاسی تاریخ میں ایک عرصے تک برقرار رہیں گے کیونکہ اب شاید ہی ہمارے درمیان ایسا نابغہٕ روزگار اور مرغ دست آموز قسم کا وزیر اعظم آئے جو اس قدر گراس لوٹ لیول تک جا کر غریبوں کی خدمت کا فریضہ انجام دے سکے۔ کپتان جب موٹر ویز کی جگہ لنگر خانوں،

چند سال پہلے کا واقعہ ہے۔ راولپنڈی کے ایک پرائیویٹ کلینک کے آپریشن روم کے باہر بارہ پندرہ مرد و خواتین جمع تھے۔ اندر ایک خاتون کا سیزیرین ہو رہا تھا۔ باہر موجود تمام لوگ اس خاتون کے قریبی عزیز تھے اور ہر ایک کی خواہش تھی کہ پہلی اولاد نرینہ ہو۔ لہٰذا سبھی دست بدعا تھے کہ اللہ تعالٰی بیٹے کی دولت سے نوازے۔ ہمارے معاشرے میں اولاد نرینہ کی خواہش فطرت ثانیہ بن کر سماجی بیماری کی شکل

ہمیں کل سے ایک کر نل صاحب کا یہ جملہ بے طرح یاد آ رہا ہے کہ لشکر طیبہ کو وردی پہنا لیں تو پاک آرمی اور پاک آرمی کی و ردی اتار دیں تو لشکر طیبہ کے سرفروش مجاہدین بن جاتے ہیں۔ یہ معنی خیز جملہ انہوں نے 2014 میں ارشاد فرما یا تھا اور ہم بھی زیر لب مسکرا کے رہ گئے تھے۔ انسداد دہشت گردی کی خصوصی عدالت کے جج ارشد حسین بھٹہ نے کالعدم جماعت الدعوہ

مظفر آباد میں یوم یکجہتی کشمیر کی تقریب سے خطاب کرتے ہوئے ہمارے صادق و امین کپتان نے جبر ناروا سے مفاہمت کرنے سے صاف انکار کر دیا ہے۔ تفصیل اس اجمال کی یہ ہے کہ جب آزاد کشمیر کے وزیر اعظم نے کپتان کو کشمیر کے مسئلے پر اپوزیشن جماعتوں سے مفاہمانہ اور دوستانہ فضا پیدا کرنے کا مشورہ دیا تو کپتان نے غیرت ملی اور خودداری کا مظاہرہ کرتے ہوئے مشہور شاعر عدیم ہاشمی کی غزل کا یہ

ہم ہر سال 5 فروری بڑے جوش و خروش سے مناتے ہیں۔ کشمیریوں سے اظہار یکجہتی کرتے ہیں۔ چکوٹھی سے تیتری نوٹ اور کراچی سے خیبر تک انسانی ہاتھوں کی زنجیر بناتے ہیں۔ مذہبی، سیاسی، سماجی تنظیمیں ریلیاں، سیمینار اور تقریبات منعقد کرتی ہیں۔ دھواں دھار تقریریں اور خطابات ہوتے ہیں۔ روایتی کشمیری لباس میں ملبوس طلبہ و طالبات ملی نغموں اور ٹیبلوز اور ڈراموں کے ذریعے مقبوضہ کشمیر میں جاری مظالم کی تصویر کشی کرتے ہیں۔ آزاد کشمیر اور

تبدیلی سرکار نے مہنگائی کی تلوار مسلسل لٹکا رکھی ہے۔ ٹیکسز کی بھرمار ہے۔ مہنگائی نو سال کی بلند ترین سطح پر ہے۔ مزید اٹھارہ فیصد عوام غربت کی لکیر سے نیچے جا چکے ہیں۔ ادارہ شماریات کی رپورٹ ہوش ربا اور چشم کشا ہے۔ گذشتہ ایک سال کے دوران میں مہنگائی، بے روزگاری، افلاس اور افراط زر کے سونامی نے پاکستانیوں کو زندہ درگور کر دیا ہے۔ پاکستان کا جی ڈی پی افغانستان کے جی ڈی پی سے بھی

