قصہ ایک نو آموز کا جس نے دو ناول لکھ ڈالے

21/10/2020 ندیم رحمان ملک Covid-19, europe, family, health, literature, pakistan

واجد ابرار اٹلی میں رہتے ہیں، لیکن سانس پاکستان میں لیتے ہیں۔ ابھی کھیلنے کودنے اور تفریح کے دن تھے کہ نا جانے اسے کیا سوجھی، کاغذ قلم اٹھایا اور گھر کے کونے میں کسی پارک کے بینچ پر اور کسی جنگل میں جھیل کنارے بیٹھ کر لکھنا شروع کر دیا۔ لکھتے رہے اور بس لکھتے رہے۔ تین ماہ بعد گھر والوں اور دوستوں پر انکشاف ہوا کہ موصوف ایک عدد ناول لکھ چکے ہیں۔ کسی نے یقین نہ کیا۔ کیوں کہ اس نے کوئی ادبی ناول تو کجا، کبھی کوئی ادبی کتاب تک نہیں پڑھی تھی۔ البتہ وہ مطالعے کا شوق رکھتا تھے۔

آج کے اردو ادب اور اس کے ”درخشاں ستاروں“ سے اسے کوئی شناسائی نہیں تھی۔ حتیٰ کہ اسے کلاسیک ادب اور کلاسیک مشاہیر ادب سے بھی شدھ بدھ نہ تھی۔ وہ نہیں جانتا تھا کہ قدرت اللہ شہاب کون ہے؟ امجد اسلام امجد، اشفاق احمد، ممتاز مفتی اور تو اور وہ مستنصر حسین تارڑ کے مشکل نام اور اس سے وابستہ واقعات سے بھی واقف نہیں تھا۔ وہ صرف پاکستان کے ایک نامور ادبی بزرگ ”فصیح باری خان“ کے نام سے واقف تھا۔ وہ یہ نہیں جانتا تھا کہ فصیح باری خان نامور تو تھا، لیکن ادبی بزرگ ہر گز نہیں تھا۔

بلاگ کتابیں

محمد بلال غوری کی کتاب ”لاپتا کالم“

19/10/2020 مہدی حیات Gen Parvez Musharraf, health, Imran Khan, kashmir, nawaz sharif, pakistan, Woman

پاکستان میں تواتر سے استعمال ہونے والے دو لفظوں یعنی ”لاپتا“ اور ”نا معلوم افراد“ کا آپس میں چولی دامن کا ساتھ ہے۔ کیوں کہ جب بھی کچھ لاپتا ہوتا ہے تو اس کا الزام نا معلوم افراد پر عائد کیا جاتا ہے۔ اختر مینگل حکومت کے اتحادی بنے تو مطالبات میں ”لاپتا“ کی گونج سنائی دی۔ محمد حنیف صاحب کے باوردی ”آم“ بازار میں دستیاب ہوئے تو نا معلوم افراد کی ایک لہر نے انہیں بھی لاپتا کر دیا اور پھر خاصے عرصے سے لاپتا افراد کی بازیابی کے لیے وکالت کرنے والے انعام صاحب اچانک لاپتا ہو گئے، وزارت دفاع سے بازیاب تو ہوئے، مگر بعد ازاں غیر ملکی ایجنٹ مشہور ہیں۔

اسی سلسلے میں بہت عرصے سے لاپتا ہونے والے کالموں پر مشتمل ایک کتاب پڑھنے کو ملی، کتاب کا نام ہی ”لاپتا کالم“رکھا گیا ہے، مصنف روزنامہ جنگ کے معروف کالم نگار محمد بلال غوری ہیں اور اسے ساگر پبلشرز نے شائع کیا ہے۔ کتاب پڑھنے کے بعد بہت سے کالموں کے ”لاپتا“ ہونے کے پیچھے چھپے ”نا معلوم افراد“ بھی معلوم ہونے لگتے ہیں۔ پلٹ کے، جھپٹ کے، کیسے کیسے اور کس کس ”مقدس گائے“ کے بارے میں لکھے گئے کالم لاپتا کیے گئے، ذرا احوال پڑھیے:

بلاگ کتابیں

آنکھوں کے اس پار: فوزیہ رباب کی شاعری

19/10/2020 رضوان الدین فاروقی، بھوپال، انڈیا family, literature, love

اردو شاعری کے وسیع تر کینوس پر ادھر دو دہائیوں میں جن شاعرات نے اپنے شعری وجود سے فضا کو مشک بار کیا ہے، ان کی فہرست اگر چہ طویل ہے، پھر بھی کچھ شاعرات ایسی ہیں، جنہوں نے اپنی فکری توانائی سے غزل کے وہ رنگ بکھیرے ہیں، جو ہمارے عہد کی یقیناً شناخت کہے جا سکتے ہیں۔ ان شاعرات کے بنائے ہوئے راستے پر جن شاعرات نے آگے کا سفر طے کیا، ان میں ایک نمایاں نام فوزیہ رباب کا بھی ہے۔ فوزیہ رباب کا تعلق گجرات سے بھی ہے اور یو پی سے بھی، کہ ان کی تعلیم و تربیت احمد آباد میں ہوئی اور زندگی کا اعتبار بجنور، یوپی میں حاصل ہوا۔ ان کے شوہر کا تعلق روہیل کھنڈ کے اسی دیار سے ہے۔ یہ الگ بات ہے کہ اب معاشی ضرورتوں کے تحت یہ ایک عرصے سے گوا میں مقیم ہیں۔

جہاں تک فوزیہ رباب کے شعری سروکار کا تعلق ہے میرے پیش نظر ان کا شعری مجموعہ ”آنکھوں کے اس پار“ ہے، جس میں غزلیں بھی ہیں اور نظمیں بھی۔ ان کی شاعری کے مطالعے سے لگتا ہے کہ انہوں اس میدان میں پوری سنجیدگی کے ساتھ قدم رکھا ہے اور سنبھل سنبھل کر یہاں تک کا سفر طے کیا ہے۔ میں سمجھتا ہوں کہ ان کے یہاں زبان و بیان کا کوئی مسئلہ نہیں۔ ان کا تعلق یقیناً ایک علمی و ادبی گھرانے سے رہا ہے۔ ویسے ادھر جو شاعری کے نئے رجحانات ہمارے سامنے آرہے ہیں، ان کی تازگی اور لفظوں کے نشست و برخاست کو دیکھ کر اندازہ ہوتا ہے کہ یہ شاعری اس شاعری سے کسی حد تک الگ ہے، جسے ہم بیسویں صدی کے ڈوبتے سورج کے ساتھ ہی چھوڑ آئے۔

بلاگ کتابیں

سیاست کا جغرافیہ ( باب نہم)کچھ روشن طبقات کے روشن نکات

19/10/2020 امجد محمود چشتی constitution, health, literature, motorway, Politics

ریاست میں بے شمار طبقے ایسے ہیں، جن کے ہر وقت چودہ طبق روشن رہتے ہیں۔ انہی میں سے کچھ کے وضع کردہ نکات با برکات کی تفصیل ذیل میں دی جاتی ہے۔

قائدین وکالت کے چودہ نکات:

1۔ وکلاء کی معاشرے میں امتیازی و دست درازی حیثیت ہر صورت تسلیم کی جائے۔

2۔ کسی بھی محکمے میں وکلا کے دفتری کاموں کو ترجیحی بنیادوں پہ حل کرنے کا یقین دلایا جائے اور عام لوگوں کے ساتھ قطار میں لگ کاروباری کے انتظار کی شرم ناک شرط ختم کی جائے۔

بلاگ کتابیں

جبار آزاد منگی کی سندھی میں ریڈیو اسکرپٹس کی کتاب: ”ایٔ عشق جو آواز“ (یہ عشق کی آواز)

19/10/2020 یاسر قاضی literature, pakistan, sindh

مختلف زبانوں کے نثر میں ایسے قلم کاروں نے، جن کا تعلق ریڈیو یا ٹیلی وژن سے رہا ہے، اپنے لکھے ہوئے اسکرپٹس کو کتابوں کی صورت میں ترتیب دے کر طبع کروایا ہے، تا کہ وہ گفتگو، جو ایک بار نشر ہو کر ہوا میں اڑ گئی، وہ محفوظ ہو سکے اور اس میں شامل تحقیق، مستقبل کے محققین کے لئے حوالے کے طور پر بھی کام آ سکے۔ ورنہ ریڈیو پاکستان اور پاکستان ٹیلی وژن کے پاس خود اپنے یادگار ترین پروگراموں کی نہ ریکارڈنگز محفوظ ہیں، نا ہی ان کے اسکرپٹ۔