گزشتہ دنوں پی ٹی ایم کے نو جوان رہنما منظور پشتین کو پشاور سے کئی ساتھیوں کے ہمراہ گرفتار کر لیا گیا ہے۔ ان کی گرفتاری کی وجوہات کی تفصیلات ابھی سامنے نہیں آ سکیں۔ محسن داوڑ اور علی وزیر نے ان کی گرفتاری پر ردعمل دیتے ہوئے انہیں فی الفور رہا کرنے کا مطالبہ کیا ہے۔ پشتون تحفظ موومنٹ ایک پر امن، محب وطن اور آئین و قانون کی بالادستی پر یقین رکھنے والی سماجی حقوق کی تنظیم ہے

سوائن فلو، برڈ فلو، ڈینگی وائرس اور کانگو وائرس کی تباہ کاریوں کے بعد دنیا آج کرونا وائرس کی زہر ناکیوں اور سنگین خطرات سے دوچار ہے۔ پچھلے دو ہفتوٗں کے دوران میں چین میں اس مرض یا وبا سے دو سو سے زائد افراد لقمہٕ اجل بن چکے ہیں اور پانچ ہزار سے زیادہ لوگ اس سے متاثرہ ہیں۔ چین سے ملحقہ ممالک مثلاً نیپال، آسٹریلیا، تائیوان، جاپان، بھارت، پاکستان، تھائی لینڈ، جنوبی کوریا، سری لنکا اور بنگلہ دیش

ٹرانسپرنسی انٹرنیشنل کی تازہ رپورٹ کے مطابق پاکستان نے ایک پیج والی حکومت کے سنہری دور میں کرپشن میں گذشتہ سال کے مقا بلے میں تین درجے ترقی کر کے جدید ریاست مدینہ والوں کے منہ پر زوردار طمانچہ رسید کیا ہے۔ دس سال میں پاکستان پہلی بار کرپشن میں آگے بڑھنے کے بجائے پیچھے گیا۔ ایک سو اسّی ملکوں کی فہرست میں 2018 میں کرپشن انڈیکس میں پاکستان کا نمبر 117 تھا جبکہ عمران خان کی بنائی ہوئی ریاست

آٹے کے گھاٹے پر ایوب دور میں انقلابی شاعر حبیب جالب نے سناٹے کا نوحہ پڑھا تھا۔ اس سے قبل یہی کردار مشرف دور میں آٹا آٹا کرتے حکومت کو ٹاٹا کر چکے ہیں۔ اب تک کا سیاسی منظر نامہ ہمارے گذشتہ تجزیوں بلکہ پیش گوئیوں کے مطابق چل رہے ہیں۔ جناب وزیر اعظم آج کل موجودہ پی ایم ہاٶس اور مجوزہ یونیورسٹی کے وسیع و عریض اور سر سبز و شاداب لان میں بیٹھ کر دھوپ تاپنے کو ہر

مہنگائی، بے روزگاری، کساد بازاری، افراتفری اور معاشی بد حالی کے قہر مسلسل اور جبر ناروا کے ہاتھوں اگر ہمارا مٶرخ بچ نکلا اور اس کے حواس بھی قائم رہے تو تو ضرور لکھے گا کہ کپتان نظام سقہ سے بھی چار ہاتھ آگے کی چیز تھا۔ خدا خدا کر کے اس مفلوک الحال، بے بس اور مجبور قوم کی جان ورلڈ کپ، شوکت خانم ہسپتال، نمل یونیورسٹی، کٹے، کٹیوں، مرغیوں، انڈوں، یو این کی تقریر اور کپتان کی موری

جو لوگ نواز شریف کو ولی اللہ، پہنچا ہوا بزرگ اور قطب دوراں سمجھتے تھے وہ جان لیں کہ نواز شریف ایک انسان ہے۔ جو لوگ نواز شریف کو نطشے کا سپر میں یا اقبال کا تصوراتی و تخیلاتی مرد مومن سمجھتے تھے وہ بھی جان لیں کہ نواز شریف ایک انسان ہے۔ جو لوگ نواز شریف کو دیوتا سمجھ کراس کی پوجا کرتے تھے وہ بھی جان لیں کہ نواز شریف ایک انسان ہی ہے۔ جو لوگ نواز شریف

سروسز ایکٹ ترمیمی بل قومی اسمبلی سے بھاری اکثریت سے منظور ہونے کے بعد سینیٹ سے بھی منظور ہو گیا۔ سینیٹ کے تمام اراکین نے ترمیمی بل کے حق میں ووٹ دیے اور کسی نے مخالفت نہیں کی۔ سو اس طرح ”وقار“ کاجو معاملہ ”عظمٰی“ نے پارلیمان کے حوالے کیا تھا وہ ہمارے محب وطن اور جاں باز قسم کے پارلیمانی اراکین نے بھاری اکثریت سے منظور کر کے ”وقار“ کو مزید سربلند کر دیا۔ ”دشمن“ کو ایک بار پھر

بچپن کے دنوں کی بات ہے کہ ایک مرتبہ ہم اپنے استاد کزن کے ساتھ جا رہے تھے کہ سر راہ ایک جوان رعنا نے نہایت عجز و انکسار سے انہیں جھک کر فرشی سلام کیا۔ کزن نے خوشی اور تجسس کے ملے جلے تاثرات سے اس کے سلام کا جواب دیا اور سر پر دست شفقت پھیرا۔ نوجوان نے ہمارے کزن کی بدن بولی اور چہرے کے تاثرات سے اندازہ لگا لیا کہ استاد محترم نے انہیں ٹھیک سے

ن لیگ کے ایکسٹینشن کے حق میں ووٹ دینے کے فیصلے پر تین طرح کے ردعمل سامنے آ رہے ہیں۔ پہلا یہ کہ نواز شریف نے ووٹ کو عزت دو کے مشہور بیانیے سے نہ صرف رجوع کر لیا ہے بلکہ اپنی زندگی کا سب سے بڑا یو ٹرن لیا ہے۔ بلا شبہ یہ فیصلہ ملک کی جمہوریت پسند اور سول بالادستی کا خواب دیکھنے والوں کے منہ پر زوردار طمانچہ ہے۔ اگر سول بالادستی کا نعرہ لگاتے ہوئے عوام

مانسہرہ کے مدرسے میں پیش آنے والا اندوہناک واقعہ اسلام کے قلعے کا نہ پہلا واقعہ ہے اور نہ آخری۔ اس طرح کے سیکڑوں نہیں ہزاروں واقعات آئے دن وقوع پذیر ہوتے رہتے ہیں۔ کتنے ہی شمس الدین قرآن کا نور پھیلانے کے نام پر ہر روز نحوست اور تاریکی پھیلا رہے ہیں۔ شرعی حلیے کے اندر ایک خونخوار بھیڑیا ہوتا ہے جو ننھی اور معصوم جانوں کے پھول جیسے جسموں کو بھنبھوڑتا، نوچتا اور کاٹتا رہتا ہے۔ ذرا تصور

پچھلے دنوں وزیر اعظم پاکستان نے چیف جسٹس کو مخاطب کرتے ہوئے کہا تھا کہ وہ پاکستان میں طاقت ور اور کمزور کے انصاف میں تفاوت ختم کر کے اس میں تطابق اور ہم آہنگی پیدا کریں۔ وزیر اعظم جب یہ مطالبہ کر رہے تھے تو ان کے ذہن میں یقینی طورپر ن لیگ اور پی پی کی قیادت تھی۔ ان کے وہم و گمان میں بھی نہیں تھا کہ چند دن بعد خصوصی عدالت جنرل مشرف کو آرٹیکل 6

ابھی وزیر اعظم عمران خان کی صدائے باز گشت فضا ہی میں تھی کہ عدالتوں نے طاقتوروں کے خلاف پے در پے فیصلے دینا شروع کر دیے۔ ہم جتنی جلد یہ فیصلہ کر لیں گے کہ طاقت کے قانون کے بجائے قانون کی طاقت کو اپنا اوڑھنا بچھونا بنانا اتنا ہی جلدی مہذب اور ترقی یافتہ ممالک کی فہرست میں شامل ہو جائیں گے۔ راقم الحروف نے کچھ روز قبل اپنے کالم میں لکھا تھا کہ بابا ئے جمہوریت نواب