کہنے کو تو پاکستان ٹیلی وژن کے تمام مراکز کے اندر اسکرپٹ لائبریری موجود ہیں، مگر ان کا احوال یہ ہے کہ مجھے جب کبھی جس کسی ٹیلی وژن پروگرام کا اسکرپٹ درکار ہوتا ہے، تو وہاں دستیاب نہیں ہوتا۔ ریڈیو پاکستان کے آرکائیوز کا احوال تو نا ہی پوچھیں! جہاں کہنے کو تو تمام صوبائی دار الحکومتوں کے ریڈیو اسٹیشن پر ”سنٹرل پروڈکشن یونٹ“ (مرکزی ادارۂ پیش کش) قائم ہیں، جن کا کام، نا صرف ریڈیو پاکستان کے تمام اسٹیشنوں کے لئے موسیقی اور گفتگو کے پروگرام، خواہ فیچرز بنا کر انہیں فراہم کرنا ہے، بلکہ اپنے اپنے خطے کے صوتی اثاثے کو محفوظ کرنا بھی ہے۔

بلاگ کتابیں

ناسٹیلجیا: سلمان باسط کا آتش رفتہ کا سراغ

14/10/2020 ندیم رحمان ملک drama, family, father, health, Humor, literature, love, mother, satire

پروفیسر سلمان باسط۔ ایک علمی اور ادبی خانوادے سے تعلق رکھتے ہیں، ان کے دادا غلام حیدر مرحوم صاحب دیوان شاعر تھے۔ دادا کے بھائی میراں بخش منہاس، پنجابی زبان کے پہلے ناول نگار اور عمدہ شاعر بھی تھے۔ سلمان باسط کے بڑے بھائی عثمان خاور شاعر اور سیاح ہیں اور سیاحت نگری پر خامہ فرسائی فرماتے رہتے ہیں۔ سلمان باسط انگریزی ادب کے استاد اور پروفیسر ہیں۔ انہوں نے انگریزی زبان و ادب کے چند چنیدہ کتابوں کے اردو میں تراجم بھی کیے اور ایک اچھے شاعر اور طنز و مزاح خاکہ نگار بھی ہیں۔ ان کی کتاب ”خاکی خاکے“ خاصی مقبول ہوئی۔ ”ناسٹیلجیا“ آپ کی تازہ ترین کتاب ہے جو کہ آپ بیتی پر مشتمل ہے اور ابھی اس کا پہلا پڑاؤ ہے۔ یعنی آپ پہلا حصہ کہہ سکتے ہیں اور یہ آج کل ادبی حلقوں میں بہت پذیرائی حاصل کر رہی ہے۔

کہتے ہیں کہ انسان ماضی گزیدہ ہے، اور اگر اس کی یاد داشت اچھی ہو تو وہ خواب گزیدہ جہاں، اس کے لیے عذاب بھی بن سکتا ہے۔ اور اگر جنت گم شدہ میں بچپن کا ساون، کاغذ کی کشتی اور بارش کا پانی ابھی بھی آنکھوں میں موجود ہو، تو وہ کبھی خدا سے اپنے حافظے کے چھن جانے کی استدعا نہیں کرے گا۔ وہ بیتے دنوں کو کبھی بھول نہیں پائے گا اور آخری دن تک یاد رکھتا ہے۔ بچپن سب کا ایک جیسا ہی حسین خوبصورت اور دلربا ہوتا ہے، یہ ایک ایسی ٹائم مشین ہے جس میں کوئی بھی جب چاہیے ان وادیوں میں اتر سکتا ہے اور جتنا چاہے اپنے آپ کو گم کر کے اک خوشی، اک تسکین سی پا سکتا ہے۔ اس ٹائم مشین کی فریکوئنسی اور کانفیگریشن تبھی مکمل ہو گی، جب آپ ناسٹیلجیا کے بٹن کو پریس کریں گے۔