نئے پاکستان کے نقشہ نویس، انجینئرز، معمار اور کارکنان پہلے نہایت پر جوش اور ولولہ انگیز تھے۔ دشمن کو ووٹ کی طاقت سے شکست دے کر خاکی جمہوریت نے نعرہٕ مستانہ بلند کیا کہ وتعز من تشا وتذل من تشا۔ پھر ایک پیج کا تحفہ اور ڈھیر ساری ضمانتیں لے کر نئی نویلی حکومت نئے پاکستان کی تعمیر کے سفر پر چل پڑی۔ آغاز سفر میں سرپرستوں کا سایہ، فطری جوش و خروش، اقتدار کا نشہ، کرسی کی سرشاری، اختیارات

کیا کبھی آپ نے کسی ایسے شخص کی حالت دیکھی ہے کہ جو کوئی بہت بڑی خوشی ملنے پر زندگی سے بھرپور زوردار قہقہہ لگانا چاہے مگر اسی لمحے کسی ان جانے خوف یا وضع احتیاط کی وجہ سے وہ قہقہ حلق میں بے بسی کی چیخ بن جائے؟ مسرت بے پایاں کی وجہ سے جس کا والہانہ رقص مرگ انبوہ کے ماتم میں بدل جائے؟ جو ایک دنیا کو چیخ چیخ کر اپنی شاندار کامیابی کے بارے میں بتانا

صاحبانِ من! تمام معاملات طے شدہ منصوبہ بندی کے تحت ہو رہے ہیں۔ ہم نے کچھ دن پہلے بھی لکھا تھا کہ مولانا کا دھرنا دو اڑھائی ہفتے کی رونق کے بعد بغیر بڑی کامیابی کے ختم ہو جائے گا۔ نواز شریف بغیر ڈیل کے علاج کے لیے باہر چلے جائیں گے اور حکومت اپنا سر پیٹتی رہ جائی گی۔ تین چار ماہ کے بعد نواز شریف رو بہ صحت ہو کر واپس آ جائیں گے اور نا اہلی، نالائقی

ایک آدمی کے ہاتھ کسی طرح الہٰ دین کا چراغ لگ گیا۔ اس نے چراغ رگڑا تو فوراً ایک دیو ہیکل جن یہ کہتا ہوا حاضر ہو گیا کہ کیا حکم ہے میرے آقا؟ اس پر خواہشات کے مارے شخص نے جن کو حکم دیا کہ میرے لیے فوراً ایک عالیشان محل تعمیر کرو۔ دوپہر کا وقت تھا۔ چلچلاتی دھوپ تھی۔ جن نے شاید بھرپور لنچ کے بعد کئی ڈرم لسّی کے بھی چڑھا رکھے تھے اس لیے سستی اور

دنیا میں پیسہ کمانے کے بے شمار طریقے ہیں۔ مختلف پیشوں سے منسلک اہلکار مختلف طریقوں سے دام اور نام کماتے ہیں۔ کچھ باعزت طریقے ہیں اور کچھ شرف آدمیت اور اخلاقیات سے گرے ہوئے انداز ہیں۔ حلال کی کمائی کا پہلا اصول ہی یہ ہے کہ اہلکار یا ملازم مکمل دیانتداری اور تندہی سے پیشہ ورانہ ذمہ داریاں پوری کرے جس کے صلے میں اسے طے شدہ معاوضہ یا اجرت ملتی ہے۔ جائز طریقے سے کمائی گئی رقم کو

آج کل ملک میں نواز شریف کا نام ای سی ایل سے نکالنے کا مسئلہ پیچیدہ ترین مسئلہ بن چکا ہے۔ یہ کیسی ای سی ایل ہے جس سے نواز شریف کا نام نکلنے کا نام ہی نہیں لیتا۔ حالانکہ اس سے پہلے اسی حکومت میں زلفی بخاری کا نام ائیر پورٹ پر کھڑے کھڑے مکھن سے بال کی طرح نکلوا لیا گیا تھا۔ نہ جانے اس کے پس پردہ ”جادو کی چھڑی“ تھی یا بنی گالہ کی روحانی قوتوں

مرد آہن میاں نواز شریف نے نیب عدالت میں پیشی کے موقع پر اکبر الہ آبادی کا مشہور شعر پڑھ کر فیصلہ سازوں کو ببانگ دہل یہ پیغام دیا ہے کہ وہ اپنی جان تو دے دیں گے مگر غیر جمہوری طاقتوں کے سامنے کبھی نہیں جھکیں گے۔

اکبر نے سنا ہے اہل غیرت سے یہی
جینا ذلت سے ہو تو مرنا اچھا

انسان کی معلوم تاریخ کے پانچ ہزار برس کے دوران میں دنیا بھر میں تقریباً چودہ ہزار سے زائد جنگیں لڑی گئیں، جن میں چار بلین انسانی جانیں تلف ہوئیں، کروڑوں لوگ زخمی اور بے گھر ہوئے ہیں۔ بیسویں صدی میں دو بڑی عالمی جنگیں لڑی گئیں جن میں ساٹھ ملین لوگ لقمہ اجل بنے اور ایک سو دس ملین معذور ہوئے۔ بے گھری اور بربادی کا عذاب سہنے والے بھی کروڑوں میں ہیں۔ انسانی تاریخ کی عظیم و مشہور

ہم تو پہلے ہی بنی گالہ کی روحانی طاقتوں کے قائل بلکہ گھائل تھے۔ یہ وہی طاقتیں ہیں جنہوں نے جناب عمران خان کو نہ صرف پاکستان کی وزارت عظمٰی کی مسند پر براجمان کیا بلکہ انہیں دنیا بھر کی کرشماتی اور کراماتی شخصیت بنا دیا۔ بنی گالہ کی طاقتوں کی نظر کا فیض بجا طور پر جناب وزیر اعظم کی ذات و حیات کے تاریک گوشوں کو منور کرنے لگا ہے اور سنا ہے ان کی شخصیت میں پراسرار

تاریخ شناسی اور ”تاریخ سازی“ میں فرق کرنا ہو تو عدنان کاکڑ صاحب سے زیادہ با اعتماد اور بھروسے والا آدمی کون ہو سکتا ہے، جو کئی نو آموز کالم نگاروں کے علاوہ بے شمار کہنہ مشق اور تجربہ کار لکھاریوں کو ”تاریخ سازی“ کرتے بارہا رنگے ہاتھوں پکڑ چکے ہیں۔ ہم بھی ایک دو بار لائیو ان کے ہتھے چڑھ چکے ہیں جس کے بعد ہمارے چودہ میں سے کم ازکم سات طبق تو موقع پر روشن ہو گئے

وزیر اعظم پاکستان کی طرف سے جنرل اسمبلی میں کی جانے والی تقریر کئی حوالوں سے قابل تعریف تھی۔ اس میں جوش تھا، دردمندی تھی، خلوص تھا، سوز و گداز تھا، دھوم دھام تھی، دھمکی تھی، دھونس تھی، خود اعتمادی تھی، رعب و دبدبہ تھا، طنطنہ تھا، رنجش تھی وغیرہ۔ مسئلہ کشمیر کو بھی اٹھایا گیا مگر تاریخی شعور کے بغیر۔ امت مسلمہ کے جذبات کو دیکھتے ہوئے مذہب اور امت مسلمہ کو ایک بار پھر بیساکھی بنایا گیا۔ لگتا ہے کہ کپتان میں ٹیپو سلطان، حیدر علی، عبدالحمید ثانی، جمال الدین افغانی، علامہ اقبال، ذوالفقار علی بھٹو اور شاہ فیصل کی روحیں حلول کر گئی ہیں۔

وزیراعظم پاکستان نے سعودی عرب اور امریکہ کے اہم دوروں سے قبل کہا ہے کہ پاکستان اور آزاد کشمیر سے جو لوگ جہاد کے نام پر لڑنے کے لیے مقبوضہ کشمیر جائیں گے وہ مقبوضہ کشمیر کے مسلمانوں پر ظلم کریں گے اور پاکستان کے بھی دشمن ہوں گے۔ امریکی صدر نے وزیر اعظم پاکستان کے اس بیان کو بہت سراہا ہے تاہم پاکستان کے جہادی عناصر نے ان کے اس بیان کی شدید مذمت کی ہے۔ جماعت اسلامی کے

ان دنوں ایک مرتبہ پھر ڈیل اور ڈھیل کی خبریں زوروں پر ہیں۔ نواز شریف کے مخالفین ان پر حکومت سے بارہ ارب ڈالرز کے بدلے بیرون ملک روانگی کا پروانہ حاصل کرنے کی مصدقہ اور مستند خبروں پر مصر ہیں۔ دوسری طرف نواز شریف کے حامی مسلسل کہہ رہے ہیں کہ اب کی بار ڈیل کی حاجت نواز شریف کو نہیں بلکہ لاڈلوں اوران کی کٹھ پتلی حکومت کو ہے۔ جج ارشد ملک کی ویڈیوز آنے کے بعد نواز فیملی اور سابق حکمران جماعت کے خلاف رچائے گئے احتساب ڈرامے کی رہی سہی ساکھ بھی ختم ہو گئی ہے۔

بجا کہ سپریم کورٹ کے جج صاحبان کے سر جج ارشد ملک کے مس کنڈیکٹ کی وجہ سے جھکے ہوئے تھے مگر زبانیں کیوں خاموش تھیں۔ ضمیر پر بوجھ کا اندیشہ ضرور ہو گا مگر پچیس صفحات پر مشتمل فیصلے یا ان کے چیدہ نکات عدالت مین بتانے میں کیا  امر مانع تھا؟ کیا اب یہ سمجھا جائے کہ جن فیصلوں سے نواز شریف کے موقف کی جزوی اصابت کا اشارہ بھی ملے گا وہ ویب سائٹ پر ڈال دیے

آخر کار وزیر اعظم نے عین توقع کے مطابق آرمی چیف کی مدت ملازمت میں توسوسیع کر دی ہے۔ باخبر حلقوں اور راز درون خانہ سے آشنا لوگوں کے علاوہ سارا پاکستان جانتا تھا کہ جنرل باوجوہ کو توسیع دینے کا فیصلہ کیا جا چکا ہے۔ جن چند عاقبت نا اندیش اور وقت کی نبض سے نا آشنا سادہ لوح پاکستانی وزیراعظم کے پچھلے بیانات کی بنیاد پر اس توسیع میں شک و شبہ کا اظہار کر رہے تھے کہ شاید کپتان صاحب پہلی اور آخری بار یو ٹرن نہ لے کر اپنے چاہنے والوں کو سرخرو کر لیں مگر بدقسمتی سے ایسا نہ ہو سکا۔ مگر ان کو بھی امریکہ میں جنرل صاحب کی غیر معمولی پذیرائی کے مناظر دیکھ کر یقین ہو گیا تھا کہ اب مدت ملازمت میں توسیع یقینی امر ہے کیونکہ امریکہ میں تین ماہ بعد ڈوبنے والے ممکنہ ستاروں کا اس شاہانہ انداز سے استقبال نہیں کیا جاتا۔

رواں ہفتے ہم نے آزادی کی سالگرہ منائی۔ جدید قومی ریاستوں کے دور کے آغاز کے بعد روئے زمین پر بے شمار قومیتوں، مذہب کے ماننے والوں اور نسلوں نے خود پر اور وسائل پر مسلط و متصرف طاقتوں سے آزادی حاصل کر کے مذہب، رنگ، نسل، زبان وغیرہ کی بنیاد پر جغرافیائی اور نظریاتی سرحدوں کا تعین کر کے الگ مملکت کا قیام عمل میں لایا۔ غلام داری دور کہ جس میں انسانوں کی جانوروں کی طرح خرید و فروخت

کشمیر کے ساتھ ہماری جذباتی اور مثالی وابستگی کی بات الگ ہے مگر راقم نے جب بھی مسئلہ کشمیر کو اس کے مذہبی، تاریخی، روایتی اور جغرافیائی مباحث کی روشنی میں دیانتداری اور حقیقت پسندی سے دیکھنے کی کوشش کی ہے بقول منیر نیازی یہ قابل رحم، مخدوش اور تلخ صورت حال ہی سامنے آئی ہے کہ تھا منیر آغاز ہی سے راستہ اپنا غلط اس کا اندازہ سفر کی رائگانی سے ہوا کشمیر میں جو کچھ ہوا اس پر

میر حاصل بزنجو کی سعی کیا سعی لا حاصل ہی رہے گی یا ہماری سیاست، صحافت اور عدالت و دوسرے ادارے طاقتوروں کے زبردست اثر سے باہر نکلنا شروع ہو جائیں گے؟ انہیں بھی اس جرات رندانہ اور نعرہ مستانہ پر نواز شریف، مریم نواز، جسٹس قاضی فائز عیسٰی، محسن داوڑ، علی وزیر، جسٹس شوکت صدیقی، جسٹس کے کے آغا اور رانا ثنا اللہ کی طرح نشانِ عبرت بنانے کی بھونڈی کوشش کی جائے گی یا ان سے کچھ رعایت

سینیٹ کے چئیر مین کے خلاف متحدہ اپوزیشن کی تحریک عدم اعتماد ناکامی سے دوچار ہوئی مگر موجودہ حکومت کے چہرے سے جمہوری حکومت کی رہی سہی برائے نام ملمّع کاری کا بھرم بھی جاتا رہا۔ میری طرح بے شمار لوگوں کا یہ خیال تھا کہ اگر صادق سنجرانی ووٹنگ سے پہلے اپنی شکست کے خوف سے مستعفی نہیں ہوتے اور تادم آخریں ڈٹے رہتے ہیں تو اس کا مطلب ہے کہ اپوزیشن کے کچھ لوگ درپردہ اختیاری یا مجبوری کے عالم میں حکومت کے ساتھ رابطہ میں ہیں۔

نواز دور کے کسی ادنٰی یا اعلٰی کارکن و اہلکار کے خلاف کسی امر میں معمولی سی بے ضابطگی کی بو سونگھنے والے صدق و امانت کے پُتلوں اور ان کے سر پرستوں کو جب قلم قبیلے کے سرخیل اور وزیر اعظم کے مشیر و تقریر نویس جناب عرفان صدیقی کے خلاف باوجود بسیار خجل خواری کے کچھ نہ ملا تو انہیں قانون کرایہ داری کی پاسداری نہ کرنے کے جرم کا مرتکب قرار دے کر رات گئے اپنے گھر

کپتان کے حالیہ دورہ امریکہ کے دوران یار لوگوں نے کپتان اور ان کے دورے کے حوالے سے کچھ سچی اور زیادہ تر جھوٹی، من گھڑت اور خود ساختہ خبروں کا ایسا اتوار بازار لگایا کہ راقم بھی ایک لمحے کے لیے سوچنے پر مجبور ہو گیا کہ ا امریکہ چودہ سو بیانوے میں اطالوی سیاح کرسٹوفر کو لمبس نے نہیں بلکہ جولائی دو ہزار انیس میں کپتان نے دریافت کیا تھا۔ دریافت ہی نہیں کیا تھا بلکہ سکندر اعظم

جج ارشد ملک کی ویڈیو کے بعد جس طرح حکومت نے ریاستی اداروں کو نواز شریف فیملی کے خلاف استعمال کر کے اپنے انتقام اور بغض کی آگ کو ٹھنڈا کرنے کی کوشش کی گئی ہے، اس سے فاشسٹ حکومت اور جناب وزیراعظم کی آمرانہ اور منتقم مزاج شخصیت کے گھناؤنے اور سازشی پہلو تو پوری طرح بے نقاب ہوئے ہی ہیں مگر ملک کے لیے اس سے زیادہ تباہ کن اور تشویش ناک بات یہ ہے کہ ریاستی اداروں

قارئین کو یاد ہو گا کہ جب عالمی میڈیا میں پانامہ کا شور اٹھا تو عمران خان وہ پہلے آدمی تھے جنہوں نے بڑی شدو مد اور تسلسل کے ساتھ ہر فورم پر یہ آواز بلند کی تھی کہ کیونکہ ملک کے وزیر اعظم پر کرپشں ن کے الزامات لگ چکے ہیں اس لیے انہیں چاہیے کہ وہ فورا استعفا دے کر عدالتوں کے سامنے پیش ہوں اور اگر عدالتیں انہیں کلین چٹ دے دیں تو وہ وزیر اعظم کے

جج لیکس کے بعد حکومتی، عدالتی اور تخلیقی حلقوں میں نفسا نفسی، افراتفری، آپا دھاپی اور ماتم گساری جاری ہے۔ جن لوگوں نے نواز شریف کو گذشتہ الیکشن میں بھونڈے طریقے سے بہر صورت باہر کرنے کی گھناؤنی سازشوں کے جال بچھائے تھے وہ ایک ایک کر کے بے نقاب ہو رہے ہیں۔ اس کتاب کے بہت سے خفیہ باب کھل رہے ہیں۔ مگر وہ اب بھی آب آب نہیں ہو رہے۔ حقیقت کھل جانے پر بھی حکومتی دسترخوان کے

یہ قانون مکافات عمل ہے، فطرت کا انتقام ہے، گردش حالات کی ستم ظریفی ہے یا سلیکٹڈ اور سلیکٹرز کی بے تدبیری، جعلسازی اور مکرو فریب ہے کہ عین اس وقت جب پاکستان میں ایک نجی چینل پرآغاز ہی میں محترمہ مریم نواز کا انٹرویو بروز بند کروایا جا رہا تھا اسی لمحے لندن میں ڈیفینڈ میڈیا فریڈم کے کے پلیٹ فارم پر دوران تقریب پاکستان کے وزیر خارجہ کو عالمی صحافیوں کے ہاتھوں بے عزت ہونا پڑ رہا تھا۔

یوں تو وطن عزیز میں جمہوری اور غیر جمہوری طاقتوں کی باہمی آویزش اور رسہ کشی شروع دن ہی سے جاری ہے اور اس میں بھی دو آرا نہیں کہ غیر جمہوری طاقتوں نے ہمیشہ جمہوری قوتوں کو بری طرح پچھاڑا ہے مگر گذشہ چار پانچ سال سے یہ کشمکش اور رسہ کشی خاصی شدت اختیار کر چکی ہے۔ یہ بات بھی دلچسپ ہے کہ اس بار جمہوری طاقتوں کی قیادت اس شخصیت اور جماعت کے حصے میں آئی ہے جس پر مسلسل یہ الزام لگتا رہا کہ انہوں نے اپنا سیاسی سفر آمریت کی آغوش سے شروع کیا تھا۔

پاکستان، افغانستان میچ کے دوران افغان تماشائیوں کا پاکستان کے خلاف سفاک، زہرناک طرزعمل اور نفرت و عداوت میں ڈوبی ہوئی نعرہ بازی عام پاکستانیوں سے لے کر دانشور طبقے تک ہر جگہ موضوع بحث بنی ہوئی ہے۔ مجھے یہ دیکھ کر بہت دکھ ہوا کہ افغانوں کے شدت پسندانہ طرز عمل کے جواب میں ہمارا اپنا ردعمل بھی متشددانہ اور انتہا پسندانہ ہے۔ ہم میں سے اکثر افغانوں کو نمک حرام، محسن کش، احسان فراموش اور بے مروت کہتے ہوئے انہیں اپنا وہ ”حسن سلوک“ یاد دلا رہے ہیں جو ہم چالیس سال سے ان کے ساتھ روا رکھے ہوئے ہیں۔

پچھلے دنوں مصر کے پہلے منتخب صدر کو ایک غاصب آمر نے جیل میں علاج معالجے کی سہولیات سے محروم رکھ کے بے دردی سے قتل کر دیا۔ وہ مرد آہن گذشتہ چھ سال سے اپنے ہی فاتح آمر جنرل کی قید میں موت و حیات کی کشمکش میں مبتلا تھا اور نہایت اولوا العزمی، پامردی اور جگر کاوی سے آمرانہ مظالم کا سامنا کر رہا تھا۔ آپ محمد مرسی کے طرز حکمرانی سے اختلاف کر سکتے ہیں۔ ان کی کچھ پالیسیوں پر بھی تنقید کر سکتے ہیں۔ اقتدار میں آنے کے بعد ان کی حکومت کی طرف سے اٹھائے جانے والے اقدامات پر بھی نکتہ چینی کی جاسکتی ہے مگر جس طرح مصر کے آرمی چیف فتح السیسی نے امریکہ اور اس کے حواریوں کی آشیر باد سے مصر کی منتخب حکومت پر شب خون مار کر منتخب صدر کے ساتھ انسانیت سوز اور سفاک سلوک روا رکھا اور آخر کار اسے بے دردی سے قتل کر دیا، کوئئی ذی شعور اور درد دل رکھنے والا انسان اس کی حمایت نہیں کر سکتا۔ پاکستانی وزیر اعظم کو تو اتنی توفیق بھی نہیں ہوئی کہ وہ اس بیہمانہ قتل پر مصر کی آمرانہ حکومت کی رسمی سی مذمت ہی کر سکیی۔ غیرت تھا جس کا نام گئی تیمور کے گھر سے۔